عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
لێڤییه‌كان 
1
پاش ئه‌وه‌ی داود پیر بوو و به‌ ساڵا چوو، سلێمانی كوڕی كرد به‌ پاشای ئیسرائیل.
2
هه‌موو سه‌ركرده‌كانی ئیسرائیل و كاهین و لێڤییه‌كانی كۆكرده‌وه‌ و
3
ئه‌و لێڤییانه‌شی ته‌مه‌نیان سی ساڵ و به‌ره‌و سه‌ره‌وه‌ بوو سه‌رژمێری كران و كۆی ژماره‌یان سی و هه‌شت هه‌زار پیاو بوو.
4
داود گوتی: «بیست و چوار هه‌زار له‌مانه‌ بۆ سه‌رپه‌رشتیكردنی كاری په‌رستگای یه‌زدان و شه‌ش هه‌زاریان كوێخا و دادوه‌ر و
5
چوار هه‌زاریان ده‌رگاوان و چوار هه‌زاری دیكه‌شیان بۆ ستایشكردنی یه‌زدان به‌و ئامێره‌ مۆسیقییانه‌ی كه‌ بۆ ستایشكردن دروستم كردن.»
6
ئینجا داود لێڤییه‌كانی كرده‌ چه‌ند به‌شێك، به‌پێی كوڕه‌كانی لێڤی: گێرشۆن و قه‌هات و مه‌راری.
گێرشۆنییه‌كان 
7
له‌ گێرشۆنییه‌كان:
له‌عدان و شیمعی.
8
كوڕه‌كانی له‌عدان:
یه‌حیێلی كوڕه‌ گه‌وره‌ی بنه‌ماڵه‌كه‌، ئینجا زێتام و یۆئێل، سێ كوڕ بوون.
9
كوڕه‌كانی شیمعی:
شه‌لۆمۆت، حه‌زیێل و هاران، سێ كوڕ بوون.
ئه‌مانه‌ گه‌وره‌ی بنه‌ماڵه‌كانی له‌عدان بوون.
10
كوڕه‌كانی شیمعیش:
یه‌حه‌ت و زیزا و یه‌عوش و به‌ریعه‌.
ئه‌مانه‌ چوار كوڕه‌كه‌ی شیمعی بوون.
11
یه‌حه‌ت كوڕه‌ گه‌وره‌ی بنه‌ماڵه‌كه‌ بوو و زیزا دووه‌م بوو، به‌ڵام یه‌عوش و به‌ریعه‌ كوڕی زۆریان نه‌بوو، له‌به‌ر ئه‌وه‌ وه‌ك یه‌ك بنه‌ماڵه‌ هه‌ژمارد كران.
قه‌هاتییه‌كان 
12
كوڕه‌كانی قه‌هات:
عه‌مرام، یه‌سهار، حه‌برۆن و عوزیێل، چوار كه‌س بوون.
13
كوڕه‌كانی عه‌مرام:
هارون و موسا.
هارون هه‌ڵبژێردرا، خۆی و نه‌وه‌كانی بۆ هه‌تاهه‌تایه‌، بۆ ته‌رخانكردنی شتی هه‌ره‌پیرۆز، بۆ كردنی قوربان له‌به‌رده‌م یه‌زدان و بۆ داوای به‌ره‌كه‌ت كردن به‌ ناوی ئه‌وه‌وه‌ بۆ هه‌تاهه‌تایه‌.
14
هه‌روه‌ها كوڕه‌كانی موسای پیاوی خودا وه‌ك به‌شێك له‌ هۆزی لێڤی دانران.
15
كوڕه‌كانی موسا
گێرشۆم و ئه‌لیعه‌زه‌ر بوون.
16
نه‌وه‌كانی گێرشۆم:
شوڤائێل كوڕه‌ گه‌وره‌ی بنه‌ماڵه‌كه‌ بوو.
17
نه‌وه‌ی ئه‌لیعه‌زه‌ریش:
ئه‌لیعه‌زه‌ر ته‌نها یه‌ك كوڕی هه‌بوو ناوی ڕه‌حه‌ڤیا بوو،
به‌ڵام ڕه‌حه‌ڤیا كوڕی زۆر بوو.
18
كوڕه‌كانی یه‌سهار:
شه‌لۆمیت كوڕه‌ گه‌وره‌ی بنه‌ماڵه‌كه‌ بوو.
19
كوڕه‌كانی حه‌برۆن:
یه‌رییاهو كوڕه‌ گه‌وره‌ی بنه‌ماڵه‌كه‌ بوو، ئه‌مه‌ریا دووه‌م و یه‌حه‌زیێل سێیه‌م و یه‌قه‌مه‌عام چواره‌میان بوو.
20
كوڕه‌كانی عوزیێل:
میخا كوڕه‌ گه‌وره‌ی بنه‌ماڵه‌كه‌ بوو و ییشیا دووه‌میان بوو.
مه‌رارییه‌كان 
21
كوڕه‌كانی مه‌راری:
مه‌حلی و موشی.
كوڕه‌كانی مه‌حلی:
ئه‌لعازار و قیش.
22
ئه‌لعازار مرد و كوڕی نه‌بوو، ته‌نها كچی هه‌بوو، جا كوڕه‌كانی قیشی برای هێنایانن.
23
كوڕه‌كانی موشی:
مه‌حلی، عێده‌ر و یه‌ریمۆت، سێ كوڕ بوون.
24
ئه‌مانه‌ نه‌وه‌ی لێڤی بوون به‌گوێره‌ی بنه‌ماڵه‌كانیان. گه‌وره‌ی بنه‌ماڵه‌كان كه‌ به‌پێی ناوه‌كانیان تۆمار كران و یه‌ك به‌ یه‌ك سه‌رژمێر كران، له‌ گه‌نجی بیست ساڵ به‌ره‌و سه‌ره‌وه‌ كه‌ له‌ په‌رستگای یه‌زدان خزمه‌تیان ده‌كرد،
25
چونكه‌ داود گوتبووی: «له‌به‌ر ئه‌وه‌ی یه‌زدانی په‌روه‌ردگاری ئیسرائیل گه‌له‌كه‌ی حه‌ساندووه‌ته‌وه‌ و بۆ هه‌تاهه‌تایه‌ یه‌زدان له‌ ئۆرشه‌لیم نیشته‌جێ بووه‌،
26
ئیتر پێویست ناكات لێڤییه‌كان چادره‌كه‌ی په‌رستن یان هیچ یه‌كێك له‌و قاپوقاچاغانه‌ی كه‌ له‌ خزمه‌تی چادره‌كه‌ی په‌رستن به‌كارده‌هێنرێت هه‌ڵبگرن و بگوازنه‌وه‌.»
27
به‌پێی دوایین فه‌رمانی داود، لێڤییه‌كان له‌ گه‌نجی بیست ساڵ به‌ره‌و سه‌ره‌وه‌ سه‌رژمێری كران.
28
لێڤییه‌كان به‌رده‌ستی نه‌وه‌ی هارونیان ده‌كرد له‌ خزمه‌تكردنی په‌رستگای یه‌زدان: به‌رپرس بوون بۆ حه‌وشه‌ و ژووره‌ لاته‌نیشته‌كان، بۆ پاككردنه‌وه‌ی شته‌ پیرۆزه‌كان، بۆ خزمه‌تكردنی دیكه‌ش له‌ ماڵی خودا؛
29
به‌رپرسیاریێتیشیان هه‌بوو بۆ نانی ته‌رخانكراو و باشترین ئارد بۆ پێشكه‌شكراوی دانه‌وێڵه‌ و ناسكه‌ نانی[a] فه‌تیره‌ی و خۆراكی سه‌ر ساج و تێكه‌ڵكردنی هه‌رچی كه‌ تێكه‌ڵ ده‌كرێت و بۆ هه‌موو ئه‌ندازه‌ و پێوانه‌كردنێك؛
30
هه‌روه‌ها بۆ ڕاوه‌ستان هه‌موو به‌یانییه‌ك بۆ سوپاسكردن و ستایشكردنی یه‌زدان ئێوارانیش به‌ هه‌مان شێوه‌؛
31
هه‌روه‌ها بۆ هه‌موو سه‌رخستنێكی قوربانی سووتاندن له‌ شه‌ممه‌ و سه‌ره‌مانگ و جه‌ژنه‌كان. پێویست بوو لێڤییه‌كان به‌و ژماره‌یه‌ و به‌و چه‌شنه‌ی كه‌ ڕێسایه‌ له‌سه‌ریان، به‌ به‌رده‌وامی له‌به‌رده‌م یه‌زدان خزمه‌ت بكه‌ن.
32
ئیتر لێڤییه‌كان له‌ چادری چاوپێكه‌وتن و شوێنی پیرۆز پارێزگاریان ده‌كرد، هه‌روه‌ها به‌رده‌ستی نه‌وه‌ی هارونیان ده‌كرد له‌ خزمه‌تكردنی په‌رستگای یه‌زدان.
  1. a. 23‏:29 ناسكه‌ نان: ناوه‌شكێنه‌.