عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ده‌رگاوانه‌كان 
1
به‌شی ده‌رگاوانه‌كان بریتی بوون له‌ بنه‌ماڵه‌ی قۆره‌ح:
له‌ قۆره‌حییه‌كان: مه‌شه‌له‌میای كوڕی قۆرێ له‌ نه‌وه‌ی ئاساف.
2
مه‌شه‌له‌میا چه‌ند كوڕێكی هه‌بوو:
زه‌كه‌ریا نۆبه‌ره‌ و
یه‌دیعێل دووه‌م و
زه‌ڤه‌دیا سێیه‌م و
یه‌سنیێل چواره‌م و
3
ئیلام پێنجه‌م و
یه‌هۆحانان شه‌شه‌م و
ئه‌لیهۆعێینه‌ی حه‌وته‌م.
4
عوبێد ئه‌دۆمیش چه‌ند كوڕێكی هه‌بوو،
شه‌مه‌عیا نۆبه‌ره‌ و
یه‌هۆزاڤاد دووه‌م و
یۆئاح سێیه‌م و
ساكار چواره‌م و
نه‌ته‌نێل پێنجه‌م و
5
عه‌میێل شه‌شه‌م و
یه‌ساخار حه‌وته‌م و
په‌عوله‌ته‌ی هه‌شته‌م،
چونكه‌ خودا عوبێد ئه‌دۆمی به‌ره‌كه‌تدار كردبوو.
6
شه‌مه‌عیای كوڕی عوبێد ئه‌دۆمیش چه‌ند كوڕی بوون، كه‌ ڕابه‌ری بنه‌ماڵه‌كه‌یان بوون، چونكه‌ ئه‌وان پیاوی زۆر به‌ توانا بوون.
7
كوڕه‌كانی شه‌مه‌عیا: عۆسنی، ڕفائێل، عوبێد و ئه‌لزاڤاد؛ هه‌روه‌ها ئه‌لیهو و سه‌مه‌كیاهوی خزمانی شه‌مه‌عیا له‌ پیاوانی به‌هێز بوون.
8
هه‌موو ئه‌مانه‌ نه‌وه‌ی عوبێد ئه‌دۆم بوون؛ خۆیان و كوڕه‌كانیان و كه‌سه‌كانیان پیاوانی به‌هێز و به‌ توانا بوون له‌ خزمه‌ته‌كه‌یان، شه‌ست و دوو كه‌س له‌ نه‌وه‌ی عوبێد ئه‌دۆم بوون.
9
مه‌شه‌له‌میا و كوڕ و كه‌سه‌كانی كه‌ له‌ پیاوه‌ به‌هێزه‌كان بوون، هه‌ژده‌ كه‌س بوون.
10
حۆسا كه‌ له‌ نه‌وه‌ی مه‌راری بوو، چه‌ند كوڕێكی هه‌بوو: شیمری له‌گه‌ڵ ئه‌وه‌ی نۆبه‌ره‌ش نه‌بوو، به‌ڵام باوكی كردی به‌ پێشه‌نگی كوڕه‌كانی؛
11
حیلقیا دووه‌م بوو و ته‌ڤه‌لیاهو سێیه‌م و زه‌كه‌ریا چواره‌م. هه‌موو كوڕ و كه‌سه‌كانی حۆسا سێزده‌ كه‌س بوون.
12
ئه‌م به‌شی ده‌رگاوانانه‌ش له‌ژێر سه‌رپه‌رشتی ڕابه‌ره‌كانیان ئه‌ركی خزمه‌تكردنیان له‌ په‌رستگای یه‌زدان پێ سپێردرا، هه‌روه‌ك كه‌سه‌كانیان.
13
جا تیروپشك بۆ هه‌موو ده‌روازه‌كان كرا، بۆ پیران وه‌ك گه‌نجان به‌گوێره‌ی بنه‌ماڵه‌كانیان به‌بێ جیاوازی.
14
تیروپشكی ده‌روازه‌ی ڕۆژهه‌ڵات بۆ شه‌له‌میاهو ده‌رچوو، بۆ زه‌كه‌ریای كوڕیشی كه‌ ڕاوێژكارێكی وریا بوو، تیروپشك كرا و ده‌روازه‌ی باكووری بۆ ده‌رچوو.
15
تیروپشكی ده‌روازه‌ی باشوور بۆ عوبێد ئه‌دۆم ده‌رچوو، تیروپشكی كۆگاكه‌ش بۆ كوڕه‌كانی.
16
بۆ تیروپشكی ده‌روازه‌ی ڕۆژئاوا و ده‌روازه‌ی شه‌له‌خه‌ت له‌سه‌ر ئه‌و ڕێگایه‌ی كه‌ به‌ره‌و ژوور ده‌بووه‌وه‌، بۆ شوپیم و حۆسا ده‌رچوو.
پاسه‌وان به‌رامبه‌ر به‌ پاسه‌وان بوو:
17
ڕۆژانه‌ شه‌ش له‌ لێڤییه‌كان له‌لای ڕۆژهه‌ڵات و چوار له‌لای باكوور و چوار له‌لای باشوور بوون، له‌لای كۆگاكه‌ش دوو دوو پاسه‌وانیێتییان ده‌كرد.
18
بۆ ڕێڕه‌وه‌ سه‌ر داپۆشراوكه‌ی لای ڕۆژئاوا كه‌ هه‌ردوو لای به‌ كۆڵه‌كه‌ گیرابوو، چوار لێڤی له‌سه‌ر ڕێگاكه‌ و دووانیش له‌ناو ڕێڕه‌وه‌كه‌ بوون.
19
ئه‌مانه‌ به‌شی ده‌رگاوانه‌كان بوون، له‌ نه‌وه‌ی قۆره‌حییه‌كان و له‌ نه‌وه‌ی مه‌راری.
خه‌زنه‌دار و كاربه‌ده‌ستانی دیكه‌ 
20
لێڤییه‌كانیش لێپرسراوانی گه‌نجینه‌كانی ماڵی خودا و گه‌نجینه‌كانی شته‌ ته‌رخانكراوه‌كان بوون.
21
یه‌حیێلی و كوڕه‌كانی گه‌وره‌ی بنه‌ماڵه‌كانی له‌عدانی گێرشۆنی بوون.
22
هه‌روه‌ها یه‌حیێلی و كوڕه‌كانی، زێتام و یۆئێلی برای، لێپرسراوی گه‌نجینه‌كانی په‌رستگای یه‌زدان بوون.
23
له‌گه‌ڵ ئه‌مانیش هه‌ریه‌ك له‌ بنه‌ماڵه‌ی عه‌مرامی، یه‌سهاری، حه‌برۆنی و عوزیێلییه‌كان ئه‌رك و به‌رپرسیاریێتی پێ سپێردرا:
24
شوڤائێلی نه‌وه‌ی گێرشۆمی كوڕی موسا لێپرسراوی گه‌نجینه‌كان بوو.
25
كه‌سه‌كانی له‌ نه‌وه‌ی ئه‌لیعه‌زه‌ر: ڕه‌حه‌ڤیا كوڕی ئه‌لیعه‌زه‌ر، یه‌شه‌عیا كوڕی ڕه‌حه‌ڤیا، یۆرامی كوڕی یه‌شه‌عیا، زكری كوڕی یۆرام و شه‌لۆمیتی كوڕی زكری.
26
شه‌لۆمیت له‌گه‌ڵ كه‌سه‌كانی لێپرسراوی هه‌موو گه‌نجینه‌كانی شته‌ ته‌رخانكراوه‌كان بوون كه‌ داودی پاشا و گه‌وره‌ی بنه‌ماڵه‌كان، فه‌رمانده‌ی هه‌زاران و سه‌دان و سه‌ركرده‌كانی سوپا ته‌رخانیان كردبوون.
27
ئه‌وان به‌شێك له‌ ده‌ستكه‌وته‌كانی جه‌نگیان بۆ چاككردنه‌وه‌ی په‌رستگای یه‌زدان، ته‌رخان كرد.
28
هه‌روه‌ها هه‌موو ئه‌و شتانه‌ی ساموئێلی پێشبینیكه‌ر و شاولی كوڕی قیش و ئه‌بنێری كوڕی نێر و یۆئابی كوڕی چه‌رویا ته‌رخانیان كردبوون، له‌گه‌ڵ هه‌موو شته‌ ته‌رخانكراوه‌كانی دیكه‌، شه‌لۆمیت و كه‌سه‌كانی لێی به‌رپرس بوون.
29
له‌ یه‌سهارییه‌كانیش: كه‌نه‌نیاهو و كوڕه‌كانی بۆ كاره‌كانی ده‌ره‌وه‌ی په‌رستگاكه‌، كوێخا و دادوه‌ر بوون به‌سه‌ر ئیسرائیله‌وه‌.
30
له‌ حه‌برۆنییه‌كان: حه‌شه‌ڤیا و كه‌سه‌كانی كه‌ له‌ به‌تواناكان بوون، هه‌زار و حه‌وت سه‌د كه‌س سه‌رپه‌رشتیاری ئیسرائیل بوون له‌وبه‌ری ڕووباری ئوردون به‌لای ڕۆژئاوادا له‌ هه‌موو كاره‌كانی یه‌زدان و خزمه‌ته‌كانی پاشادا.
31
له‌ حه‌برۆنییه‌كانیش، یه‌رییاهو گه‌وره‌ی بنه‌ماڵه‌ی حه‌برۆنییه‌كان بوو به‌پێی ڕه‌چه‌ڵه‌كنامه‌یان. له‌ چله‌مین ساڵی پاشایه‌تی داود لێكۆڵینه‌وه‌یه‌ك له‌ تۆماره‌كانی كرا و بینییان پیاوانی به‌ توانا له‌نێو حه‌برۆنییه‌كانی دانیشتووانی یه‌عزێر له‌ ناوچه‌ی گلعاد هه‌بوون.
32
داودی پاشا دوو هه‌زار و حه‌وت سه‌د كه‌س له‌ برا و كه‌سه‌كانی یه‌رییاهو كه‌ له‌ پیاوه‌ به‌هێزه‌كان و گه‌وره‌ی بنه‌ماڵه‌كان بوون، كردنی به‌ لێپرسراوی ڕه‌ئوبێنییه‌كان و گادییه‌كان و نیوه‌ی هۆزی مه‌نه‌شه‌ له‌ هه‌موو كاروباره‌كانی خودا و پاشا.