عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ئیتر یه‌هۆشافات له‌گه‌ڵ باوباپیرانی سه‌ری نایه‌وه‌، له‌ شاری داود له‌گه‌ڵ باوباپیرانی نێژرا. یه‌هۆرامی كوڕی له‌دوای خۆی بوو به‌ پاشا.
2
یه‌هۆرامی كوڕی یه‌هۆشافات چه‌ند برایه‌كی هه‌بوو، عه‌زه‌ریا، یه‌حیێل، زه‌كه‌ریا، عه‌زره‌یاهو، میكائیل و شه‌فه‌تیا، هه‌موو ئه‌مانه‌ كوڕی یه‌هۆشافاتی پاشای ئیسرائیل[a] بوون.
3
باوكیان له‌ زێڕ و زیو و شتی گرانبه‌ها زۆری پێدابوون، له‌گه‌ڵ شاره‌ قه‌ڵابه‌نده‌كان له‌ یه‌هودا، به‌ڵام پاشایه‌تییه‌كه‌ی به‌ یه‌هۆرام دا، چونكه‌ نۆبه‌ره‌ بوو.
پاشایه‌تی یه‌هۆرام 
4
كاتێك یه‌هۆرام جڵه‌وی پاشایه‌تییه‌كه‌ی باوكی گرته‌ ده‌ست و به‌هێز بوو، هه‌موو براكانی و هه‌ندێك له‌ میره‌كانی ئیسرائیلی به‌ شمشێر كوشت.
5
یه‌هۆرام ته‌مه‌نی سی و دوو ساڵ بوو كاتێك بوو به‌ پاشا، هه‌شت ساڵ له‌ ئۆرشه‌لیم پاشایه‌تی كرد و
6
هه‌مان ڕێچكه‌ی پاشاكانی ئیسرائیل و بنه‌ماڵه‌ی ئه‌حاڤی گرته‌به‌ر، چونكه‌ كچه‌كه‌ی ئه‌حاڤ ژنی بوو، له‌به‌رچاوی یه‌زدان خراپه‌كاری كرد.
7
له‌گه‌ڵ ئه‌وه‌ش یه‌زدان نه‌یویست بنه‌ماڵه‌ی داود له‌ناوببات، له‌به‌ر ئه‌و په‌یمانه‌ی له‌گه‌ڵ داود به‌ستبووی، هه‌روه‌ك پێی فه‌رموو بۆ هه‌تاهه‌تایه‌ چرایه‌ك ده‌داته‌ خۆی و نه‌وه‌كانی.
8
له‌ سه‌رده‌می پاشایه‌تی یه‌هۆرام، ئه‌دۆم له‌ یه‌هودا یاخی بوو، پاشایه‌كیان بۆ خۆیان دانا.
9
ئیتر یه‌هۆرام له‌گه‌ڵ سه‌ركرده‌كانی و هه‌موو گالیسكه‌كانی په‌ڕییه‌وه‌. له‌وێ ئه‌دۆمییه‌كان ئابڵوقه‌یان دان، به‌ڵام شه‌و خۆی و سه‌ركرده‌ی گالیسكه‌كانی هه‌ستان و ئابڵوقه‌كه‌یان شكاند و ده‌رباز بوون.
10
هه‌تا ئێستاش ئه‌دۆم له‌ یه‌هودا یاخییه‌.
هه‌ر له‌و كاته‌دا لیڤناش یاخی بوو، چونكه‌ یه‌هۆرام وازی له‌ یه‌زدانی په‌روه‌ردگاری باوباپیرانی خۆی هێنابوو.
11
هه‌روه‌ها ئه‌و نزرگه‌كانی سه‌ر به‌رزایی له‌ چیاكانی یه‌هودا دروستكرد و وای له‌ دانیشتووانی ئۆرشه‌لیم كرد داوێنپیسی بكه‌ن و یه‌هودای گومڕا كرد.
12
یه‌هۆرام نامه‌یه‌كی له‌لایه‌ن ئه‌لیاس پێغه‌مبه‌ره‌وه‌ وه‌رگرت كه‌ تێیدا نووسرابوو:
«یه‌زدانی په‌روه‌ردگاری داودی باوكت ئه‌مه‌ ده‌فه‌رموێت: ”له‌به‌ر ئه‌وه‌ی تۆ ڕێچكه‌ی یه‌هۆشافاتی باوكت و ئاسای پاشای یه‌هودات نه‌گرته‌به‌ر،
13
به‌ڵكو ڕێچكه‌ی پاشاكانی ئیسرائیلت گرته‌به‌ر و وات له‌ یه‌هودا و دانیشتووانی ئۆرشه‌لیم كرد وه‌ك ماڵی ئه‌حاڤ داوێنپیسی بكه‌ن، هه‌روه‌ها براكانی خۆتت كوشت، ئه‌وانه‌ی ماڵی باوكت كه‌ له‌ تۆ باشتر بوون.
14
ئه‌وه‌تا یه‌زدان گورزێكی جه‌رگ بڕ له‌ گه‌له‌كه‌ت، كوڕه‌كانت، ژنه‌كانت و هه‌موو ئه‌وه‌ی هه‌ته‌ ده‌وه‌شێنێت،
15
خۆشت تووشی نه‌خۆشییه‌كی ڕیخۆڵه‌ ده‌بیت كه‌ سه‌خت و درێژخایه‌ن ده‌بێت، هه‌تا ڕیخۆڵه‌كانت له‌ له‌شت دێنه‌ ده‌ره‌وه‌.“»
16
ئینجا یه‌زدان ڕۆحی فه‌له‌ستییه‌كان و عه‌ره‌به‌كانی لای كوشییه‌كانی له‌ یه‌هۆرام وروژاند و
17
په‌لاماری یه‌هودایان دا و داگیریان كرد و هه‌رچی له‌ كۆشكی پاشادا هه‌بوو له‌گه‌ڵ كوڕه‌كانی و ژنه‌كانیدا بردیان و هیچی بۆ نه‌مایه‌وه‌ جگه‌ له‌ ئه‌حه‌زیای كوڕه‌ بچكۆله‌ی.
18
پاش هه‌موو ئه‌مانه‌ش یه‌زدان یه‌هۆرامی تووشی نه‌خۆشی ڕیخۆڵه‌ كرد و چاره‌سه‌ریشی نه‌بوو.
19
نه‌خۆشییه‌كه‌ بۆ ماوه‌یه‌ك به‌رده‌وام بوو هه‌تا له‌دوای دوو ساڵ ڕیخۆڵه‌كانی هاتنه‌ ده‌ره‌وه‌ و به‌ ئازاری زۆره‌وه‌ مرد، گه‌له‌كه‌شی ئاگرێكی وه‌ك ئاگری[b] باوباپیرانیان بۆ نه‌كرده‌وه‌.
20
یه‌هۆرام له‌ ته‌مه‌نی سی و دوو ساڵیدا بوو به‌ پاشا و هه‌شت ساڵ له‌ ئۆرشه‌لیم پاشایه‌تی كرد و كه‌ ڕۆیشت كه‌س بۆی به‌ داخ نه‌بوو و له‌ شاری داود ناشتیان، نه‌ك له‌ گۆڕستانی پاشاكاندا.
  1. a. 21‏:2 واته‌ یه‌هودا.
  2. b. 21‏:19 \+xt بڕوانه‌ 16‏:14‏\+xt*