عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
فێركرنا ساخلەم 
1
لێ تۆ، وان تشتان بێژە یێن گونجای ل گەل فێركرنا ساخلەم.
2
بلا پیرەمێر ل سەر خۆ د زاڵ بن، خودان رێز بن، خودان رەفتارەكا ئاقلانە بن، د باوەریێ و حەزژێكرنێ و خۆڕاگریێ دا د ساخلەم بن.
3
هەروەسا بلا پیرەژن ژی رەفتارا وان ل گەل پیرۆزیێ یا گونجای بیت، د بوهتانكار نەبن، دیلێن مەی ڤەخوارنێ نەبن، فێركەرێن باشیێ بن،
4
دا ژنێن گەنج پەروەردە بكەن كو حەز ژ مێرێن خۆ و حەز ژ زاڕۆكێن خۆ بكەن،
5
خودان رەفتارەكا ئاقلانە بن، د دەهمەنپاك بن، د مالدار بن، د باش بن، د ملكەچی مێرێن خۆ بن، دا ب خرابی بەحسێ پەیڤا خودێ نەهێتە كرن.
6
هۆسا شیرەتان ل زەڵامێن گەنج ژی بكە، كو خودان رەفتارەكا ئاقلانە بن.
7
ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،
8
ب پەیڤێن ساخلەم و بێگازندە، دا هەر ئێكێ بەرهنگاریێ بكەت شەرمزار ببیت، چنكو ئەوی تشتەكێ خراب نینە ل دژی مە بێژیت.
9
بلا بەنی ژی د هەمی تشتان دا ملكەچی خودانێن خۆ بن، وان رازی كەن و ل بەر دەڤێ وان نەدەن.
10
دەستدرێژیێ نەكەنە سەر مالێ وان، بەلكو دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.
11
چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.
12
ئەو مە پەروەردە دكەت كو خودێنەنیاسیێ و حەزێن ڤێ جیهانێ رەت بكەین و ب ئاقلداری و راستداری[a] و خودێترسیێ د ڤی سەردەمی دا بژین
13
و چاڤەڕێی هیڤیا بەختەوەر بین، كو دیاربوونا روومەتا خودایێ مەزن، قورتالكەرێ مە عیسایێ مەسیحە.
14
ئەوێ خۆ گۆری مە كری، دا مە ژ هەمی گونەهان رزگار بكەت و پاقژ بكەت و بكەتە خەلكێ خۆ یێ تایبەت یێ دلگەرم بۆ كریارێن باش.
15
ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.
  1. a. 2‏:12 راست و دروستی