عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
لاوانه‌وه‌ و بانگه‌وازی تۆبه‌كردن 
1
ئه‌ی بنه‌ماڵه‌ی ئیسرائیل، گوێ له‌م په‌یامه‌ بگرن، ئه‌م لاوانه‌وه‌یه‌ كه‌ من به‌سه‌ر ئێوه‌یدا هه‌ڵده‌ده‌م:
2
«ئیسرائیلی پاكیزه‌ كه‌وت،
جارێكی دیكه‌ هه‌ڵناستێته‌وه‌،
فڕێدرایه‌ سه‌ر خاكه‌كه‌ی،
كوا ئه‌وه‌ی هه‌ڵیده‌ستێنێته‌وه‌؟»
3
سه‌باره‌ت به‌مه‌ش یه‌زدانی باڵاده‌ست به‌م جۆره‌ ده‌فه‌رموێت:
«ئه‌و شاره‌ی له‌ ماڵی ئیسرائیل هه‌زار سه‌رباز ده‌نێرێت،
سه‌د سه‌ربازی بۆ ده‌مێنێته‌وه‌،
ئه‌و شارۆچكه‌یه‌ی سه‌د سه‌رباز ده‌نێرێت،
ده‌ سه‌ربازی بۆ ده‌مێنێته‌وه‌.»
4
له‌به‌ر ئه‌وه‌ یه‌زدان ئاوا به‌ بنه‌ماڵه‌ی ئیسرائیل ده‌فه‌رموێت:
«به‌دوای مندا بگه‌ڕێن و بژین،
5
به‌دوای بێت‌ئێلدا مه‌گه‌ڕێن و
مه‌چن بۆ گلگال و
بۆ بیری شابه‌ع مه‌په‌ڕنه‌وه‌،
چونكه‌ گلگال به‌ دیل گیراوی ڕاپێچ ده‌كرێت و
بێت‌ئێل ده‌بێته‌ نه‌بوو[a]
6
ڕوو له‌ یه‌زدان بكه‌ن و بژین،
ئه‌گینا وه‌ك ئاگر پڕده‌داته‌ بنه‌ماڵه‌ی یوسف،
ئاگره‌كه‌ش دانیشتووانی بێت‌ئێل ده‌خوات و
كه‌س ناتوانێت بیكوژێنێته‌وه‌.
7
ئه‌ی ئه‌وانه‌ی دادپه‌روه‌ریتان كرده‌ زه‌قنه‌بووت،
ڕاستودروستیش به‌ زه‌ویدا ده‌ده‌ن!
8
ئه‌وه‌ی كه‌لووه‌كانی حه‌وته‌وانه‌ و ڕاوچی دروستكردووه‌،
سێبه‌ری مه‌رگ بۆ به‌یان ده‌گۆڕێت و
ڕۆژ وه‌ك شه‌و تاریك ده‌كات،
ئاوی ده‌ریا بانگ ده‌كات و
به‌سه‌ر ڕووی زه‌ویدا ده‌یڕێژێت،
ناوی یه‌زدانه‌،
9
ئه‌وه‌ی وێرانی به‌سه‌ر قه‌ڵادا ده‌بارێنێت و
وێرانی به‌سه‌ر شاری قه‌ڵابه‌نددا دێت.
10
ئه‌وان له‌ دادگا ڕقیان له‌ سه‌رزه‌نشتكار ده‌بێته‌وه‌ و
قێزیان له‌ كه‌سی ڕاستگۆ ده‌بێته‌وه‌.
11
له‌به‌ر ئه‌وه‌ی ئێوه‌ هه‌ژار پێشێل ده‌كه‌ن و
به‌شه‌ گه‌نمی لێ ده‌ستێنن،
ئه‌وا ئه‌و كۆشكه‌ی كه‌ له‌ به‌ردی داتاشراو بنیاد نراوه‌،
تێیاندا دانانیشن،
ئه‌و ڕه‌زه‌مێوه‌ به‌رداره‌ی چاندووتانه‌،
له‌ شه‌رابه‌كه‌ی ناخۆنه‌وه‌.
12
چونكه‌ ده‌زانم یاخیبوونه‌كانتان زۆرن،
گوناهه‌كانتان گه‌وره‌ن.
سته‌مكارانی ڕاستودروست و به‌رتیلخۆران،
مافی هه‌ژاران له‌ دادگادا داده‌ماڵن.
13
له‌به‌ر ئه‌وه‌ له‌و كاته‌دا كه‌سی وریا بێده‌نگ ده‌بێت،
چونكه‌ كاتێكی خراپه‌.
14
دوای چاكه‌ بكه‌ون نه‌ك خراپه‌،
بۆ ئه‌وه‌ی بژین،
جا واده‌بێت، یه‌زدانی په‌روه‌ردگاری سوپاسالار له‌گه‌ڵتاندا ده‌بێت،
وه‌ك خۆتان گوتتان.
15
ڕقتان له‌ خراپه‌ بێته‌وه‌ و حه‌زتان له‌ چاكه‌ بێت،
دادپه‌روه‌ری له‌ دادگادا بچه‌سپێنن،
ڕه‌نگه‌ یه‌زدانی په‌روه‌ردگاری سوپاسالار
له‌گه‌ڵ پاشماوه‌ی یوسف میهره‌بان بێت.
16
له‌به‌ر ئه‌وه‌ یه‌زدانی په‌روه‌ردگاری سوپاسالار، په‌روه‌ردگار ئه‌مه‌ ده‌فه‌رموێت:
«له‌ هه‌موو گۆڕه‌پانه‌كاندا شیوه‌ن ده‌گێڕن و
له‌ هه‌موو شه‌قامه‌كاندا ده‌ڵێن: ”ئای! ئای!“
جوتیاره‌كان بۆ گریان بانگ ده‌كه‌ن و
ئه‌وانه‌ی وه‌ستای لاوانه‌وه‌شن بۆ شیوه‌ن گێڕان.
17
له‌ هه‌موو ڕه‌زه‌مێوه‌كاندا شیوه‌ن ده‌بێت،
چونكه‌ به‌ناوه‌ڕاستتدا تێده‌په‌ڕم.»
ئه‌وه‌ فه‌رمایشتی یه‌زدانه‌.
ڕۆژی یه‌زدان 
18
قوڕبه‌سه‌ر ئه‌وانه‌ی تامه‌زرۆی
ڕۆژی یه‌زدانن![b]
بۆچی تامه‌زرۆی ڕۆژی یه‌زدانن؟
ئه‌و ڕۆژه‌ تاریكییه‌ نه‌ك ڕووناكی.
19
وه‌ك پیاوێك له‌به‌رده‌م شێر هه‌ڵبێت و
تووشی ورچێك بێت،
یان بێته‌ ماڵه‌وه‌ و ده‌ستی له‌سه‌ر دیواره‌كه‌ دابنێت و
مار پێوه‌ی بدات.
20
ئایا ڕۆژی یه‌زدان تاریك و بێ ڕووناكی نابێت؟
ئایا ئه‌نگوسته‌چاو و بێ تروسكایی نابێت؟
21
«ڕقم له‌ جه‌ژنه‌كانتان ده‌بێته‌وه‌ و ڕه‌تیان ده‌كه‌مه‌وه‌،
چێژ له‌ كۆڕه‌كانتان نابینم.
22
چونكه‌ ئه‌گه‌ر قوربانی سووتاندنه‌كان و
پێشكه‌شكراوه‌كانی دانه‌وێڵه‌تان پێشكه‌ش بكه‌ن ڕازی نابم،
ئاوڕ له‌ قوربانی هاوبه‌شی[c] ناده‌مه‌وه‌، له‌ دابه‌سته‌كانتان.
23
ژاوه‌ژاوی گۆرانییه‌كانتانم لێ دووربخه‌نه‌وه‌!
گوێ له‌ ئاوازی سازه‌كانتان ناگرم.
24
له‌بری ئه‌وه‌ با دادپه‌روه‌ری وه‌ك زێ بڕوات و
ڕاستودروستیش وه‌ك ڕووبارێكی هه‌میشه‌یی.
25
«ئه‌ی بنه‌ماڵه‌ی ئیسرائیل، ئایا بۆ ماوه‌ی چل ساڵ له‌ چۆڵه‌وانی
قوربانی سه‌ربڕاو و پێشكه‌شكراوتان بۆ هێنام؟
26
به‌ڵكو نزرگه‌ی پاشای خۆتان،
بنكه‌ی بته‌كانتان هه‌ڵگرت،
په‌یكه‌ره‌كانتان بۆ كه‌یوان[d] ، ئه‌ستێره‌ی خوداوه‌نده‌كه‌تان،
كه‌ بۆ خۆتان دروستتان كرد.»
27
له‌به‌ر ئه‌وه‌ یه‌زدان كه‌ ناوی خودای سوپاسالاره‌، ده‌فه‌رموێت:
«من بۆ شوێنێك ڕاپێچتان ده‌كه‌م كه‌ له‌ دیمه‌شق دوورتره‌.»
  1. a. 5‏:5 نه‌بوو: عیبری \+tl ئاڤن\+tl*، واته‌ بێت‌ئاڤن، كه‌ ناوێكی سووكه‌ بۆ بێت‌ئێل.
  2. b. 5‏:18 ڕۆژی سزادانی گوناهباران و ڕزگاركردنی گه‌لی خودا.
  3. c. 5‏:22 قوربانی هاوبه‌شی: ئه‌م قوربانییه‌ هاوده‌می قوربانی سووتاندن بوو. ته‌نها یه‌ك كه‌س هه‌ڵده‌ستا به‌ دابینكردنی ئه‌م قوربانییه‌، به‌ڵام له‌گه‌ڵ خه‌ڵكی دیكه‌ به‌شی زۆری ئه‌م قوربانییه‌یان له‌به‌رده‌م خودا ده‌خوارد وه‌ك هێمایه‌ك بۆ پێكه‌وه‌ ژیان. بڕوانه‌\+xt لێڤییه‌كان 7‏:11‏-15.‏\+xt*‏
  4. d. 5‏:26 كه‌یوان ناوی هه‌ساره‌یه‌كه‌ و خوداوه‌ندی ئاشورییه‌كان بووه‌.