عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پیلانی هامان بۆ له‌ناوبردنی جوله‌كه‌كان 
1
پاش ئه‌م ڕووداوانه‌، ئه‌حه‌شوێرۆشی پاشا هامانی كوڕی هه‌مه‌داسای ئه‌گاگی[a] گه‌وره‌ كرد و به‌رزی كرده‌وه‌، پایه‌یه‌كی به‌رزتری له‌ پایه‌ی هه‌موو سه‌ركرده‌كانی دیكه‌ پێ به‌خشی كه‌ له‌گه‌ڵین.
2
هه‌موو كاربه‌ده‌سته‌كانی پاشا كه‌ له‌لای ده‌روازه‌ی پاشاوه‌ن به‌پێی فه‌رمانی پاشا سه‌ریان بۆ هامان داده‌نه‌واند و كڕنۆشیان بۆ ده‌برد، به‌ڵام مۆرده‌خای سه‌ری بۆ دانه‌ده‌نه‌واند و كڕنۆشی بۆ نه‌ده‌برد.
3
له‌به‌ر ئه‌وه‌ خزمه‌تكاره‌كانی پاشا ئه‌وانه‌ی له‌ ده‌روازه‌كه‌ی پاشادا بوون به‌ مۆرده‌خایان گوت: «بۆچی سه‌رپێچی فه‌رمانی پاشا ده‌كه‌یت؟»
4
ڕۆژ له‌دوای ڕۆژ قسه‌یان له‌گه‌ڵ ده‌كرد، به‌ڵام ئه‌و هه‌ر گوێی لێ نه‌ده‌گرتن. له‌به‌ر ئه‌وه‌ به‌ هامانیان گوت بۆ ئه‌وه‌ی بزانن ئه‌و قسه‌یه‌ی مۆرده‌خای خۆی ڕاده‌گرێت، چونكه‌ پێی ڕاگه‌یاندبوون كه‌ ئه‌و جوله‌كه‌یه‌.
5
جا كه‌ هامان بینی مۆرده‌خای سه‌ری بۆ دانانه‌وێنێت و كڕنۆشی بۆ نابات، زۆر تووڕه‌ بوو.
6
پێی كه‌م بوو به‌ ته‌نها ده‌ست بۆ مۆرده‌خای خۆی درێژ بكات، چونكه‌ زانی مۆرده‌خای له‌ چ نه‌ته‌وه‌یه‌كه‌. هامان به‌دوای ئه‌وه‌ ده‌گه‌ڕا هه‌موو نه‌ته‌وه‌كه‌ی مۆرده‌خای، به‌ واته‌ هه‌موو جوله‌كه‌كان، كه‌ له‌ شانشینی ئه‌حه‌شوێرۆش بوون له‌ناویان ببات.
7
له‌ مانگی یه‌ك كه‌ مانگی نیسانه‌، له‌ ساڵی دوازده‌یه‌مینی ئه‌حه‌شوێرۆشی پاشا، له‌به‌رده‌م هامان تیروپشكیان ده‌كرد كه‌ پێی ده‌گوترا \tl پور\tl*، بۆ هه‌ڵبژاردنی ڕۆژ و مانگێك. تیروپشك كه‌وته‌ سه‌ر مانگی دوازده‌، واته‌ مانگی ئادار.
8
ئینجا هامان به‌ ئه‌حه‌شوێرۆش پاشای گوت: «نه‌ته‌وه‌یه‌ك هه‌یه‌ له‌نێو هه‌موو نه‌ته‌وه‌كانی هه‌رێمه‌كانی پاشایه‌تییه‌كه‌ په‌رته‌وازه‌ن و به‌ جیاواز ده‌ژین. نه‌ریته‌كانیان له‌گه‌ڵ نه‌ریتی هه‌موو نه‌ته‌وه‌كان جیاوازتره‌ و یاساكانی پاشا جێبه‌جێ ناكه‌ن. بۆ پاشا باش نییه‌ لێیان بگه‌ڕێت به‌ ئاسووده‌یی دانیشن.
9
ئه‌گه‌ر پاشا پێی باشه‌ با یاسایه‌ك بۆ له‌ناوبردنیان بنووسێت، منیش ده‌ هه‌زار تالنت[b] زیو ده‌ده‌مه‌ ده‌ستی خه‌زنه‌دار بۆ گه‌نجینه‌كانی پاشا.»
10
ئینجا پاشا ئه‌نگوستیله‌كه‌ی له‌ ده‌ستی خۆی داكه‌ند كه‌ مۆری شاهانه‌ی پێوه‌ بوو، دایه‌ هامانی كوڕی هه‌مه‌داسای ئه‌گاگی دوژمنی جوله‌كه‌كان.
11
پاشا به‌ هامانی گوت: «زیوه‌كه‌ بۆ خۆت بێت، چیشت پێ باشه‌ ئاوا له‌ نه‌ته‌وه‌كه‌ بكه‌.»
12
له‌ سێزده‌ی مانگی یه‌ك خامه‌ی نهێنییه‌كانی[c] پاشا بانگ كران، هه‌موو ئه‌وه‌ی هامان فه‌رمانی پێیدان نووسرایه‌وه‌ بۆ میره‌كانی پاشا و پارێزگاره‌كانی هه‌رێمه‌ جیاوازه‌كان و سه‌ركرده‌كانی نه‌ته‌وه‌ جیاكان، هه‌ر هه‌رێمه‌ و به‌ ڕێنووسی خۆی و هه‌ر نه‌ته‌وه‌یه‌ و به‌ زمانی خۆی. نامه‌كانیش به‌ ناوی ئه‌حه‌شوێرۆش پاشاوه‌ نووسراون و به‌ ئه‌نگوستیله‌كه‌ی ئه‌ویش مۆر كران.
13
به‌ ده‌ستی په‌یامبه‌ره‌كانیشدا نامه‌كان بۆ هه‌موو هه‌رێمه‌كانی پاشا نێردران و تێیاندا فه‌رمانی دابوو كه‌ له‌ یه‌ك ڕۆژ، له‌ سێزده‌ی مانگی دوازده‌، واته‌ له‌ مانگی ئادار هه‌موو جوله‌كه‌كان به‌ گه‌نج و پیر و ژن و منداڵه‌وه‌ قڕ بكرێن و بكوژرێن و له‌ناو ببردرێن، كه‌لوپه‌له‌كانیشیان به‌ تاڵان ببردرێن.
14
وێنه‌ی نووسراوه‌كه‌ش وه‌ك یاسایه‌ك درایه‌ هه‌موو هه‌رێمه‌كان و له‌ناو هه‌موو نه‌ته‌وه‌كان بڵاوكرایه‌وه‌ بۆ ئه‌وه‌ی خۆیان بۆ ئه‌م ڕۆژه‌ ئاماده‌ بكه‌ن.
15
هه‌روه‌ك پاشا فه‌رمانی كرد په‌یامبه‌ره‌كان به‌ په‌له‌ ڕۆیشتن، هه‌روه‌ها ئه‌و فه‌رمانه‌ له‌ قه‌ڵای شوشیش درا. پاشا و هامان بۆ خواردنه‌وه‌ دانیشتن، به‌ڵام شاری شوش شڵه‌ژا.
  1. a. 3‏:1 ئه‌گاگ، پاشای عه‌مالێق، له‌ سه‌رده‌می پێغه‌مبه‌ر موسا دوژمنی جوله‌كه‌ بووه‌. بڕوانه‌ \+xt ده‌رچوون 17‏:14 و یه‌كه‌م ساموئێل 15‏:20‏\+xt*‏.
  2. b. 3‏:9 ده‌ هه‌زار تالنت: نزیكه‌ی 345 ته‌ن.
  3. c. 3‏:12 ڕازپۆش.