عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
سه‌رزه‌نشتی داود له‌لایه‌ن ناتانه‌وه‌ 
1
یه‌زدان ناتانی نارد بۆ لای داود، ئه‌ویش هاته‌ لای و پێی گوت: «دوو پیاو له‌ شارێكدا هه‌بوون، یه‌كێكیان ده‌وڵه‌مه‌ند و ئه‌وی دیكه‌یان هه‌ژار.
2
پیاوه‌ ده‌وڵه‌مه‌نده‌كه‌ مه‌ڕ و مانگایه‌كی زۆری هه‌بوو.
3
به‌ڵام هه‌ژاره‌كه‌ هیچی نه‌بوو، جگه‌ له‌ به‌رخێكی مێی بچووك كه‌ كڕیبووی و به‌خێوی كردبوو. له‌گه‌ڵ خۆی و هه‌موو منداڵه‌كانیدا گه‌وره‌ ببوو. به‌رخه‌كه‌ له‌ پارووه‌كه‌ی ئه‌و ده‌یخوارد و له‌ جامه‌كه‌ی ئه‌و ده‌یخوارده‌وه‌، له‌ باوه‌شیدا ده‌نوست و وه‌ك كچی ئه‌وی لێهاتبوو.
4
«ئه‌وه‌ بوو ڕێبوارێك بووه‌ میوانی پیاوه‌ ده‌وڵه‌مه‌نده‌كه‌، به‌ڵام ده‌وڵه‌مه‌نده‌كه‌ ڕازی نه‌بوو مه‌ڕێك یان مانگایه‌كی خۆی بكاته‌ ژه‌مێك بۆ میوانه‌كه‌ كه‌ ڕووی تێكردبوو. له‌ جیاتی ئه‌وه‌ كاوڕه‌مێیه‌كه‌ی هه‌ژاره‌كه‌ی برد و ئاماده‌ی كرد بۆ ئه‌و پیاوه‌ی كه‌ ڕووی تێكردبوو.»
5
داود زۆر له‌و پیاوه‌ تووڕه‌ بوو، به‌ ناتانی گوت: «به‌ یه‌زدانی زیندوو، ئه‌و پیاوه‌ی ئه‌مه‌ی كردووه‌ شایانی سزای مردنه‌!
6
له‌ جیاتی كاوڕه‌مێیه‌كه‌ش چوار قات ده‌داته‌وه‌، له‌ ده‌رئه‌نجامی ئه‌وه‌ی ئه‌م كاره‌ی كردووه‌، له‌به‌ر ئه‌وه‌ی به‌زه‌یی نه‌بووه‌.»
7
ناتانیش به‌ داودی گوت: «ئه‌و پیاوه‌ تۆیت! یه‌زدانی په‌روه‌ردگاری ئیسرائیل ئه‌مه‌ ده‌فه‌رموێت: ”من ده‌ستنیشانم كردیت ببیته‌ پاشای ئیسرائیل، من له‌ ده‌ستی شاول ده‌ربازم كردیت.
8
ماڵی گه‌وره‌كه‌تم پێدایت و ژنه‌كانی ئه‌وم خسته‌ باوه‌شته‌وه‌، بنه‌ماڵه‌ی ئیسرائیل و یه‌هودام پێدایت. ئه‌گه‌ر ئه‌وه‌ش كه‌م بووایه‌ ئه‌وا زیاتریشم بۆ ده‌كردیت.
9
ئیتر بۆچی فه‌رمایشتی یه‌زدانت به‌ سووك زانی، هه‌تا ئه‌م خراپه‌یه‌ له‌به‌رچاوی یه‌زدان بكه‌یت؟ ئوریای حیتیت به‌ شمشێر كوشت و ژنه‌كه‌ی ئه‌وت كرده‌ ژنی خۆت، به‌ شمشێری عه‌مۆنییه‌كان كوشتت.
10
ئێستاش، بۆ هه‌تاهه‌تایه‌ شمشێر له‌سه‌ر بنه‌ماڵه‌كه‌ت نابڕێته‌وه‌، چونكه‌ سووكایه‌تیت به‌ من كرد، ژنه‌كه‌ی ئوریای حیتیت برد و كردته‌ ژنی خۆت.“
11
«یه‌زدان ئه‌مه‌ ده‌فه‌رموێت: ”ئه‌وه‌تا من له‌ناو ماڵه‌كه‌ی خۆتدا خراپه‌ت به‌سه‌ردا ده‌هێنم، له‌به‌رچاوت ژنه‌كانت ده‌به‌م و ده‌یانده‌مه‌ ئه‌و كه‌سه‌ی كه‌ لێت نزیكه‌، له‌ ڕووناكی ئه‌م خۆره‌ له‌گه‌ڵ ژنه‌كانت جووت ده‌بێت.
12
تۆ به‌ نهێنی ئه‌و كاره‌ت كرد، به‌ڵام من له‌به‌رده‌م هه‌موو ئیسرائیل و له‌ژێر ڕووناكی خۆر ئه‌م كاره‌ت پێده‌كه‌م.“»
13
داودیش به‌ ناتانی گوت: «گوناهم ده‌رهه‌ق به‌ یه‌زدان كرد.»
ناتان وه‌ڵامی دایه‌وه‌: «هه‌روه‌ها یه‌زدانیش له‌ گوناهه‌كه‌ت خۆشبووه‌، نامریت.
14
به‌ڵام له‌به‌ر ئه‌وه‌ی به‌م كاره‌ت بوویته‌ هۆی ئه‌وه‌ی دوژمنانی یه‌زدان ته‌واو سووكایه‌تی به‌ یه‌زدان بكه‌ن، ئه‌وا ئه‌و منداڵه‌ی بۆت له‌دایك ده‌بێت ده‌مرێت.»
15
هه‌ر له‌دوای ئه‌وه‌ی ناتان چووه‌وه‌ ماڵه‌كه‌ی خۆی، یه‌زدان له‌و منداڵه‌ی داودی دا كه‌ له‌ ژنه‌كه‌ی ئوریاوه‌ له‌دایك بوو، ئینجا نه‌خۆش كه‌وت.
16
داود بۆ منداڵه‌كه‌ی له‌ خودا پاڕایه‌وه‌ و ڕۆژووی گرت، چووه‌ ژووره‌كه‌ی خۆی، شه‌وانه‌ به‌ درێژایی شه‌و له‌سه‌ر زه‌وی ڕاده‌كشا و هه‌ر به‌و جۆره‌ ده‌مایه‌وه‌.
17
پیرانی ماڵه‌كه‌ی له‌ته‌نیشتی وه‌ستابوون بۆ ئه‌وه‌ی له‌سه‌ر زه‌وییه‌كه‌ هه‌ڵیبستێننه‌وه‌، به‌ڵام نه‌یویست و نانی له‌گه‌ڵیان نه‌خوارد.
18
ئه‌وه‌ بوو له‌ ڕۆژی حه‌وته‌م منداڵه‌كه‌ مرد. خزمه‌تكاره‌كانی داود ترسان پێی ڕابگه‌یه‌نن كه‌ منداڵه‌كه‌ مردووه‌، چونكه‌ گوتیان: «هێشتا منداڵه‌كه‌ زیندوو بوو قسه‌مان له‌گه‌ڵی كرد و گوێی لێ نه‌گرتین، ئیتر چۆن پێی بڵێین منداڵه‌كه‌ مردووه‌؟ خراپتر ده‌كات.»
19
كاتێك داود بینی خزمه‌تكاره‌كانی چرپه‌چرپ ده‌كه‌ن، زانی كه‌ منداڵه‌كه‌ مردووه‌. ئینجا داود له‌ خزمه‌تكاره‌كانی پرسی: «ئه‌رێ منداڵه‌كه‌ مردووه‌؟»
ئه‌وانیش وه‌ڵامیان دایه‌وه‌: «به‌ڵێ، مردووه‌.»
20
ئینجا داود له‌سه‌ر زه‌وییه‌كه‌ هه‌ستایه‌وه‌، خۆی شوشت و بۆنی له‌ خۆی دا، جله‌كانی گۆڕی، چووه‌ ناو ماڵی یه‌زدان و كڕنۆشی برد. پاشان گه‌ڕایه‌وه‌ بۆ ماڵه‌كه‌ی خۆی و داوای كرد نانی بۆ دابنێن و خواردی.
21
خزمه‌تكاره‌كانی پێیان گوت: «ئه‌م كاره‌ چی بوو كردت؟ له‌ كاتێكدا منداڵه‌كه‌ زیندوو بوو، به‌ڕۆژوو ده‌بوویت و ده‌گریایت، به‌ڵام كاتێك كه‌ مرد هه‌ستایت و نانت خوارد!»
22
ئه‌ویش گوتی: «كاتێك منداڵه‌كه‌ زیندوو بوو به‌ڕۆژوو ده‌بووم و ده‌گریام و ده‌مگوت: ”كێ ده‌زانێت؟ به‌ڵكو یه‌زدان به‌زه‌یی پێمدا بێته‌وه‌ و منداڵه‌كه‌ بژیێت.“
23
به‌ڵام ئێستا ئه‌و مرد، ئیتر بۆچی ڕۆژوو بگرم؟ ئایا ده‌توانم بیگه‌ڕێنمه‌وه‌؟ من ده‌چم بۆ لای ئه‌و، به‌ڵام ئه‌و ناگه‌ڕێته‌وه‌ بۆ لای من.»
24
ئینجا داود دڵنه‌وایی به‌تشه‌به‌عی ژنی دایه‌وه‌، چووه‌ ژووره‌وه‌ بۆ لای و له‌گه‌ڵی جووت بوو، منداڵێكی بوو ناوی لێنا سلێمان. یه‌زدانیش خۆشی ویست،
25
هه‌ر له‌به‌ر ئه‌وه‌ له‌ ڕێگه‌ی ناتانی پێغه‌مبه‌ره‌وه‌ په‌یامی نارد و ناوی لێنا یه‌دیده‌یا[a] .
26
له‌و ماوه‌یه‌ یۆئاب له‌ دژی شاری ڕه‌به‌ی عه‌مۆنییه‌كان ده‌جه‌نگا و قه‌ڵای شاهانه‌ی گرت.
27
ئینجا یۆئاب چه‌ند نێردراوێكی بۆ لای داود نارد و گوتی: «له‌ دژی ڕه‌به‌ جه‌نگام و سه‌رچاوه‌ی ئاوی شاره‌كه‌م گرت.
28
ئێستا پاشماوه‌ی سوپا كۆبكه‌ره‌وه‌ و به‌سه‌ر شاره‌كه‌دا بده‌ و ده‌ستی به‌سه‌ردا بگره‌، نه‌وه‌ك من ده‌ستی به‌سه‌ردا بگرم و به‌ ناوی منه‌وه‌ ناوی لێ بنرێت.»
29
ئیتر داود هه‌موو سوپای كۆكرده‌وه‌ و چوو بۆ ڕه‌به‌ و له‌ دژی جه‌نگا و گرتی.
30
تاجی سه‌ری پاشاكه‌ی برد، كێشه‌كه‌ی نزیكه‌ی تالنتێك[b] زێڕ بوو، به‌ردی گرانبه‌هاشی تێدابوو، ئینجا له‌سه‌ر سه‌ری داود دانرا. ده‌ستكه‌وتێكی زۆریشی له‌ شاره‌كه‌ ده‌رهێنا،
31
ئه‌و گه‌له‌شی كه‌ تێیدا بوو هێنایه‌ ده‌ره‌وه‌ و بێگاری پێكردن به‌ ئیشكردن به‌ مشار و پاچی ئاسنین و ته‌وری ئاسنین، فه‌رمانی پێ كردن له‌ كووره‌ی خشتدا كار بكه‌ن، ئه‌م كاره‌ی به‌ هه‌موو شارۆچكه‌كانی عه‌مۆنییه‌كان كرد. پاشان داود و هه‌موو سوپا گه‌ڕانه‌وه‌ ئۆرشه‌لیم.
  1. a. 12‏:25 به‌ واتای له‌لایه‌ن یه‌زدانه‌وه‌ خۆشه‌ویسته‌.
  2. b. 12‏:30 تالنت: نزیكه‌ی 34 كیلۆگرامه‌. بڕوانه‌ \+xt ده‌رچوون 25‏:39‏\+xt*‏.