عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
خۆتان تاقی بكه‌نه‌وه‌ 
1
ئه‌مه‌ سێیه‌م جاره‌ كه‌ دێمه‌ لاتان. {هه‌ر بابه‌تێك له‌سه‌ر زاری دوو یان سێ شایه‌ت ڕاستییه‌كه‌ی ده‌سه‌لمێنرێت.}[a]
2
پێشتر گوتوومه‌ وه‌ك دووه‌م جار له‌لاتان بووم و ئێستاش كه‌ لێتان دوورم ده‌یڵێمه‌وه‌، بۆ ئه‌وانه‌ی پێشتر گوناهیان كردووه‌ و بۆ هه‌موو ئه‌وانه‌ی دیكه‌ش: كه‌ دێمه‌وه‌ به‌زه‌ییم نابێت،
3
چونكه‌ ئێوه‌ داوای به‌ڵگه‌ ده‌كه‌ن كه‌ مه‌سیح له‌ ڕێگه‌ی منه‌وه‌ ده‌دوێت. ئه‌و له‌ هه‌ڵسوكه‌وتكردن له‌گه‌ڵ ئێوه‌ لاواز نییه‌، به‌ڵكو له‌نێوتاندا به‌هێزه‌.
4
هه‌رچه‌نده‌ له‌ لاوازیدا له‌ خاچ درا، به‌ڵام به‌ هێزی خودا ده‌ژیێت. هه‌روه‌ها ئێمه‌ش لاوازین هه‌روه‌ك چۆن مه‌سیح لاواز بوو، به‌ڵام ئێمه‌ له‌ هه‌ڵسوكه‌وتكردنمان له‌گه‌ڵ ئێوه‌ به‌ هێزی خودا له‌گه‌ڵ ئه‌ودا ده‌ژین.
5
خۆتان تاقی بكه‌نه‌وه‌ ئاخۆ ئێوه‌ باوه‌ڕدارن. له‌ خۆتان بكۆڵنه‌وه‌. ئایا نازانن كه‌ عیسای مه‌سیح له‌ ئێوه‌دایه‌؟ مه‌گه‌ر له‌ تاقیكردنه‌وه‌ سه‌ركه‌وتوو نه‌بوون.
6
به‌ڵام هیوادارم بزانن كه‌ ئێمه‌ نه‌كه‌وتووین.
7
ئینجا له‌ خودا ده‌پاڕێینه‌وه‌ كه‌ ئێوه‌ هیچ خراپه‌یه‌ك نه‌كه‌ن، ئه‌مه‌ش له‌به‌ر ئه‌وه‌ نییه‌ بۆ ئه‌وه‌ی ده‌ربكه‌وێت كه‌ ئێمه‌ به‌رگه‌ی تاقیكردنه‌وه‌مان گرتووه‌، به‌ڵكو ته‌نها بۆ ئه‌وه‌یه‌ كه‌ ئێوه‌ چی چاك و ڕاسته‌ بیكه‌ن، هه‌رچه‌نده‌ خه‌ڵكی به‌ سه‌رنه‌كه‌وتوومان دابنێن،
8
چونكه‌ ناتوانین هیچ شتێك له‌ دژی ڕاستی بكه‌ین، به‌ڵكو له‌ پێناوی ڕاستی.
9
شادین كه‌ لاوازین و ئێوه‌ به‌هێزن، نوێژی ئێمه‌ش بۆ ته‌واوی ئێوه‌یه‌.
10
بۆیه‌ ئه‌مانه‌ ده‌نووسم و دوورم، تاوه‌كو كاتێك له‌لاتان ئاماده‌ ده‌بم به‌ ڕه‌قی نه‌جوڵێمه‌وه‌، به‌گوێره‌ی ئه‌و ده‌سه‌ڵاته‌ی مه‌سیحی باڵاده‌ست پێی به‌خشیوم بۆ بنیادنانتان، نه‌ك بۆ وێرانكردنتان.
هاندان و سڵاوی كۆتایی 
11
له‌ كۆتاییدا، خوشكان، برایان دڵشاد بن. بۆ ته‌واوی هه‌وڵ بده‌ن، یه‌كتری هانبده‌ن، هاوبیر بن، به‌ ئاشتی بژین. ئه‌وسا خودای خۆشه‌ویستی و ئاشتی له‌گه‌ڵتان ده‌بێت.
12
به‌ ماچی پیرۆز سڵاو له‌ یه‌كتری بكه‌ن.
13
هه‌موو گه‌لی پیرۆزی خودا لێره‌ سڵاوتان لێده‌كه‌ن.
14
با نیعمه‌تی عیسای مه‌سیحی خاوه‌ن شكۆ و خۆشه‌ویستی خودا و هاوبه‌شی ڕۆحی پیرۆز له‌گه‌ڵ هه‌مووتان بێت.
  1. a. 13‏:1 \+xt دواوتار 19‏:15‏\+xt*.