عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
گرتنی شاری ڕه‌به‌ 
1
له‌ به‌هاری ساڵ، له‌ كاتی ڕۆیشتنی پاشاكان بۆ جه‌نگ، یۆئاب ڕابه‌رایه‌تی هێزه‌ چه‌كداره‌كانی ده‌كرد. خاكی عه‌مۆنییه‌كانی وێران كرد و چوو بۆ ڕه‌به‌ و گه‌مارۆی دا، به‌ڵام داود له‌ ئۆرشه‌لیم مایه‌وه‌، جا یۆئاب له‌ ڕه‌به‌ی دا و وێرانی كرد.
2
داود تاجی سه‌ری پاشاكه‌ی ئه‌وانی برد، ده‌ركه‌وت كێشه‌كه‌ی نزیكه‌ی تالنتێك[a] زێڕ بوو، به‌ردی گرانبه‌هاشی تێدابوو، ئینجا له‌سه‌ر سه‌ری داود دانرا. ده‌ستكه‌وتێكی زۆریشی له‌ شاره‌كه‌ ده‌رهێنا،
3
ئه‌و گه‌له‌شی كه‌ تێیدا بوو هێنایه‌ ده‌ره‌وه‌ و بێگاری پێكردن به‌ ئیشكردن به‌ مشار و پاچی ئاسنین و ته‌وری ئاسنین. داود ئه‌م كاره‌ی به‌ هه‌موو شارۆچكه‌كانی عه‌مۆنییه‌كان كرد. پاشان داود و هه‌موو سوپا گه‌ڕانه‌وه‌ ئۆرشه‌لیم.
جه‌نگی فه‌له‌ستییه‌كان 
4
پاش ئه‌مانه‌ له‌ گه‌زه‌ر جه‌نگ له‌گه‌ڵ فه‌له‌ستییه‌كان هه‌ڵگیرسا و له‌و كاته‌دا سیبه‌خه‌یی حوشاتی، سیپه‌یی كوشت كه‌ یه‌كێك بوو له‌ نه‌وه‌ی ڕفائییه‌كان، دواجار فه‌له‌ستییه‌كان تێكشكان.
5
جارێكی دیكه‌ش له‌گه‌ڵ فه‌له‌ستییه‌كان جه‌نگ هه‌ڵگیرسایه‌وه‌ و ئه‌لحانانی كوڕی یاعیر، له‌حمیی برای گۆلیاتی[b] گه‌تی كوشت، كه‌ ده‌سكی ڕمه‌كه‌ی وه‌ك نۆردی جۆڵاكان بوو.
6
دیسان له‌ گه‌ت جه‌نگ هه‌ڵگیرسایه‌وه‌، پیاوێكی زه‌به‌لاح هه‌بوو هه‌ر په‌لێكی شه‌ش په‌نجه‌ی هه‌بوو، بیست و چوار په‌نجه‌ی هه‌بوو، ئه‌ویش هه‌ر له‌ نه‌وه‌ی ڕافا بوو.
7
كاتێك سووكایه‌تی به‌ ئیسرائیل كرد، یۆناتانی كوڕی شیمه‌عه‌ی برای داود كوشتی.
8
ئه‌وانه‌ له‌ نه‌وه‌ی ڕافا بوون له‌ گه‌ت، به‌ ده‌ستی داود و خزمه‌تكاره‌كانی كوژران.
  1. a. 20‏:2 تالنتێك: نزیكه‌ی 34 كیلۆگرام.
  2. b. 20‏:5 هه‌رچه‌نده‌ له‌ \+xt دووه‌م ساموئێل 21‏:19‏\+xt*‏ نووسراوه‌ كه‌ ئه‌لحانان گۆلیاتی خۆی كوشت، به‌ڵام ده‌شێت چه‌ند جه‌نگاوه‌رێكی فه‌له‌ستی هه‌بێت كه‌ ناویان گۆلیات بوو.