عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
له‌ پۆڵس و سیلا[a] و تیمۆساوسه‌وه‌،
بۆ كڵێسای سالۆنیكییه‌كان، له‌ خودای باوكمان و عیسای مه‌سیحی خاوه‌ن شكۆ:
2
با نیعمه‌ت[b] و ئاشتی له‌ خودای باوكمان و عیسای مه‌سیحی خاوه‌ن شكۆوه‌ له‌گه‌ڵتان بێت.
سوپاس و نوێژكردن 
3
خوشكان، برایان، ده‌بێت هه‌رده‌م له‌به‌ر ئێوه‌ سوپاسی خودا بكه‌ین، وه‌ك شایسته‌یه‌، چونكه‌ باوه‌ڕتان زۆر گه‌شه‌ ده‌كات و خۆشه‌ویستی هه‌ر یه‌كێكتان و هه‌موو بۆ یه‌كتری زیاد ده‌كات،
4
بۆیه‌ ئێمه‌ به‌ خۆمان له‌ كڵێساكانی خودا شانازیتان پێوه‌ ده‌كه‌ین، بۆ دانبه‌خۆداگرتن و باوه‌ڕتان له‌ هه‌موو چه‌وسانه‌وه‌ و ناخۆشییه‌ك كه‌ به‌رگه‌ی ده‌گرن.
5
ئه‌مه‌ به‌ڵگه‌یه‌ كه‌ حوكمی خودا دادپه‌روه‌رانه‌یه‌، تاكو شیاوی شانشینی خودا بن، ئه‌وه‌ی كه‌ له‌ پێناویدا ئازار ده‌چێژن.
6
له‌لای خودا دادپه‌روه‌رانه‌یه‌ ئه‌وانه‌ی ته‌نگتان پێ هه‌ڵده‌چنن سزایان به‌ ته‌نگانه‌ بداته‌وه‌،
7
ئێوه‌ كه‌ له‌نێو ته‌نگانه‌ن له‌گه‌ڵ ئێمه‌ حه‌سانه‌وه‌تان ده‌بێت، له‌ كاتی ئاشكراكردنی عیسای خاوه‌ن شكۆ له‌ ئاسمان له‌گه‌ڵ فریشته‌ به‌ تواناكانی له‌ گڕی ئاگر.
8
سزای ئه‌وانه‌ ده‌دات كه‌ خودا ناناسن و گوێڕایه‌ڵی په‌یامی ئینجیلی عیسای خاوه‌ن شكۆمان نابن،
9
ئه‌وانه‌ به‌ له‌ناوچوونی هه‌تاهه‌تایی سزا ده‌درێن، دوور له‌ ئاماده‌بوونی مه‌سیح و شكۆی تواناكه‌ی،
10
كاتێك له‌و ڕۆژه‌دا دێته‌وه‌، تاكو له‌لایه‌ن گه‌له‌ پیرۆزه‌كه‌یه‌وه‌ ستایش بكرێت[c] و ببێته‌ جێی سه‌رسامی له‌نێو هه‌موو ئه‌وانه‌ی باوه‌ڕیان هێناوه‌، چونكه‌ له‌لای ئێوه‌ شایه‌تییه‌كه‌مان باوه‌ڕی پێ كرا.
11
هه‌رده‌م نزاتان بۆ ده‌كه‌ین، تاكو خودامان واتان لێ بكات شایانی بانگه‌وازه‌كه‌ی بن، هه‌موو ئاره‌زووێك بۆ چاكه‌ و ئه‌و كرداره‌ی به‌ باوه‌ڕه‌وه‌ ده‌كرێت به‌ هێزه‌وه‌ ته‌واوی بكات،
12
تاكو ناوی عیسای خاوه‌ن شكۆمان به‌هۆی ئێوه‌وه‌ شكۆدار بێت و ئێوه‌ش به‌هۆی ئه‌وه‌وه‌ شكۆدار بن، به‌گوێره‌ی نیعمه‌تی خودامان و عیسای مه‌سیحی باڵاده‌ست.
  1. a. 1‏:1 یۆنانی: \+tl سیلوانۆس\+tl*.
  2. b. 1‏:2 خودا نیعمه‌ت به‌ مرۆڤ ده‌به‌خشێت، به‌ واتای به‌خشینێكی خودایه‌ كه‌ به‌بێ ئه‌وه‌ی شایسته‌ی بین خودا پێمان ده‌به‌خشێت.
  3. c. 1‏:10 بڕوانه‌ \+xt زه‌بووره‌كان 89‏:7‏\+xt*.