عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ئینجا داود گوتی: «ئێره‌ ماڵی یه‌زدانی په‌روه‌ردگاره‌، هه‌ر ئێره‌ش قوربانگای قوربانی سووتاندنی ئیسرائیله‌.»
ئاماده‌كاری بۆ په‌رستگاكه‌ 
2
ئیتر داود فه‌رمانی دا به‌ كۆكردنه‌وه‌ی ئه‌و نامۆیانه‌ی له‌ خاكی ئیسرائیل بوون، هه‌ندێكی لێ كردنه‌ نه‌قاڕ بۆ تاشینی به‌ردی چوارگۆشه‌یی بۆ بنیادنانی ماڵی خودا.
3
داود ئاسنێكی زۆری بۆ بزمار و ئه‌ڵقه‌ڕیزی ده‌رگاكان ئاماده‌ كرد، بڕۆنزێكی زۆری له‌كێش نه‌هاتووشی ئاماده‌ كرد.
4
هه‌روه‌ها داری ئورزیشی ئاماده‌ كرد كه‌ له‌ ژماره‌ نه‌ده‌هات، چونكه‌ سه‌یدائییه‌كان و سورییه‌كان دار ئورزێكی زۆریان بۆ داود هێنا.
5
داود گوتی: «سلێمانی كوڕم منداڵه‌ و پێنه‌گه‌یشتووه‌، ئه‌م ماڵه‌ش كه‌ بۆ یه‌زدان بنیاد ده‌نرێت ده‌بێت له‌به‌رچاوی هه‌موو گه‌لان زۆر گه‌وره‌ و به‌ناوبانگ و شكۆدار بێت، له‌به‌ر ئه‌وه‌ من ئێستا ئاماده‌كاری بۆ ده‌كه‌م.» جا داود به‌ر له‌ مردنی ئاماده‌كارییه‌كی زۆری بۆ كرد.
6
پاشان سلێمانی كوڕی بانگكرد و ڕایسپارد كه‌ ماڵێك بۆ یه‌زدانی په‌روه‌ردگاری ئیسرائیل بنیاد بنێت.
7
داود به‌ سلێمانی گوت: «كوڕی خۆم، من له‌ دڵمدا بوو ماڵێك بۆ ناوی یه‌زدانی په‌روه‌ردگارم بنیاد بنێم.
8
به‌ڵام فه‌رمایشتی یه‌زدانم بۆ هات، پێی فه‌رمووم: ”تۆ خوێنێكی زۆرت ڕشتووه‌ و جه‌نگی گه‌وره‌شت كردووه‌، له‌به‌ر ئه‌وه‌ ماڵ بۆ ناوه‌كه‌م دروستناكه‌یت، چونكه‌ له‌به‌رده‌مم خوێنێكی زۆرت ڕشتووه‌ته‌ سه‌ر زه‌وی.
9
به‌ڵام كوڕێكت ده‌بێت، ده‌بێته‌ پیاوی ئاشتی و حه‌سانه‌وه‌، له‌ هه‌موو دوژمنه‌كانی ده‌وروبه‌ری ده‌یحه‌سێنمه‌وه‌. ناوی سلێمان[a] ده‌بێت، له‌ ماوه‌ی پاشایه‌تی ئه‌ودا ئاشتی و ئارامی به‌ ئیسرائیل ده‌به‌خشم.
10
ئه‌و ماڵێك بۆ ناوه‌كه‌م بنیاد ده‌نێت، من ده‌بمه‌ باوكی ئه‌و و ئه‌ویش ده‌بێته‌ كوڕی من، ته‌ختی پاشایه‌تییه‌كه‌شی هه‌تاهه‌تایه‌ له‌سه‌ر ئیسرائیل جێگیر ده‌كه‌م.“
11
«كوڕی خۆم، ئێستاش یه‌زدانت له‌گه‌ڵدا بێت و سه‌ركه‌وتوو بیت و ماڵه‌كه‌ی یه‌زدانی په‌روه‌ردگارت بنیاد بنێیت به‌و شێوه‌یه‌ی سه‌باره‌ت به‌ تۆ فه‌رمووی.
12
كاتێك فه‌رمانڕه‌وایه‌تی ئیسرائیل ده‌كه‌یت یه‌زدان دانایی و تێگه‌یشتنت بداتێ بۆ ئه‌وه‌ی فێركردنه‌كانی یه‌زدانی په‌روه‌ردگارت په‌یڕه‌و بكه‌یت.
13
ئه‌گه‌ر ئاگاداربیت له‌وه‌ی ئه‌و فه‌رز و حوكمانه‌ به‌جێبهێنیت كه‌ یه‌زدان له‌ ڕێگه‌ی موساوه‌ فه‌رمانی به‌ گه‌لی ئیسرائیل كرد، ئه‌و كاته‌ سه‌ركه‌وتوو ده‌بیت. ئیتر به‌هێزبه‌ و ئازابه‌، مه‌ترسه‌ و وره‌ به‌رمه‌ده‌.
14
«من ناخۆشی زۆرم چێژتووه‌ بۆ دابینكردنی ئه‌مانه‌ بۆ په‌رستگای یه‌زدان، سه‌د هه‌زار تالنت[b] زێڕ و ملیۆنێك تالنت[c] زیو، بڕۆنز و ئاسنێكی زۆری له‌ كێش نه‌هاتووش، دار و به‌ردیشم ئاماده‌ كردووه‌. تۆش ده‌توانیت زیاتریان بكه‌یت.
15
كرێكارێكی زۆرت له‌لایه‌، له‌ نه‌قاڕ و به‌نا و دارتاش و كه‌سانی شاره‌زا له‌ هه‌موو كار و پیشه‌یه‌ك
16
له‌سه‌ر زێڕ و زیو و بڕۆنز و ئاسن، وه‌ستاكان له‌ ژماره‌ نایه‌ن. ئیتر هه‌سته‌ و ده‌ستبه‌كار به‌ و یه‌زدانت له‌گه‌ڵ بێت.»
17
پاشان داود فه‌رمانی به‌ هه‌موو سه‌ركرده‌كانی ئیسرائیل كرد هاریكاری سلێمانی كوڕی بكه‌ن:
18
«ئایا یه‌زدانی په‌روه‌ردگارتان له‌گه‌ڵتان نییه‌؟ ئایا له‌ هه‌موو لایه‌كه‌وه‌ نه‌یحه‌ساندوونه‌ته‌وه‌؟ چونكه‌ دانیشتووی خاكه‌كه‌ی داوه‌ته‌ ده‌ستم و خاكه‌كه‌ی ژێرده‌سته‌ی یه‌زدان و گه‌له‌كه‌ی كردووه‌.
19
ئێستاش به‌ هه‌موو دڵ و گیانتانه‌وه‌ ڕووتان له‌ یه‌زدانی په‌روه‌ردگارتان بكه‌ن. هه‌ستن و پیرۆزگای یه‌زدانی په‌روه‌ردگار بنیاد بنێن، بۆ ئه‌وه‌ی سندوقی په‌یمانی یه‌زدان و قاپوقاچاغی پیرۆزگای خودا بهێنرێته‌ ناو ئه‌و په‌رستگایه‌ی كه‌ بۆ ناوی یه‌زدان بنیاد ده‌نرێت.»
  1. a. 22‏:9 ناوه‌كه‌ له‌ زمانی عیبریدا \+tl شه‌لۆمۆ\+tl*یه‌ كه‌ له‌ ڕووی ده‌نگه‌وه‌ له‌ وشه‌ی (ئاشتی)ی عیبری نزیكه‌.
  2. b. 22‏:14 سه‌د هه‌زار تالنت: نزیكه‌ی 3450 ته‌ن.
  3. c. 22‏:14 ملیۆن تالنت: نزیكه‌ی 34500 ته‌ن.