عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
مردنی موسا 
1
ئینجا موسا له‌ ده‌شته‌كانی مۆئابه‌وه‌ بۆ چیای نه‌بۆ سه‌ركه‌وت بۆ سه‌ری پسگه‌، كه‌ به‌رامبه‌ر ئه‌ریحایه‌، جا یه‌زدان هه‌موو خاكه‌كه‌ی پیشان دا، له‌ گلعاده‌وه‌ هه‌تا دان و
2
هه‌موو نه‌فتالی و خاكی ئه‌فرایم و مه‌نه‌شه‌ و هه‌موو خاكی یه‌هودا هه‌تا ده‌ریای ڕۆژئاوا و
3
نه‌قه‌ب و هه‌موو ناوچه‌كه‌، له‌ دۆڵی ئه‌ریحاوه‌ «شاری دار خورما» هه‌تا زۆعه‌ر،
4
یه‌زدان پێی فه‌رموو: «ئه‌وه‌ ئه‌و خاكه‌یه‌ كه‌ سوێندم بۆ ئیبراهیم و ئیسحاق و یاقوب خوارد و فه‌رمووم: ”ده‌یده‌مه‌ نه‌وه‌كه‌ت.“ وا به‌ چاوه‌كانی خۆت پێم پیشان دایت، به‌ڵام تۆ بۆ ئه‌وێ ناپه‌ڕیته‌وه‌.»
5
جا موسای به‌نده‌ی یه‌زدان له‌وێ مرد، له‌ خاكی مۆئاب به‌گوێره‌ی فه‌رمانی یه‌زدان.
6
یه‌زدان له‌ خاكی مۆئاب له‌ دۆڵه‌كه‌ به‌رامبه‌ر بێت‌په‌عۆر ناشتی، هه‌تا ئه‌مڕۆش كه‌س گۆڕه‌كه‌ی پێ نازانێت.
7
موسا ته‌مه‌نی سه‌د و بیست ساڵان بوو كاتێك مرد، هێشتا چاوه‌كانی كز نه‌ببوون و هێزی له‌به‌ر نه‌بڕابوو.
8
جا نه‌وه‌ی ئیسرائیل له‌ ده‌شته‌كانی مۆئاب سی ڕۆژ ماته‌میان بۆ گێڕا، ئینجا ڕۆژانی گریان و شیوه‌نی موسا ته‌واو بوو.
9
یه‌شوعی كوڕی نونیش پڕ بوو له‌ ڕۆحی دانایی، چونكه‌ موسا ده‌ستی له‌سه‌ر دانابوو. ئیتر نه‌وه‌ی ئیسرائیل گوێیان لێ گرت و ئاوایان كرد وه‌ك ئه‌وه‌ی یه‌زدان فه‌رمانی به‌ موسا كردبوو.
10
جا هیچ پێغه‌مبه‌رێك له‌ ئیسرائیل په‌یدا نه‌بوو وه‌ك موسا كه‌ یه‌زدانی ڕوو به‌ ڕوو ناسی،
11
له‌ هه‌موو ئه‌و نیشانه‌ و په‌رجووانه‌ی یه‌زدان ناردی هه‌تا له‌ خاكی میسر به‌ فیرعه‌ون و هه‌موو خزمه‌تكاره‌كانی و هه‌موو خاكه‌كه‌ی بكات.
12
هه‌رگیز كه‌س ئه‌و توانا مه‌زنه‌ی پیشان نه‌داوه‌ و ئه‌و كاره‌ سامناكانه‌ی له‌به‌رچاوی هه‌موو ئیسرائیل نه‌كردووه‌ كه‌ موسا كردی.