عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
یه‌زدان ئه‌مه‌ ده‌فه‌رموێت:
«مۆئاب یاخی بوو، له‌ یاخیبوونه‌كه‌ی به‌رده‌وامه‌،
سزاكه‌تان به‌سه‌ردا تێناپه‌ڕێنم،
له‌به‌ر ئه‌وه‌ی ئێسكه‌كانی پاشای ئه‌دۆمی سووتاند
هه‌تا ئه‌وه‌ی بووه‌ گه‌چ،
2
هه‌ر له‌به‌ر ئه‌وه‌ ئاگر ده‌نێرمه‌ سه‌ر مۆئاب،
قه‌ڵاكانی قه‌ریۆت ده‌خوات.
مۆئاب له‌ناو هاژه‌هاژ ده‌مرێت،
له‌نێو هاتوهاوار و ده‌نگی كه‌ڕه‌نا.
3
فه‌رمانڕه‌وا له‌ناوه‌ڕاستیدا ڕیشه‌كێش ده‌كه‌م و
هه‌موو كاربه‌ده‌سته‌كانی له‌گه‌ڵیدا ده‌كوژم.»
ئه‌وه‌ فه‌رمایشتی یه‌زدانه‌.
4
یه‌زدان ئه‌مه‌ ده‌فه‌رموێت:
«یه‌هودا یاخی بوو، له‌ یاخیبوونه‌كه‌ی به‌رده‌وامه‌،
سزاكه‌تان به‌سه‌ردا تێناپه‌ڕێنم،
له‌به‌ر ئه‌وه‌ی چونكه‌ فێركردنی یه‌زدانیان ڕه‌تكرده‌وه‌ و
فه‌رزه‌كانی ئه‌ویان به‌جێنه‌هێنا،
چونكه‌ درۆكانیان فریوی دان
ئه‌وه‌ی باوكانیان دوایان كه‌وتن،
5
هه‌ر له‌به‌ر ئه‌وه‌ ئاگر ده‌نێرمه‌ سه‌ر یه‌هودا،
قه‌ڵاكانی ئۆرشه‌لیم ده‌خوات.»
حوكم به‌سه‌ردادانی ئیسرائیل 
6
یه‌زدان ئه‌مه‌ ده‌فه‌رموێت:
«ئیسرائیل یاخی بوو، له‌ یاخیبوونه‌كه‌ی به‌رده‌وامه‌،
سزاكه‌تان به‌سه‌ردا تێناپه‌ڕێنم،
كه‌سانی ڕاستودروست به‌ زیو ده‌فرۆشن،
نه‌داریش بۆ جووتێك پێڵاو.
7
سه‌ری هه‌ژاران له‌سه‌ر خۆڵی زه‌وی پێشێل ده‌كه‌ن،
ڕێگای كڵۆڵان خوار ده‌كه‌نه‌وه‌.
پیاوێك و باوكی بۆ لای یه‌ك كچ ده‌چن،
تاكو ناوی پیرۆزم بزڕێنن.
8
له‌سه‌ر جلوبه‌رگێك ڕاده‌كشێن كه‌ به‌ بارمته‌ وه‌ریانگرتووه‌
له‌ پاڵ هه‌موو قوربانگایه‌ك،
شه‌رابی به‌ سه‌رانه‌ وه‌رگیراو ده‌خۆنه‌وه‌
له‌ناو ماڵی خوداوه‌ندیان.
9
«من بووم كه‌ ئه‌مورییه‌كانم له‌پێشیان له‌ناوبرد،
ئه‌وانه‌ی باڵایان وه‌ك باڵای دار ئورز بوو،
وه‌ك دار به‌ڕوو به‌هێز بوون.
به‌روبوومی ئه‌وانم له‌ سه‌ره‌وه‌ له‌ناوبرد و
ڕه‌گوڕیشاڵیان له‌ ژێره‌وه‌.
10
من بووم كه‌ له‌ خاكی میسره‌وه‌ ده‌رمهێنان،
چل ساڵ له‌ چۆڵه‌وانیدا به‌ڕێم خستن،
بۆ ئه‌وه‌ی ده‌ست به‌سه‌ر خاكی ئه‌مورییه‌كاندا بگرن.
11
«له‌نێو كوڕه‌كانتان پێغه‌مبه‌رانم بۆ دانان و
له‌نێو لاوه‌كانتان ئه‌وانه‌ی نه‌زریان له‌ خۆیان گرتبوو[a] .
ئه‌ی نه‌وه‌ی ئیسرائیل، ئایا وا نه‌بوو؟»
ئه‌وه‌ فه‌رمایشتی یه‌زدانه‌.
12
«به‌ڵام ئێوه‌ شه‌رابتان ده‌رخواردی ئه‌وانه‌ دا كه‌ نه‌زریان له‌ خۆیان گرتبوو
فه‌رمانتان به‌ پێغه‌مبه‌ران كرد پێشبینی نه‌كه‌ن.
13
«ئه‌وه‌تا من له‌ شوێنی خۆتان ده‌تانچه‌قێنم
وه‌ك چۆن جه‌نجه‌ڕ ده‌چه‌قێت
له‌به‌ر پڕی گوڵه‌گه‌نمه‌كان.
14
ئه‌وه‌ی خێرایه‌ هه‌ڵنایه‌ت،
به‌هێز هێزی خۆی توندوتۆڵ ناكات و
پاڵه‌وان گیانی خۆی ده‌رباز ناكات.
15
تیرهاوێژ خۆی ڕاناگرێت،
ئه‌وه‌ی پێیه‌كانی سووك بێت هه‌ڵنایه‌ت و
ئه‌سپ سواریش گیانی خۆی ده‌رباز ناكات.
16
ئه‌وه‌ی به‌جه‌رگه‌ له‌نێو پاڵه‌وانان
له‌و ڕۆژه‌دا به‌ ڕووتی هه‌ڵدێت.»
ئه‌وه‌ فه‌رمایشتی یه‌زدانه‌.
  1. a. 2‏:11 \+xt بڕوانه‌ سه‌رژمێری 6‏:1‏-21.‏\+xt*‏