عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
تیتالێن باب و كالان 
1
ل وی دەمی، هندەك فەریسی و مامۆستایێن دەستووری ژ ئورشەلیمێ هاتنە نك عیسای و گۆتن:
2
«بۆچی شاگردێن تە سەرپێچیا تیتالێن باب و كالان دكەن؟ ئەو بەری خوارنێ دەستێن خۆ ناشوون.»
3
عیسای بەرسڤ دا و گۆتە وان: «ئەرێ بۆچی هوین ژ بەر تیتالێن خۆ سەرپێچیا فەرمانا خودێ دكەن؟
4
خودێ یێ گۆتی: رێزێ ل دایك و بابێن خۆ بگرە [a] و هەر كەسێ ئاخفتنێن كرێت بێژیتە بابێ خۆ یان دایكا خۆ، دڤێت بهێتە كوشتن. [b]
5
لێ هوین دبێژن: هەر كەسێ بێژیتە بابێ خۆ یان دایكا خۆ: ‹ئەو هاریكاریا ئەز دا دەمە هەوە، وەكو پێشكێشی من دا خودێ،›
6
ئێدی ل سەر وی نەما ئەو رێزێ ل دایك و بابێن خۆ بگریت. هوین هۆسا پەیڤا خودێ بۆ پاراستنا تیتالێن خۆ ژ كار دئێخن.
7
هەی مرۆڤێن دووڕوی! ئیشایا یێ راست بوو دەمێ پێشبینی دەربارەی هەوە كری، دەمێ گۆتی:
8
ئەڤ مللەتە ب دەڤی رێزێ ل من دگریت،
لێ دلێ وی گەلەك یێ ژ من دویرە.
9
ئەو ژ قەستا من دپەرێسن،
چنكو ئەو راسپاردەیێن مرۆڤان، هەروەكو فەرمانێن من بن، نیشا خەلكی ددەن.[c] »
چیە مرۆڤی دهەڕمینیت؟ 
10
پاشی گازی خەلكی كر و گۆتێ: «گوهـ بدەن و تێبگەهن:
11
ئەوێ مرۆڤی دهەڕمینیت، نە ئەوە یێ دچیتە د دەڤی دا، بەلكو ئەوێ ژ دەڤی دەردكەڤیت.»
12
هنگی شاگردان خۆ نێزیكی وی كر و گۆتنێ: «تۆ دزانی دەمێ فەریسیان گوهـ ل ڤێ ئاخفتنێ بووی، دلگران بوون؟»
13
وی بەرسڤ دا: «هەر شینكاتیەكا بابێ من یێ ئەسمانی نەچاندبیت، دێ هێتە هەلكێشان.
14
وان بهێلن، ئەو د كۆرەنە رێبەراتیا كۆرەیان دكەن. ئەگەر ئێكێ كۆرە كۆرەیەكی بڕێڤە ببەت، هەردوو دێ كەڤنە د چاڵەكێ دا.»
15
پەترۆسی گۆتێ: «بۆ مە ڤێ نموونەیێ روهن بكە.»
16
عیسای گۆت: «ئەرێ هوین ژی هێشتا تێنەگەهشتینە؟
17
ما هوین نزانن هەر چ تشتێ دچیتە د دەڤی دا، دچیتە د زكی ژی دا، پاشی دەردكەڤیتە ژ دەرڤە؟
18
لێ ئەوێ ژ دەڤی دەردكەڤیت، ئەو ژ دلی دەردكەڤیت و ئەوە مرۆڤی دهەڕمینیت.
19
چنكو ژ دلی ئەڤە دەردكەڤن: هزرێن خراب، كوشتن، دەهمەنپیسی، بێنامویسی، دزی، شاهدەییا درەو و بوهتان.
20
ئەڤەنە ئەوێن مرۆڤی دهەڕمینن. لێ خوارنا زادی ب دەستێن نەشویشتی مرۆڤی ناهەڕمینیت.»
باوەریا ژنەكا كەنعانی 
21
عیسای ئەو دەڤەر هێلا و چوو دەوروبەرێن سور و سایدا.
22
وەسا چێبوو ژنەكا كەنعانی كو خەلكا وان دەڤەران بوو، هاتە نك و ب هەواركی ڤە گۆت: «خودان، كوڕێ داوودی، دلۆڤانیێ ب من ببە! ئەجنەیەكی كچا من یا هنگافتی و گەلەك ئەشكەنجە ددەت.»
23
لێ وی ب چ پەیڤان بەرسڤ نەدا، ئەڤجا شاگردێن وی نێزیك بوون و داخواز ژێ كر: «ڤێ ژ مە دویر بئێخە، چنكو یا ب دویڤ مە ڤە دكەتە هەوار.»
24
لێ وی بەرسڤ دا: «ئەز ب تنێ بۆ وان پەزێن بەرزە یێن مالا ئیسرائیلێ یێ هاتیمە هنارتن.»
25
لێ ئەو ژن هاتە نك و سوجدە بۆ بر و گۆتێ: «خودان، هاریكاریا من بكە.»
26
وی بەرسڤ دا: «نە دروستە نانێ زاڕۆكان ببەن و بهاڤێژنە بەر كویچكان!»
27
وێ بەرسڤ دا: «دروستە خودان، لێ كویچك ژی وان پرتان دخۆن یێن ژ مێزا خودانێ وان دكەڤن.»
28
ئێدی عیسای بەرسڤا وێ دا: «خانم، باوەریا تە یا ب هێزە! داخوازا تە ب جهـ هات.» ئینا د وێ گاڤێ دا كچا وێ ساخ بوو.
عیسا گەلەك مرۆڤان ساخ دكەت 
29
عیسای ئەو دەڤەر هێلا و بەرەڤ كنارێ دەریاكا جەلیل ڤە چوو و ب سەر چیای كەفت و ل وێرێ روینشتە خوار.
30
ئینا جەماوەرەكێ مەزن هاتە نك و گەلەك مرۆڤێن لەنگ و كۆرە و سەقەت و لال و گەلەك نەساخێن دی ل گەل خۆ ئینان و ل بەر پێیێن وی دانان، ئەوی ژی ساخ كرن.
31
ژ بەر ڤێ چەندێ جەماوەر حێبەتی بوو، دەمێ وان دیتی لال یێ دئاخڤن و پەككەفتی یێ ساخ دبن و لەنگ یێ بڕێڤە دچن و كۆرە یێ دبینن. ئینا وان خودایێ ئیسرائیلێ مەزن كر.
عیسا چوار هزاران تێر دكەت 
32
عیسای گازی شاگردێن خۆ كر و گۆت: «دلێ من یێ ب جەماوەری ڤە، چنكو ئەڤە سێ رۆژە ئەو ل گەل من و وان چ نینە بخۆن. من نەڤێت ئەز وان برسی ڤەڕەڤینم، نەكو د رێكێ دا ژ برسا دا بكەڤن!»
33
شاگردان گۆتێ: «مە ژ كیڤە ل ڤی چۆلی هند نان هەیە، ڤی جەماوەری هەمیێ تێر بكەت؟»
34
عیسای گۆتە وان: «هەوە چەند نان هەنە؟» وان گۆت: «حەفت نان و چەند ماسیێن بچویك.»
35
عیسای فەرمان ل جەماوەری كر، كو ل سەر ئەردی رویننە خوار.
36
پاشی هەر حەفت نان و ماسی هەلگرتن و سوپاسیا خودێ كر و كەر كرن و دانە شاگردێن خۆ و شاگردان ژی دا جەماوەری.
37
ئینا هەمیان خوار و تێر بوون و حەفت سەڤیكێن تژی ژ پرتێن بەرمایكان راكرن.
38
و ئەوێن خوارین، ژبلی ژنان و زاڕۆكان، چوار هزار زەڵام بوون.
39
پاشی عیسای جەماوەر ڤەڕەڤاند و ل بەلەمێ سیار بوو و چوو دەڤەرا مەگەدانێ.
  1. a. 15‏:4 دەركەفتن 20‏:12؛ گۆتارا مووسای 5‏:16
  2. b. 15‏:4 دەركەفتن 21‏:17؛ پەرستن و پیرۆزی 20‏:9
  3. c. 15‏:9 ئیشایا 29‏:13