عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
فەریسی داخوازا نیشانەكێ دكەن 
1
فەریسی و سەدوقی هاتنە نك عیسای، دا وی تاقی بكەن، داخواز ژێ كر كو نیشانەكێ ژ ئەسمانی نیشا وان بدەت.
2
بەرسڤا وان دا: «دەمێ رۆژ ئاڤا دبیت، هوین دبێژن: ‹دێ ساهی بیت، چنكو ئەسمان یێ سۆر بووی.›
3
لێ سپێدێ دبێژن: ‹ئەڤرۆ دێ سەقا یێ نەخۆش بیت، چنكو ئەسمان یێ سۆر و گرتییە.› هوین دزانن دیمەنێ ئەسمانی شڕۆڤە بكەن، لێ هوین نەشێن نیشانێن سەردەمان شڕۆڤە بكەن.
4
نفشەكێ خرابكار و دەهمەنپیس نیشانەكێ دخوازیت، لێ ژبلی نیشانا یونس پێغەمبەری[a] ، چ نیشان بۆ ڤی نفشی ناهێنە دان.» پاشی ئەو هێلان و چوو.
هەڤیرترشێ فەریسی و سەدوقیان 
5
دەمێ شاگردێن وی چووینە كنارێ دی، ژ بیر كربوو كو نانی ل گەل خۆ ببەن.
6
عیسای گۆتە وان: «ئاگەهدار بن، هشیار بن ژ هەڤیرترشێ فەریسی و سەدوقیان!»
7
شاگردان د ناڤبەرا خۆ دا دەست هاڤێتە دانوستاندنێ و گۆتن: «مە نان ل گەل خۆ نە ئینایە، لەوما یێ ڤێ دبێژیت.»
8
عیسای زانی و گۆتە وان: «هەی ئەوێن كێمباوەر، هوین بۆچی د ناڤبەرا خۆ دا دبێژن: ‹مە نان نینە›؟
9
ما هێشتا هوین تێنەگەهشتینە؟ ما بیرا هەوە ناهێتە پێنج نانێن كو پێنج هزار تێر كرین و هەوە چەند سەڵك ژێ كۆم كرین؟
10
و وان حەفت نانێن چوار هزار تێر كرین و هەوە چەند سەڤیك ژێ كۆم كرین؟
11
هوین چەوا تێناگەهن كو من بەحسێ نانی نەدكر؟ هشیاری هەڤیرترشێ فەریسی و سەدوقیان بن.»
12
هنگی ئەو تێگەهشتن، كو وی نە ژ بەر هەڤیرترشێ نانی، لێ ژ بەر فێركرنا فەریسی و سەدوقیان ئەو ئاگەهداركرن.
دانپێدانا پەترۆسی كو عیسا مەسیحە 
13
دەمێ عیسا گەهشتیە دەڤەرا قەیسەریا فیلیپوسی، پرسیار ژ شاگردێن خۆ كر: «خەلك دبێژن كوڕێ مرۆڤ كیە؟»
14
وان بەرسڤ دا: «هندەك دبێژن یوحەننایێ تافیركەرە و هندەك دبێژن ئلیاسە و هندەك ژی دبێژن یەرمیایە یان ژی ئێكە ژ پێغەمبەرێن دی.»
15
عیسای گۆتە وان: «و هوین چ دبێژن، ئەز كیمە؟»
16
ئینا شەمعون پەترۆسی بەرسڤا وی دا و گۆت: «تۆ مەسیحی، كوڕێ خودایێ زیندی.»
17
عیسای بەرسڤ دا و گۆتە وی: «خوزیكێن تە، شەمعونێ كوڕێ یۆنای! چنكو چ خوین و گۆشتان ئەڤە بۆ تە دیار نەكریە، لێ بابێ منێ ل ئەسمانان.
18
ئەز دبێژمە تە: تۆ پەترۆسی[b] و ل سەر ڤی كەڤری دێ كەنیسەیا[c] خۆ ئاڤا كەم و دەرگەهێن وارێ مریان[d] نەشێن ل دژی وێ سەركەفتنێ بینن.
19
دێ كلیلێن پاشایەتیا ئەسمانان دەمە تە و هەر تشتەكێ تۆ ل ئەردی گرێ بدەی، دێ ل ئەسمانان یێ گرێدای بیت و هەر تشتەكێ ل ئەردی ڤەبكەی، دێ ل ئەسمانان یێ ڤەكری بیت.»
20
هنگی عیسای فەرمان دا شاگردێن خۆ كو نەبێژنە كەسێ ئەو مەسیحە.
عیسا پێشبینیا مرن و رابوونا خۆ دكەت 
21
د وی دەمی دا، عیسای دەست پێ كر شاگردێن خۆ ئاگەهدار كرن، كو پێدڤیە ئەو بچیتە ئورشەلیمێ و ژ لایێ ریهسپی و سەرۆكێن كاهنان و مامۆستایێن دەستووری ڤە بهێتە ئازاردان و كوشتن و ل رۆژا سێیێ راببیتەڤە.
22
پەترۆسی ئەو ڤەدەر كر و پاشڤە بر و گۆتێ: «خودان، دویری تە! چ جاران ئەڤ تشتە ب سەرێ تە ناهێت.»
23
عیسا ل پەترۆسی زڤڕی و گۆتێ: «ژ بەر چاڤێن من هەڕە هەی ئبلیس! تۆ ئاستەنگی ل پێشیا من، چنكو هزرێن تە نە ل سەر تشتێن خودێنە، لێ ل سەر تشتێن مرۆڤانە.»
24
هنگی عیسای گۆتە شاگردێن خۆ: «ئەگەر ئێكی بڤێت ل دویڤ من بهێت، بلا خۆ ماندەل[e] بكەت و خاچا خۆ هەلگریت و ب دویڤ من بكەڤیت.
25
چنكو ئەوێ بڤێت ژیانا خۆ قورتال بكەت، دێ وێ ژ دەست دەت، لێ ئەوێ ژیانا خۆ ژ پێخەمەتی من ژ دەست بدەت، دێ وێ پارێزیت.
26
مرۆڤ دێ چ مفای كەت، ئەگەر جیهان هەمی ب دەست خۆ ڤە ئینا، لێ ژیانا خۆ ژ دەست دا؟ مرۆڤ دێ ب پێش ژیانا خۆ ڤە چ دەت؟
27
كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.
28
ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو هاتنا كوڕێ مرۆڤ د پاشایەتیا وی دا نەبینن، تام ناكەنە مرنێ.»
  1. a. 16‏:4 بنێڕە مەتتا 12‏:38‏-42
  2. b. 16‏:18 پەترۆس ب یونانی ئانكو ‹كەڤر›
  3. c. 16‏:18 ئانكو ‹جڤاتا باوەرداران›. ل فەرهەنگۆكێ بنێڕە پەیڤا \k كەنیسە\k*
  4. d. 16‏:18 ل فەرهەنگۆكێ بنێڕە
  5. e. 16‏:24 ئینكار