عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
جه‌ژنی په‌سخه‌ 
1
مانگی ئاڤیڤ بپارێزن و جه‌ژنی په‌سخه‌ بۆ یه‌زدانی په‌روه‌ردگارتان بكه‌ن، چونكه‌ له‌ مانگی ئاڤیڤدا یه‌زدانی په‌روه‌ردگارتان به‌ شه‌و له‌ میسر ده‌ریهێنان.
2
جا له‌ جه‌ژنی په‌سخه‌ مانگا و مه‌ڕ بۆ یه‌زدانی په‌روه‌ردگارتان سه‌رده‌بڕن، له‌و شوێنه‌ی یه‌زدان هه‌ڵیده‌بژێرێت بۆ ئه‌وه‌ی ناوی له‌وێ بێت.
3
هیچ نانێكی به‌ هه‌ویرترشی[a] له‌گه‌ڵ نه‌خۆن، حه‌وت ڕۆژ نانی فه‌تیره‌ ده‌خۆن، نانی ته‌نگانه‌، چونكه‌ به‌ په‌له‌ له‌ خاكی میسر هاتنه‌ ده‌ره‌وه‌، هه‌تا هه‌موو ڕۆژانی ژیانتان، ڕۆژی هاتنه‌ده‌ره‌وه‌تان له‌ خاكی میسر له‌ یاد بێت.
4
له‌ هه‌موو سنووره‌كانتان نابێت هه‌ویرترش ببینرێت بۆ حه‌وت ڕۆژ و نابێت هیچ له‌و گۆشته‌ی ئێواره‌ كه‌ ڕۆژی یه‌كه‌م سه‌ری ده‌بڕن بۆ به‌یانی بمێنێته‌وه‌.
5
بۆتان نییه‌ قوربانی جه‌ژنی په‌سخه‌ له‌ یه‌كێك له‌ شارۆچكه‌كانتان سه‌رببڕن كه‌ یه‌زدانی په‌روه‌ردگارتان ده‌تانداتێ،
6
به‌ڵكو له‌و شوێنه‌ی یه‌زدانی په‌روه‌ردگارتان هه‌ڵیده‌بژێرێت هه‌تا ناوی له‌وێ بێت، له‌وێ قوربانی په‌سخه‌ سه‌رده‌بڕن له‌ ئێواره‌، ده‌مه‌و خۆر ئاوابوون، له‌ كاتی یادكردنه‌وه‌ی ساڵانه‌ی هاتنه‌ده‌ره‌وه‌تان له‌ میسر.
7
له‌و شوێنه‌ی یه‌زدانی په‌روه‌ردگارتان هه‌ڵیده‌بژێرێت، لێی ده‌نێن و ده‌یخۆن و ئینجا بۆ به‌یانی ده‌گه‌ڕێنه‌وه‌ چادره‌كانتان.
8
شه‌ش ڕۆژ نانی فه‌تیره‌ ده‌خۆن و ڕۆژی حه‌وته‌میش ئاهه‌نگی كۆتایی ده‌گێڕن بۆ یه‌زدانی په‌روه‌ردگارتان، هیچ كارێكی تێدا ناكه‌ن.
جه‌ژنی هه‌فته‌كان 
9
حه‌وت هه‌فته‌ ده‌ژمێرن بۆ خۆتان، له‌ ده‌ستپێكردنی دروێنه‌ی ده‌غڵ ده‌ستپێده‌كه‌یت.
10
جه‌ژنی هه‌فته‌كان[b] بۆ یه‌زدانی په‌روه‌ردگارتان ده‌گێڕن، به‌گوێره‌ی ئه‌وه‌ی له‌ ده‌ستتان دێته‌ده‌ر به‌خشینێكی ئازاد ده‌به‌خشن، وه‌ك ئه‌وه‌نده‌ی یه‌زدانی په‌روه‌ردگارتان به‌ره‌كه‌تداری كردوون.
11
جا خۆتان و كوڕ و كچ و خزمه‌تكار و كاره‌كه‌ره‌كانتان، هه‌روه‌ها ئه‌و لێڤییانه‌ی كه‌ له‌ شارۆچكه‌كانتانن و ئه‌و نامۆ و هه‌تیو و بێوه‌ژنانه‌ی كه‌ له‌نێوتانن له‌به‌رده‌م یه‌زدانی په‌روه‌ردگارتان دڵخۆش ده‌بن، له‌و شوێنه‌ی یه‌زدانی په‌روه‌ردگارتان هه‌ڵیده‌بژێرێت هه‌تا ناوی له‌وێ بێت.
12
له‌ یادتان بێت ئێوه‌ش له‌ میسر كۆیله‌ بوون، بۆیه‌ ئه‌و فه‌رزانه‌ به‌جێده‌هێنن و په‌یڕه‌ویان ده‌كه‌ن.
جه‌ژنی كه‌پره‌شینه‌ 
13
حه‌وت ڕۆژان جه‌ژنی كه‌پره‌شینه‌ بۆ خۆتان ده‌كه‌ن، كاتێك به‌رهه‌م له‌ جۆخین و گوشه‌ره‌كه‌تان[c] كۆده‌كه‌نه‌وه‌.
14
جا به‌ جه‌ژنه‌كه‌تان خۆتان و كوڕ و كچ و خزمه‌تكار و كاره‌كه‌ره‌كانتان، هه‌روه‌ها ئه‌و لێڤی و نامۆ و هه‌تیو و بێوه‌ژنانه‌ی له‌ شارۆچكه‌كانتاندان دڵخۆش ده‌بن.
15
حه‌وت ڕۆژان بۆ یه‌زدانی په‌روه‌ردگارتان جه‌ژن ده‌گێڕن له‌و شوێنه‌ی یه‌زدان هه‌ڵیده‌بژێرێت، چونكه‌ یه‌زدانی په‌روه‌ردگارتان به‌ره‌كه‌تدارتان ده‌كات له‌ هه‌موو به‌روبوومێك و له‌ هه‌موو كردارێكی ده‌ستتان، جا بێگومان دڵخۆش ده‌بن.
16
سێ جار له‌ ساڵێكدا هه‌موو نێرینه‌كانتان له‌به‌رده‌م یه‌زدانی په‌روه‌ردگارتان ئاماده‌ ده‌بن، له‌و شوێنه‌ی كه‌ خۆی هه‌ڵیده‌بژێرێت: له‌ جه‌ژنی فه‌تیره‌ و جه‌ژنی هه‌فته‌كان و جه‌ژنی كه‌پره‌شینه‌. نابێت به‌ ده‌ستبه‌تاڵی له‌به‌رده‌م یه‌زدان ئاماده‌ بن،
17
به‌پێی ئه‌و به‌ره‌كه‌ته‌ی یه‌زدانی په‌روه‌ردگارت پێت ده‌به‌خشێت، هه‌ریه‌كه‌ به‌گوێره‌ی ئه‌وه‌ی له‌ ده‌ستی دێته‌ده‌ر.
دادوه‌ران 
18
دادوه‌ران و كوێخاكان بۆ خۆتان داده‌نێن له‌ هه‌موو شارۆچكه‌كانتان كه‌ یه‌زدانی په‌روه‌ردگارتان پێتانی ده‌دات به‌گوێره‌ی هۆزه‌كانتان، جا ئه‌وانیش دادوه‌رییه‌كی ڕاستودروست بۆ گه‌ل ده‌كه‌ن.
19
دادوه‌ری خوار مه‌كه‌نه‌وه‌ و لایه‌نگری كه‌س مه‌كه‌ن و به‌رتیل وه‌رمه‌گرن، چونكه‌ به‌رتیل چاوی داناكان كوێر ده‌كات و قسه‌ی ڕاستودروستان خوار ده‌كات.
20
دادوه‌ری په‌یڕه‌و ده‌كه‌ن و ته‌نها دادوه‌ری، هه‌تا بژین و ده‌ست به‌سه‌ر ئه‌و خاكه‌دا بگرن كه‌ یه‌زدانی په‌روه‌ردگارتان پێتانی ده‌دات.
په‌رستنی خودایه‌كی دیكه‌ 
21
هیچ ستوونه‌ ئه‌شێرایه‌ك له‌ هیچ دارێك بۆ خۆتان ناچێنن له‌ته‌نیشت قوربانگاكه‌ی یه‌زدانی په‌روه‌ردگارتانه‌وه‌ كه‌ بۆ خۆتان دروستی ده‌كه‌ن،
22
هیچ به‌ردێكی ته‌رخانكراو بۆ خۆتان ڕامه‌گرن، ئه‌وه‌ی یه‌زدانی په‌روه‌ردگارتان ڕقی لێیه‌تی.
  1. a. 16‏:3 هه‌ویرترش: له‌ جیاتی خومره‌ بۆ هه‌وێن به‌كارهاتووه‌.
  2. b. 16‏:10 جه‌ژنی هه‌فته‌كان، هه‌روه‌ها وه‌ك جه‌ژنی دروێنه‌ش ناسراوه‌ (\+xt بڕوانه‌ ده‌رچوون 23‏:16‏\+xt*‏)، 50 ڕۆژ دوای جه‌ژنی فه‌تیره‌ بووه‌، كه‌ ده‌كاته‌ حه‌وت هه‌فته‌.
  3. c. 16‏:13 گوشه‌ره‌كه‌تان: به‌رهه‌مه‌كه‌ی ئاوی ترێیه‌، بڕوانه‌ \+xt سه‌رژمێری 18‏:27‏\+xt*‏.