عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
شێوه‌ی هه‌ڵسوكه‌وتی باوه‌ڕداران 
1
پیر سه‌رزه‌نشت مه‌كه‌، به‌ڵكو وه‌ك باوك هانی بده‌، گه‌نجانیش وه‌ك برا،
2
پیرێژن وه‌ك دایك، كچانیش وه‌ك خوشك به‌وپه‌ڕی پاكی.
ده‌رباره‌ی بێوه‌ژنان 
3
ڕێز له‌و بێوه‌ژنانه‌[a] بگره‌ كه‌ به‌ڕاستی بێوه‌ژنن.
4
به‌ڵام ئه‌گه‌ر بێوه‌ژنێك منداڵ و وه‌چه‌ی هه‌بوو، با فێربن یه‌كه‌م جار وه‌ك ئه‌ركی باوه‌ڕه‌ ڕێز له‌ خانه‌واده‌یان بگرن و چاكه‌ی دایك و باوكیان بده‌نه‌وه‌، چونكه‌ ئه‌مه‌ په‌سه‌ندكراوه‌ لای خودا.
5
بێوه‌ژنی ڕاسته‌قینه‌ به‌ ته‌نهایه‌، هیوای به‌ خودایه‌، شه‌و و ڕۆژ به‌رده‌وامه‌ له‌ نوێژ و پاڕانه‌وه‌.
6
به‌ڵام ئه‌وه‌ی به‌ چێژ ده‌ژیێت، به‌ زیندوویی مردووه‌.
7
جا ئه‌مانه‌یان ڕاسپێره‌ تاكو بێ گله‌یی بن.
8
به‌ڵام ئه‌گه‌ر یه‌كێك بایه‌خ به‌ نزیكه‌كه‌ی نادات به‌ تایبه‌تی ئه‌ندامانی خێزانی، ئه‌وا نكۆڵی له‌ باوه‌ڕ كردووه‌ و خراپتره‌ له‌ بێباوه‌ڕ.
9
ئه‌گه‌ر بێوه‌ژن ته‌مه‌نی له‌ شه‌ست ساڵ كه‌متر نه‌بێت و یه‌ك مێردی هه‌بووبێت له‌ لیست بنووسرێت،
10
به‌ چاكه‌كاری شایه‌تی بۆ بدرێت، منداڵی به‌خێو كردبێت، میوانداری كردبێت، پێی باوه‌ڕدارانی شوشتبێت، یارمه‌تی لێقه‌وماوانی دابێت، به‌ هه‌موو جۆره‌ چاكه‌كارییه‌ك هه‌ستا بێت.
11
به‌ڵام بێوه‌ژنانی گه‌نج له‌م لیسته‌یه‌ دامه‌نێن، چونكه‌ كاتێك زه‌وقیان هه‌ستێت پشت له‌ مه‌سیح ده‌كه‌ن، حه‌ز له‌ شووكردنه‌وه‌ ده‌كه‌ن.
12
ئینجا تاوانبار ده‌كرێن، چونكه‌ په‌یمانی یه‌كه‌میان شكاندووه‌[b] .
13
هه‌روه‌ها فێری بێكاری و ماڵه‌وماڵكردن ده‌بن، نه‌ك ته‌نها بێكاری، به‌ڵكو غه‌یبه‌تكاری و خۆخستنه‌ كاروباری خه‌ڵك، باسی شتێك ده‌كه‌ن كه‌ پێویست نییه‌.
14
بۆیه‌ ده‌مه‌وێ بێوه‌ژنانی گه‌نج مێرد بكه‌نه‌وه‌، تاكو منداڵیان ببێت، ماڵ به‌ڕێوه‌ ببه‌ن، ده‌رفه‌تێك نه‌ده‌نه‌ دوژمن بۆ بوختانپێكردنمان،
15
چونكه‌ هه‌ندێكیان گومڕا بوونه‌ و به‌دوای شه‌یتان كه‌وتوون.
16
ئه‌گه‌ر ژنه‌ باوه‌ڕدارێك بێوه‌ژنێكی له‌ كه‌سوكاری هه‌بوو، با یارمه‌تی بدات و نه‌بێته‌ بار به‌سه‌ر كڵێساوه‌، تاكو كڵێسا یارمه‌تی ئه‌وانه‌ بدات كه‌ به‌ڕاستی بێوه‌ژنن.
پیرانی كۆمه‌ڵه‌ 
17
ئه‌و پیرانه‌ی كه‌ به‌ باشی كڵێسا به‌ڕێوه‌ده‌به‌ن، شایانی ڕێزێكی دووقاتن[c] ، به‌ تایبه‌ت ئه‌وانه‌ی له‌ وتاردان و فێركردنی وشه‌ی خودا ماندوو ده‌بن،
18
چونكه‌ نووسراوه‌ پیرۆزه‌كه‌ ده‌فه‌رموێ: {له‌ كاتی گێره‌كردن ده‌می گا مه‌گره‌،}[d] هه‌روه‌ها: {كارگه‌ر شایانی كرێی خۆیه‌تی.}[e]
19
سكاڵا له‌سه‌ر هیچ پیرێك قبوڵ مه‌كه‌، به‌ دوو یان سێ شایه‌ت نه‌بێت.
20
ئه‌وانه‌ی گوناه ده‌كه‌ن له‌به‌رده‌م هه‌مووان سه‌رزه‌نشتی بكه‌، بۆ ئه‌وه‌ی ئه‌وانی دیكه‌ش بترسن.
21
له‌به‌رده‌م خودا و عیسای مه‌سیح و فریشته‌ هه‌ڵبژێردراوه‌كان ڕاتده‌سپێرم، ئه‌م ڕاسپاردانه‌ به‌ بێ لایه‌نگری به‌جێبگه‌یه‌نه‌، شتێك مه‌كه‌ به‌ ده‌مارگیرییه‌وه‌.
22
به‌ په‌له‌ ده‌ست له‌سه‌ر كه‌س دامه‌نێ، به‌شداری گوناهی خه‌ڵكی دیكه‌ مه‌كه‌. خۆت به‌ پاكی ڕابگره‌.
23
ئیتر ته‌نها ئاو مه‌خۆره‌وه‌، به‌ڵكو هه‌ندێك شه‌راب به‌كاربهێنه‌ له‌به‌ر گه‌ده‌ و نه‌خۆشییه‌ زۆره‌كانت.
24
هه‌ندێك گوناهه‌كانیان ئاشكرایه‌، پێشیان ده‌كه‌وێت بۆ حوكمدان، به‌ڵام هه‌ندێك دوایان ده‌كه‌وێت.
25
به‌ هه‌مان شێوه‌ كرداری چاك ئاشكرایه‌، ته‌نانه‌ت ئه‌وانه‌ی ئاشكراش نین ناتوانرێ بشاردرێته‌وه‌.
  1. a. 5‏:3 مه‌به‌ست له‌وانه‌یه‌ كه‌ مێردیان مردووه‌.
  2. b. 5‏:12 له‌دوای مردنی مێردیان به‌ڵێن ده‌ده‌ن كه‌ شوو نه‌كه‌نه‌وه‌.
  3. c. 5‏:17 مه‌به‌ستی ئه‌وه‌یه‌ كه‌ یارمه‌تی دارایی بدرێن.
  4. d. 5‏:18 \+xt دواوتار 25‏:4‏\+xt*
  5. e. 5‏:18 \+xt لۆقا 10‏:7‏\+xt*‏