عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌خشین به‌ دڵفراوانی 
1
ئێستاش خوشكان، برایان، حه‌ز ده‌كه‌ین نیعمه‌تی خودا بزانن كه‌ دراوه‌ته‌ كڵێساكانی مه‌كدۆنیا.
2
ئه‌وان له‌ ته‌نگانه‌یه‌كی زۆر گه‌وره‌دا بوون، به‌ڵام ژیانیان پڕ بوو له‌ خۆشی، له‌گه‌ڵ ئه‌وه‌ی زۆر هه‌ژار بوون، به‌ڵام دڵفراوان و به‌خشنده‌ بوون.
3
شایه‌تی ده‌ده‌م كه‌ به‌گوێره‌ی توانای خۆیان و ته‌نانه‌ت له‌ سه‌رووی توانای خۆشیانه‌وه‌ به‌خشینیان داوه‌، ده‌ستپێشخه‌رییان كرد و
4
زۆر لێمان پاڕانه‌وه‌ تاكو نیعمه‌تی به‌شداربوون له‌ خزمه‌تی گه‌لی پیرۆزی خودا وه‌ربگرن.
5
نه‌ك وه‌كو ئه‌وه‌ی چاوه‌ڕێمان ده‌كرد، به‌ڵكو یه‌كه‌م جار خۆیان پێشكه‌شی عیسای خاوه‌ن شكۆ كرد ئینجا ئێمه‌، به‌ خواستی خودا،
6
ئه‌وه‌ بوو تكامان له‌ تیتۆس كرد كه‌ ئه‌م نیعمه‌ته‌ی[a] له‌لاتان ده‌ستی پێكردووه‌ ته‌واوی بكات.
7
به‌ڵام وه‌ك چۆن له‌ هه‌موو شتێكدا زیادتان كردووه‌، له‌ باوه‌ڕ، له‌ قسه‌كردن، له‌ زانیاری، له‌ هه‌موو كۆششێك، له‌ خۆشه‌ویستییان بۆ ئێمه‌، ئاوا له‌م نیعمه‌ته‌ش زیاد بكه‌ن.
8
ئه‌مه‌تان وه‌ك فه‌رمانێك پێ ناڵێم، به‌ڵكو به‌ به‌راورد له‌گه‌ڵ په‌رۆشی كه‌سانی دیكه‌، ڕاسته‌قینه‌یی خۆشه‌ویستیتان تاقی ده‌كه‌مه‌وه‌.
9
نیعمه‌تی عیسای مه‌سیحی گه‌وره‌مان ده‌زانن، هه‌رچه‌نده‌ ده‌وڵه‌مه‌ند بوو، له‌ پێناوی ئێوه‌دا بووه‌ هه‌ژار، بۆ ئه‌وه‌ی ئێوه‌ به‌ هه‌ژاری ئه‌و ده‌وڵه‌مه‌ند بن.
10
له‌مه‌شدا بیروڕای خۆمتان پێ ده‌ڵێم چونكه‌ ئه‌مه‌ به‌سووده‌ بۆتان: ئێوه‌ پار ده‌ستتان به‌ به‌خشین كرد، نه‌ك ته‌نها ئه‌مه‌تان كردووه‌، به‌ڵكو ئاره‌زووشتان ده‌كرد كه‌ ئه‌نجامی بده‌ن.
11
ئێستا كاره‌كه‌ ته‌واو بكه‌ن، هه‌روه‌ك په‌رۆشی خواستی بوون، ئاوا ته‌واوكردنیش به‌ خواستی خۆتانه‌،
12
چونكه‌ ئه‌گه‌ر په‌رۆشی هه‌بێت، ئه‌وا خودا به‌گوێره‌ی ئه‌وه‌ی كه‌ كه‌سه‌كه‌ هه‌یه‌تی په‌سه‌ندی ده‌كات، نه‌ك به‌گوێره‌ی ئه‌وه‌ی نییه‌تی.
13
مه‌به‌ستم ئه‌وه‌ نییه‌ خه‌ڵكی دیكه‌ بحه‌سێنه‌وه‌ و فشارم له‌سه‌ر ئێوه‌ بێت، به‌ڵكو به‌ یه‌كسانی.
14
له‌ كاتی ئێستادا با پڕی ئێوه‌ كه‌موكوڕی ئه‌وان پڕ بكاته‌وه‌ بۆ ئه‌وه‌ی له‌ داهاتوودا پڕی ئه‌وانیش كه‌موكوڕی ئێوه‌ پڕ بكاته‌وه‌، تاكو یه‌كسان ببێت.
15
وه‌ك نووسراوه‌: {نه‌ ئه‌وه‌ی زۆری كۆكردووه‌ته‌وه‌ زیادی كردووه‌ و نه‌ ئه‌وه‌ی كه‌می كۆكردووه‌ته‌وه‌ كه‌می كردووه‌.}[b]
ناردنی تیتۆس بۆ كورنسۆس 
16
به‌ڵام سوپاس بۆ خودا كه‌ هه‌مان په‌رۆشیی خسته‌ دڵی تیتۆس بۆ ئێوه‌،
17
چونكه‌ تیتۆس نه‌ك ته‌نها پێشوازی له‌ داواكارییه‌كه‌ی كرد، به‌ڵكو به‌ ده‌ستپێشخه‌ری خۆی و به‌وپه‌ڕی په‌رۆشییه‌وه‌ دێت بۆ لاتان.
18
برایه‌كمان له‌گه‌ڵیدا نارد كه‌ به‌ هۆی خزمه‌تكردنی په‌یامی ئینجیل هه‌موو كڵێساكان ستایشی ده‌كه‌ن.
19
نه‌ك ته‌نها ئه‌وه‌، به‌ڵكو له‌لایه‌ن كڵێساكانه‌وه‌ هه‌ڵبژێردراوه‌ بۆ ئه‌وه‌ی یاوه‌ریمان بكات له‌ گه‌شته‌كه‌ماندا، له‌ كاتێكدا كه‌ ئێمه‌ به‌خشینه‌كه‌ هه‌ڵده‌گرین و دابه‌شی ده‌كه‌ین بۆ شكۆمه‌ندی مه‌سیحی خاوه‌ن شكۆ خۆی و بۆ پیشاندانی په‌رۆشیمان بۆ خزمه‌ت.
20
ئێمه‌ خۆمان له‌ هه‌موو گله‌ییه‌ك ده‌پارێزین، نه‌وه‌ك كه‌سێك ڕه‌خنه‌ له‌ شێوازی به‌ڕێوه‌بردنی ئه‌م به‌خشینه‌ گه‌وره‌یه‌ بگرێت،
21
چونكه‌ به‌ نیازی چاكه‌ین، نه‌ك ته‌نها له‌به‌رده‌م یه‌زدان، به‌ڵكو له‌به‌رده‌م خه‌ڵكیش.
22
له‌گه‌ڵ ئه‌واندا برایه‌كمان نارد، كه‌ زۆر جار له‌ زۆر شت تاقیمان كردووه‌ته‌وه‌ چالاك بووه‌، ئێستاش به‌و دڵنیاییه‌ زۆره‌ی به‌ ئێوه‌ی هه‌یه‌ زۆر چالاكتره‌.
23
له‌باره‌ی تیتۆس، ئه‌و هاوبه‌ش و هاوكارمه‌ بۆ ئێوه‌، به‌ڵام ئه‌م برایانه‌ په‌یامبه‌ری كڵێساكانن و مایه‌ی شكۆمه‌ندین بۆ مه‌سیح.
24
بۆیه‌ به‌ڵگه‌ی خۆشه‌ویستی خۆتان و هۆی شانازیمان به‌ ئێوه‌ بۆ ئه‌وان ده‌ربخه‌ن بۆ ئه‌وه‌ی له‌به‌رده‌م كڵێساكاندا ده‌ربكه‌وێت.
  1. a. 8‏:6 مه‌به‌ستی له‌ به‌خشینه‌.
  2. b. 8‏:15 \+xt ده‌رچوون 16‏:18.‏\+xt*‏