عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ئه‌لیشه‌ع وه‌ڵامی دایه‌وه‌: «گوێ له‌ فه‌رمایشتی یه‌زدان بگرن. یه‌زدان ئه‌مه‌ ده‌فه‌رموێت: سبه‌ینێ له‌م كاته‌، له‌ ده‌روازه‌ی سامیره‌ پێوانه‌یه‌ك[a] له‌ باشترین ئارد به‌ شاقلێك و دوو پێوانه‌[b] جۆ به‌ شاقلێك ده‌بێت.»
2
ئه‌فسه‌رێك كه‌ گه‌وره‌ یاوه‌ری پاشا بوو، به‌ پیاوه‌كه‌ی خودای گوت: «هه‌تا ئه‌گه‌ر یه‌زدان ده‌رگاكانی ئاسمانیش بكاته‌وه‌، ئایا شتی وا ڕووده‌دات؟»
ئه‌لیشه‌ع وه‌ڵامی دایه‌وه‌: «تۆ به‌ چاوی خۆت ده‌یبینیت، به‌ڵام لێی ناخۆیت.»
هه‌ڵگرتنی گه‌مارۆی سامیره‌ 
3
چوار پیاوی گه‌ڕوگول[c] له‌ ده‌روازه‌ی شاره‌كه‌ بوون، به‌ یه‌كتریان گوت: «بۆ لێره‌ بمێنینه‌وه‌ هه‌تا ده‌مرین؟
4
ئه‌گه‌ر بڵێین: ”با بچینه‌ ناو شاره‌كه‌وه‌،“ له‌ شاره‌كه‌ قاتوقڕی هه‌یه‌ و له‌وێ ده‌مرین. ئه‌گه‌ر لێره‌ش دانیشین، هه‌ر ده‌مرین. ئێستا با بچینه‌ ئۆردوگای ئارامییه‌كان و خۆمان ڕاده‌ست بكه‌ین، ئه‌گه‌ر لێمان خۆشبوون ئه‌وا ده‌ژین، ئه‌گه‌ر بشمانكوژن ئه‌وا هه‌ر ده‌مرین.»
5
له‌ زه‌رده‌په‌ڕی ئێواره‌ هه‌ستان بۆ ئه‌وه‌ی بچنه‌ ئۆردوگای ئارامییه‌كان. هاتن هه‌تا گه‌یشتنه‌ قه‌راغ ئۆردوگای ئارامییه‌كان، كه‌سی لێ نه‌بوو،
6
چونكه‌ په‌روه‌ردگار وای كرد كه‌ ئۆردوگای ئارامییه‌كان ده‌نگی گالیسكه‌ و ئه‌سپ و سوپایه‌كی گه‌وره‌ی ببیستن، ئیتر به‌ یه‌كتریان گوتبوو: «ئه‌وه‌تا پاشای ئیسرائیل پاشاكانی حیتی و میسرییه‌كانی له‌ دژی ئێمه‌ به‌كرێ گرتووه‌ هه‌تا له‌گه‌ڵمان بجه‌نگن!»
7
له‌به‌ر ئه‌وه‌ هه‌ستان و له‌ زه‌رده‌په‌ڕی ئێواره‌ هه‌ڵاتن، وازیان له‌ چادر و ئه‌سپ و گوێدرێژه‌كانیان هێنا. ئۆردوگاكه‌یان وه‌ك خۆی به‌جێهێشت و بۆ ده‌ربازكردنی ژیانی خۆیان هه‌ڵاتن.
8
ئه‌و گه‌ڕوگولانه هه‌تا قه‌راغی ئۆردوگاكه‌ هاتن، چوونه‌ ناو چادرێك و خواردیان و خواردیانه‌وه‌. زێڕ و زیو و جلوبه‌رگیان برد و چوون شاردییانه‌وه‌. پاشان گه‌ڕانه‌وه‌ و چوونه‌ ناو چادرێكی دیكه‌، له‌وێش بردیان و چوون و شاردییانه‌وه‌.
9
ئینجا به‌ یه‌كترییان گوت: «ئه‌وه‌ی ئێمه‌ ده‌یكه‌ین ڕاست نییه‌. ئه‌مڕۆ ڕۆژی مژده‌یه‌ و ئێمه‌ش لێی بێده‌نگین. ئه‌گه‌ر هه‌تا به‌ره‌به‌یان چاوه‌ڕێ بكه‌ین تووشی سزا ده‌بین. وه‌رن با ئێستا بچین و به‌ كۆشكی پاشای ڕابگه‌یه‌نین.»
10
ئیتر هاتن و ده‌رگاوانی شاره‌كه‌یان بانگكرد و پێیان گوت: «ئێمه‌ چووینه‌ ناو ئۆردوگای ئارامییه‌كان، كه‌س له‌وێ نه‌بوو، ده‌نگی كه‌سیش نه‌ده‌بیسترا، ته‌نها ئه‌سپ و گوێدرێژ به‌ستراونه‌ته‌وه‌، چادره‌كانیش هه‌روه‌ك خۆیان له‌وێن.»
11
ده‌رگاوانه‌كان جاڕیان دا، هه‌واڵه‌كه‌شیان به‌ كۆشكی پاشا ڕاگه‌یاند.
12
پاشا شه‌و هه‌ستا و به‌ ئه‌فسه‌ره‌كانی گوت: «من پێتان ده‌ڵێم ئارامییه‌كان چییان لێكردووین. ده‌زانن ئێمه‌ برسیمانه‌، له‌ ئۆردوگاكه‌ چوونه‌ته‌ ده‌ره‌وه‌ و له‌ ده‌شتاییه‌كان خۆیان مه‌ڵاس داوه‌، وا بیریان كردووه‌ته‌وه‌: ”بێگومان له‌ شاره‌كه‌ دێنه‌ ده‌ره‌وه‌، به‌ زیندوویی ده‌یانگرین و ده‌چینه‌ ناو شاره‌كه‌.“»
13
یه‌كێك له‌ ئه‌فسه‌ره‌كانی وه‌ڵامی دایه‌وه‌: «كه‌واته‌، با هه‌ندێك پیاو پێنج ئه‌سپ ببه‌ن له‌وانه‌ی كه‌ له‌ شاره‌كه‌ ماوه‌ته‌وه‌. چاره‌نووسیان له‌ نه‌وه‌ی ئیسرائیل خراپتر نابێت كه‌ خه‌ریكه‌ له‌ناو شار ده‌مرن. با بیاننێرین تاكو بزانین چی ڕوویداوه‌.»
14
ئیتر دوو گالیسكه‌یان به‌ ئه‌سپه‌وه‌ ده‌ستنیشان كرد، پاشا ئه‌وانی نارد بۆ ئه‌وه‌ی شوێنی سوپای ئارام بكه‌ون، گوتی: «بڕۆن و بزانن چی ڕوویداوه‌.»
15
ئه‌وانیش به‌دوایاندا به‌ره‌و ڕووباری ئوردون چوون، بینییان هه‌موو ڕێگاكه‌ پڕه‌ له‌ جلوبه‌رگ و قاپوقاچاغ، ئه‌وه‌ی ئارامییه‌كان له‌ په‌له‌په‌لیان فڕێیان داوه‌. نێردراوه‌كان گه‌ڕانه‌وه‌ و به‌ پاشایان ڕاگه‌یاند.
16
پاشان گه‌ل چوونه‌ ده‌ره‌وه‌ و ئۆردوگای ئارامییه‌كانیان تاڵان كرد، پێوانه‌یه‌ك له‌ باشترین ئارد بووه‌ شاقلێك و دوو پێوانه‌ جۆ بووه‌ شاقلێك، هه‌روه‌ك یه‌زدان فه‌رمووی.
17
ئه‌و ئه‌فسه‌ره‌ی كه‌ گه‌وره‌ یاوه‌ری پاشا بوو، پاشا له‌سه‌ر ده‌روازه‌كه‌ی دانا، گه‌لیش له‌ ده‌روازه‌كه‌ پێشێلیان كرد و مرد، هه‌روه‌ك پیاوه‌كه‌ی خودا پێی گوت كاتێك پاشا چووه‌ ماڵی.
18
ئه‌وه‌ ڕوویدا كه‌ پیاوه‌كه‌ی خودا به‌ پاشای گوت: «سبه‌ینێ ئه‌م كاته‌ له‌ ده‌روازه‌ی سامیره‌ دوو پێوانه‌ جۆ به‌ شاقلێك و پێوانه‌یه‌ك باشترین ئاردیش به‌ شاقلێك ده‌بێت.»
19
ئه‌فسه‌ره‌كه‌ش به‌ پیاوه‌كه‌ی خودای گوت: «هه‌تا ئه‌گه‌ر یه‌زدان ده‌رگاكانی ئاسمانیش بكاته‌وه‌، ئایا شتی وا ڕووده‌دات؟» پیاوی خوداش گوتبووی: «تۆ به‌ چاوی خۆت ده‌یبینیت، به‌ڵام لێی ناخۆیت.»
20
ئیتر ڕێك وای به‌سه‌رهات، گه‌ل له‌ ده‌روازه‌كه‌ پێشێلیان كرد و مرد.
  1. a. 7‏:1 پێوانه‌یه‌ك: عیبری: \+tl سه‌ئا\+tl*، نزیكه‌ی 7,3 لیتر.
  2. b. 7‏:1 دوو پێوانه‌: عیبری: دوو \+tl سه‌ئا\+tl*، نزیكه‌ی پازده‌ لیتر.
  3. c. 7‏:3 گه‌ڕوگول: وشه‌ی عیبری بۆ چه‌ند نه‌خۆشییه‌كی جیاوازی پێست به‌كارده‌هێنرا، مه‌رج نییه‌ ته‌نها بۆ گه‌ڕوگولی بێت.