عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
قوربانگای قوربانی سووتاندن 
1
«قوربانگاش له‌ داری ئه‌كاسیا دروستبكه‌، درێژییه‌كه‌ی پێنج باڵ[a] و پانییه‌كه‌ی پێنج باڵ بێت، قوربانگاكه‌ چوارگۆشه‌ بێت، به‌رزاییه‌كه‌شی سێ باڵ[b] بێت.
2
قۆچه‌كانیشی له‌سه‌ر هه‌ر چوار گۆشه‌كه‌ی بێت، قۆچه‌كان له‌ خۆی بێت و به‌ بڕۆنز ڕووكه‌شی بكه‌.
3
ته‌شته‌كانی كه‌ بۆ هه‌ڵگرتنی خۆڵه‌مێشه‌كه‌ی و هه‌روه‌ها خاكه‌ناز، تاس[c] ، چه‌نگاڵ، مه‌قه‌ڵی و هه‌موو قاپوقاچاغه‌كه‌ی له‌ بڕۆنز دروستبكه‌.
4
كه‌تیبه‌یه‌كی وه‌ك تۆڕیشی بۆ دروستبكه‌ له‌ بڕۆنز، له‌سه‌ر تۆڕه‌كه‌ش چوار ئه‌ڵقه‌ی بڕۆنز له‌سه‌ر هه‌ر چوار لایه‌كه‌ی دروستبكه‌.
5
بیخه‌ ژێر لێواری قوربانگاكه‌ و تۆڕه‌كه‌ش هه‌تا ناوه‌ڕاستی قوربانگاكه‌ بێت.
6
دوو داریش بۆ قوربانگاكه‌ له‌ داری ئه‌كاسیا دروستبكه‌ و به‌ بڕۆنز ڕووكه‌شیان بكه‌.
7
دوو داره‌كه‌ش بخه‌ره‌ ناو ئه‌ڵقه‌كانه‌وه‌، ئیتر داره‌كان به‌ هه‌ردوو لای قوربانگاكه‌وه‌ ده‌بن له‌ كاتی هه‌ڵگرتنی.
8
قوربانگاكه‌ش له‌ ته‌خته‌ دروستبكه‌ و ناوه‌كه‌ی بۆش بێت. هه‌روه‌ك له‌ كێوه‌كه‌ پیشانت درا ئاوای دروستبكه‌.
حه‌وشه‌ی چادره‌كه‌ی په‌رستن 
9
«حه‌وشه‌ی چادره‌كه‌ی په‌رستنیش له‌لای باشوور دروستبكه‌، بۆ حه‌وشه‌كه‌ چه‌ند په‌رده‌یه‌ك ده‌بێت له‌ كه‌تانی ڕستراو به‌ درێژی سه‌د باڵ[d] بۆ یه‌ك لا،
10
كۆڵه‌كه‌كانیشی بیست دانه‌ و بیست بنكه‌ی بڕۆنزیشی هه‌بێت. قولاپی كۆڵه‌كه‌كان و ئه‌ڵقه‌كانیشی له‌ زیو بن.
11
ئاواش بۆ لای باكوور له‌ درێژیدا په‌رده‌كان سه‌د باڵ درێژ بن، كۆڵه‌كه‌كانیشی بیست دانه‌ بن و بیست بنكه‌ی بڕۆنزیشی بێت. قولاپی كۆڵه‌كه‌كان و ئه‌ڵقه‌كانیشی له‌ زیو بن.
12
«له‌ پانی حه‌وشه‌كه‌ش به‌ره‌و ڕۆژئاوا چه‌ند په‌رده‌یه‌ك به‌ درێژایی په‌نجا باڵ[e] و كۆڵه‌كه‌كانی ده‌ دانه‌ و بنكه‌كانیشی ده‌.
13
له‌ پانی حه‌وشه‌كه‌ش له‌لای ڕۆژهه‌ڵات و ڕووه‌و خۆر هه‌ڵاتن په‌نجا باڵ.
14
چه‌ند په‌رده‌یه‌كیش بۆ لایه‌كی به‌ درێژی پازده‌ باڵ[f] ، كۆڵه‌كه‌كانی سێ و بنكه‌كانیشی سێ بن.
15
بۆ لایه‌كه‌ی دیكه‌ش چه‌ند په‌رده‌یه‌ك به‌ درێژایی پازده‌ باڵ، كۆڵه‌كه‌كانی سێ و بنكه‌كانیشی سێ بن.
16
«بۆ ده‌روازه‌ی حه‌وشه‌كه‌ش په‌رده‌یه‌ك كه‌ بیست باڵ[g] درێژ و له‌ ڕیسی مۆر و ئه‌رخه‌وانی و سووری ئاڵ و كه‌تانی ڕستراو، چنراو به‌ ده‌ستكردی جۆڵایه‌ك و كۆڵه‌كه‌كانی چوار و بنكه‌كانیشی چوار بن.
17
هه‌موو كۆڵه‌كه‌كانی حه‌وشه‌كه‌ش ئه‌ڵقه‌ی زیویان هه‌بێت به‌ ده‌وریان و قولاپه‌كانی له‌ زیو و بنكه‌كانی له‌ بڕۆنز بن.
18
درێژایی حه‌وشه‌كه‌ سه‌د باڵ بێت و پانییه‌كه‌ی په‌نجا به‌ په‌نجایه‌ و به‌رزاییه‌كه‌شی پێنج باڵ[h] و له‌ كه‌تانی ڕستراو و بنكه‌كانیشی له‌ بڕۆنز بن.
19
هه‌موو ئه‌و قاپوقاچاغانه‌ی دیكه‌ كه‌ له‌ خزمه‌تی چادره‌كه‌ی په‌رستن به‌كارده‌هێنرێن، به‌ هه‌ر شێوه‌یه‌ك به‌كاردێت، له‌گه‌ڵ هه‌موو سنگه‌كانی چادره‌كه‌ی په‌رستن و حه‌وشه‌كه‌، ده‌بێت له‌ بڕۆنز دروستكرابن.
زه‌یت بۆ چرادانه‌كه‌ 
20
«تۆش فه‌رمان به‌ نه‌وه‌ی ئیسرائیل بكه‌ با زه‌یتی زه‌یتوونی ساده‌ و گوشراوت بۆ ڕووناكی بۆ بهێنن، هه‌تا چرا به‌رده‌وام داگیرساو بێت.
21
له‌ناو چادری چاوپێكه‌وتن[i] له‌ ده‌ره‌وه‌ی په‌رده‌كه‌ ئه‌وه‌ی له‌به‌رده‌م سندوقی په‌یمانه‌[j] ، هارون و كوڕه‌كانی له‌ ئێواره‌وه‌ هه‌تا به‌یانی له‌به‌رده‌م یه‌زدان ڕێكی بخه‌ن، فه‌رزێكی هه‌تاهه‌تاییه‌ بۆ نه‌وه‌كانیان له‌نێو نه‌وه‌ی ئیسرائیل.
  1. a. 27‏:1 پێنج باڵ: نزیكه‌ی 2,3 مه‌تر.
  2. b. 27‏:1 سێ باڵ: نزیكه‌ی 1,4 مه‌تر.
  3. c. 27‏:3 كاهین ئه‌م تاسانه‌ی بۆ پرژاندنی خوێنی قوربانی به‌كارده‌هێنا، وه‌ك هێمایه‌ك بۆ كه‌فاره‌تی گوناهه‌كانی خه‌ڵك. \+xt بڕوانه‌ 29‏:20 و زه‌كه‌ریا 9‏:15؛ 14‏:20 و عیبرانییه‌كان 9‏:13‏\+xt*‏.
  4. d. 27‏:9 سه‌د باڵ: نزیكه‌ی 46 مه‌تر.
  5. e. 27‏:12 په‌نجا باڵ: نزیكه‌ی 23 مه‌تر.
  6. f. 27‏:14 پازده‌ باڵ: نزیكه‌ی 6,9 مه‌تر.
  7. g. 27‏:16 بیست باڵ: نزیكه‌ی 9 مه‌تر.
  8. h. 27‏:18 پێنج باڵ: نزیكه‌ی 2,3 مه‌تر.
  9. i. 27‏:21 لێره‌ مه‌به‌ستی له‌ چادره‌كه‌ی په‌رستنه‌ كه‌ له‌ به‌شی 26 باسكراوه‌.
  10. j. 27‏:21 عیبری: شایه‌تییه‌كه‌.