عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
ساخكرنا فاڵنجیەكی ل كەفەرناحومێ 
1
پشتی چەند رۆژان، عیسا ڤەگەڕیا ڤە باژێڕێ كەفەرناحوم، خەلكی گوهـ لێ بوو كو ئەو یێ ل مال.
2
ئینا گەلەك ژ وان لێ كۆم بوون تا ل بەر دەری ژی جهی نەدكر، ئەوی ژی پەیام بۆ وان رادگەهاند.
3
هندەك هاتن و فاڵنجیەك د گەل دا بوو و چوار زەڵامان هەلگرتبوو،
4
لێ ژ بەر بوشاتیێ، نەدشیان نێزیكی وی ببن و چوونە وی جهێ عیسا تێدا و بان كون كر و مرۆڤێ فاڵنجی ب نڤین ڤە داهێلا خوارێ.
5
دەمێ عیسای باوەریا وان دیتی، گۆتە یێ فاڵنجی: «كوڕێ من، ل گونەهێن تە هاتە بورین!»
6
هندەك مامۆستایێن دەستووری د ناڤ وان دا دروینشتی بوون و د دلێ خۆ دا دگۆتن:
7
«چەوا ئەڤ زەڵامە ئاخفتنەكا هۆسا دبێژیت؟ ئەو یێ كوفریان دكەت! ما كی ژ خودێ پێڤەتر دشێت ل گونەهان ببوریت؟»
8
د جهـ دا عیسا ب گیانێ خۆ زانی ئەو چ هزر دكەن، ئەڤجا گۆتە وان: «بۆچی هوین هۆسا د دلێ خۆ دا هزران دكەن؟
9
كی ژ ڤان ب ساناهیترە، كو مرۆڤ بۆ ڤی فاڵنجی بێژیت: ‹ل گونەهێن تە هاتە بورین› یان بێژیت: ‹رابە نڤینێن خۆ هەلگرە و بڕێڤە هەڕە›؟
10
لێ ئەز دێ بۆ هەوە سەلمینم كو كوڕێ مرۆڤ[a] ل سەر ئەردی دەستهەلاتا هەی ل گونەهان ببوریت» - ئەڤجا گۆتە یێ فاڵنجی -
11
«دبێژمە تە: رابە و نڤینێن خۆ هەلگرە و هەڕە مالا خۆ.»
12
د گاڤێ دا ئەو زەڵام رابوو و نڤینێن خۆ هەلگرتن و ل پێش چاڤێن هەمیان دەركەفت. ئینا هەمی گوهشین و پەسنا[b] خودێ دكر و دگۆتن: «مە چ جاران وەكو ڤی تشتی نەدیتیە!»
عیسا گازی لێڤی دكەت 
13
جارەكا دی عیسا دەركەفتە كنارێ دەریاكێ. هەمی خەلك هاتنە نك وی و ئەوی دەست ب فێركرنا وان كر.
14
دەمێ ئەو بڕێڤە دچوو، لێڤی یێ كوڕێ حەلفی دیت ل جهێ باج وەرگرتنێ یێ روینشتی بوو، عیسای گۆتێ: «ب دویڤ من بكەڤە.» ئەو رابوو و ب دویڤ وی كەفت.
15
دەمێ عیسا ل سەر سفرێ ل مالا لێڤی، گەلەك باجگر و گونەهكارێن دی ل گەل وی و شاگردێن وی د روینشتی بوون، چنكو ئەوێن ب دویڤ وی كەفتین گەلەك بوون.
16
دەمێ مامۆستایێن دەستووری یێن فەریسی، دیتی عیسا یێ ل گەل گونەهكار و باجگران خوارنێ دخۆت، گۆتنە شاگردێن وی: «بۆچی ل گەل باجگر و گونەهكاران خوارنێ دخۆت؟»
17
دەمێ عیسای گوهـ لێ بووی، گۆتێ: «مرۆڤێن ساخلەم پێدڤی ب نۆژداری نینە، لێ مرۆڤێن نەساخ. ئەز نەهاتیمە گازی مرۆڤێن راستدار[c] بكەم، لێ یێن گونەهكار.»
پرسیار دەربارەی رۆژیێ 
18
شاگردێن یوحەننای و فەریسی ب رۆژی بوون، ئەڤجا هندەك مرۆڤ هاتنە نك عیسای و گۆتنێ: «بۆچی شاگردێن فەریسیان و شاگردێن یوحەننای رۆژیان دگرن، لێ شاگردێن تە ناگرن؟»
19
گۆتە وان: «ئەرێ ما داخوازكریێن داوەتێ دشێن ب رۆژی بن، هێشتا زاڤا د ناڤ وان دا؟ هندی زاڤا د ناڤ وان دا بیت، ئەو نەشێن ب رۆژی بن.
20
لێ رۆژ دێ هێن، زاڤا دێ ژ ناڤ وان هێتە راكرن، هنگی ل وێ رۆژێ ئەو دێ رۆژیان گرن.
21
كەس جلكەكێ كەڤن ب پاتەكێ ل ئاڤێ نەدای[d] پنی ناكەت، نەكو پاتەیێ نوی تێك بچیت و ژ جلكێ كەڤن بكێشیت و كون خرابتر لێ بهێت.
22
كەس ژی شەرابا نوی ناكەتە مەشكێن كەڤن، ئەگەر وە كر شەراب دێ مەشكان پەقینیت و شەراب دێ هێتە رشتن و مەشك ژی دێ پویچ بن. لێ شەرابا نوی دكەنە مەشكێن نوی.»
خودانێ شەمبیێ 
23
د شەمبیێ دا، عیسا د ناڤ دەخلان را دبوری و شاگردێن وی بڕێڤە دەست ب گولیكرنێ كر.
24
ئینا فەریسیان گۆتە وی: «بەرێ خۆ بدێ، بۆچی ئەو وێ دكەن، ئەوا نە رەوایە د شەمبیێ[e] دا بهێتە كرن؟»
25
گۆتە وان: «ما هەوە قەت ئەو نەخواندیە كا داوودی چ كر، دەمێ ئەو و یێن ل گەل وی كەفتینە هەوجەییێ و برسی بووین،
26
چەوا ل سەردەمێ ئەبیاتارێ سەرۆككاهن، ئەو چوو د مالا خودێ ڤە و نانێ پێشكێشیێ خوار و دا یێن ل گەل خۆ ژی، هەر چەندە ژبلی كاهنان نە رەوایە كەس ژێ بخۆت؟»[f]
27
و وی گۆتە وان: «شەمبی پێخەمەت مرۆڤان یا هاتیە چێكرن، نە مرۆڤ پێخەمەت شەمبیێ.
28
ئەڤجا كوڕێ مرۆڤ خودانێ شەمبیێیە ژی.»
  1. a. 2‏:10 q كوڕێ مرۆڤ ناڤەكە د ناڤ جوهیان دا یێ بەرنیاس بوو، ژ بەر كو د پەرتووكا دانیێل پێغەمبەری دا هەیە دانیێل 7‏:13‏-14 دەمێ عیسای ب كار دئینا، وی بەحسێ خۆ دكر. ل فەرهەنگۆكێ بنێڕە.
  2. b. 2‏:12 q پەسن مەدح و سەنا
  3. c. 2‏:17 راستدار: ئەوێ كو كریارا وی یا راست و دروستە.
  4. d. 2‏:21 هنگی دەمێ پەڕوكێ نوی دهاتە شویشتن، بچویكتر لێ دهات و تێك دچوو، لەوما بەری بهێتە دروین، ل ئاڤێ ددا، دا ئێدی بچویك نەببا.
  5. e. 2‏:24 بۆ جوهیان رۆژەكا تایبەت و پیرۆزە و كار تێدا ناهێتە كرن. ل فەرهەنگۆكێ بنێڕە \k رۆژا شەمبی\k*.
  6. f. 2‏:26 پەرستن و پیرۆزی 24‏:9؛ 1 ساموئێل 21‏:1‏-6