عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
مرنا عیسای 
‏44‏ دەمژمێر نێزیكی دوازدەیی نیڤرۆ بوو، ژ وی دەمی تا دەمژمێر سێ، تاریێ هەمی ئەرد گرت،
عیسا ل بەرامبەری پیلاتۆسی 
1
پاشی هەمی جڤات رابوو و عیسا برە نك پیلاتۆسی
2
و دەست پێ كر سكالا ل وی كرن و گۆتن: «مە دیت ئەڤە یێ مللەتێ مە د سەردا دبەت و ناهێلیت باج بۆ قەیسەری بهێتە دان و دبێژیت كو ئەو مەسیحە، ئانكو پاشایە.»
3
ئینا پیلاتۆسی پرسیار ژێ كر: «ئەرێ تۆ پاشایێ جوهیانی؟» عیسای بەرسڤا وی دا: «تە ب خۆ گۆت.»
4
ئینا پیلاتۆسی گۆتە سەرۆكێن كاهنان و جەماوەری: «ئەز چ تاوانەكێ ل نك ڤی مرۆڤی نابینم.»
5
لێ ئەو ل سەر ئاخفتنا خۆ رژد بوون و گۆتن: «ئەو ب فێركرنا خۆ ل هەمی یەهودیایێ، هەر ژ جەلیل و تا ڤێرێ، مللەتی دئازرینیت.»
عیسا ل بەرامبەری هێرودێسی 
6
دەمێ پیلاتۆسی ئەڤە گوهـ لێ بووی، پرسیاركر: «ئەرێ ئەڤ زەڵامە جەلیلییە؟»
7
دەمێ زانی عیسا ل ژێر دەستهەلاتا هێرودێسییە، هنارتە نك هێرودێسی، كو ئەو ژی د وان رۆژان دا ل ئورشەلیمێ بوو.
8
دەمێ هێرودێسی عیسا دیتی، گەلەك كەیفخۆش بوو. ئەو دەمەكێ درێژ بوو دڤیا ببینیت، چنكو وی گەلەك تشت دەربارەی عیسای گوهـ لێ ببوون و هزرەتا وی بوو نیشانەكێ ل سەر دەستێ وی ببینیت.
9
هێرودێسی گەلەك پرسیار ل بەر وی دانان، لێ عیسای چ بەرسڤ نەدان.
10
ئەڤجا سەرۆكێن كاهنان و مامۆستایێن دەستووری هاتنە پێش و ئەو ب توندی تاوانبار كر.
11
پاشی هێرودێسی ل گەل سەربازێن خۆ سڤكاتی و تڕانە پێ كرن و كراسەكێ جوان كرە بەر و ڤەگەڕاندە نك پیلاتۆسی.
12
ل وێ رۆژێ پیلاتۆس و هێرودێس بوونە هەڤالێن ئێك، چنكو ژ بەری هنگی دوژمناتی د ناڤبەرا وان دا هەبوو.
دادكرنا عیسای ب مرنێ 
13
پیلاتۆسی داخوازا سەرۆكێن كاهنان و رێبەرێن مللەتی و خەلكی كر
14
و گۆتە وان: «هەوە ئەڤ مرۆڤە ئینایە نك من وەكو كەسەكێ مللەتی د سەردا دبەت. ئەڤە من بەرامبەری هەوە لێپرسین كر و من هیچ تاوانەك ل نك ڤی مرۆڤی نەدیت ژ وان تاوانێن هوین سكالایێ لێ دكەن.
15
هێرودێسی ژی چ ژێ نەدیتیە، لەوما ڤەگەڕاندە نك مە. ئەڤی چ تشتێ وەسا نەكریە كو هەژی مرنێ بیت.
16
ئەڤجا ئەز دێ وی قامچی دەم و بەردەم.»
17
ل سەر وی یا فەربوو، ل هەر جەژنەكێ ئێكی بۆ وان بەردەت.
18
لێ هەمیان پێكڤە كرە گازی: «ئەڤی ببە و بۆ مە باراباسی بەردە.»
19
باراباس ژ ئەگەرێ تێكدانا د باژێڕی دا چێبووی و كوشتنێ هاتبوو زیندان كرن.
20
جارەكا دی پیلاتۆس بۆ وان ئاخفت، چنكو دڤیا عیسای بەردەت.
21
ئەوان پێكڤە كرە گازی: «ل خاچێ بدە! ل خاچێ بدە!»
22
ئینا جارا سێیێ گۆتە وان: «ما ئەڤی چ خرابی كریە؟ من چ تاوان ل نك وی نەدیتن كو سزایێ وی مرن بیت، ئەڤجا ئەز دێ وی قامچی دەم و بەردەم.»
23
لێ ئەو ل سەر ركا خۆ مان و ب دەنگەكێ بلند كرە گازی و داخواز كر بهێتە خاچدان و دەنگێ وان ب سەر دەنگێ وی كەفت.
24
ئینا پیلاتۆسی بڕیار دا داخوازا وان ب جهـ بهێت.
25
ئەڤجا ئەو بەردا یێ ژ ئەگەرێ تێكدانێ و كوشتنێ هاتیە گرتن، ئەوێ وان داخواز كری. عیسا ژی رادەستی حەزا وان كر.
خاچدانا عیسای 
26
دەمێ وان عیسا دبر، وان زەڵامەكێ قەیرەوانی گرت، ژ ئاقاری دهات، ناڤێ وی شەمعون بوو، خاچ دانا سەر ملێن وی داكو ل دویڤ عیسای ببەت.
27
جەماوەرەكێ مەزن ژ خەلكی ب دویڤ كەفتبوون و د ناڤ وان دا ژن ژی هەبوون سینگێ خۆ ڤەدقوتا و بۆ دگریان.
28
ئینا عیسا ل وان زڤڕی و گۆت: «كچێن ئورشەلیمێ، بۆ من نەگریێن، بەلكو هوین بۆ خۆ و بۆ زاڕۆكێن خۆ بگریێن.
29
چنكو ئەڤە هندەك رۆژ دێ هێن، مرۆڤ دێ بێژن: ‹خوزیكێن ژنێن خرش و زكێن زاڕۆك نەبووین و ئەو مەمكێن شیر نەداین.›
30
هنگی دێ مرۆڤ دەست پێ كەن و بێژنە چیایان ‹ب سەر مە دا وەرن،› و بێژنە گركان ‹مە بنخێڤن.› [a]
31
چنكو ئەگەر ڤێ ب سەرێ دارا تەڕ بینن، پا دێ رەوشا یا هشك چ بیت؟»
32
دوو یێن دی یێن گونەهبار ژی برن دا د گەل وی دا بهێنە كوشتن.
33
دەمێ گەهشتینە وی جهێ دبێژنێ كلۆخ، ئەو ل وێرێ ل گەل گونەهباران خاچ دا، ئێك ل لایێ وی یێ راستێ و یێ دی ل لایێ وی یێ چەپێ.
34
ئینا عیسای گۆت: «بابۆ، ل وان ببورە، چنكو ئەو نزانن چ دكەن.» پاشی ب هاڤێتنا پشكێ جلكێن وی ل سەر خۆ لێكڤەكرن.[b]
35
خەلك ل وێرێ یێ راوەستیای بوو بەرێ خۆ ددایێ. سەرۆكان ژی تڕانە پێ دكرن و دگۆتن: «هندەكێن دی قورتال كرن، ئەڤجا بلا خۆ قورتال بكەت، ئەگەر ئەوە مەسیح، هەلبژارتیێ خودێ!»
36
سەربازان ژی تڕانە پێ كرن و خۆ نێزیكی وی كر و سهك بۆ پێشكێش كر
37
و گۆتن: «ئەگەر تۆ پاشایێ جوهیانی، خۆ قورتال بكە!»
38
دەپەك ژی ل هنداڤ سەرێ وی یێ هەلاویستی بوو و ئەڤ چەندە ل سەر نڤیسی بوو: «ئەڤە پاشایێ جوهیانە.»
39
ئێك ژ وان گونەهبارێن هەلاویستی جڤین ددانێ و دگۆت: «ما تۆ مەسیح نینی؟ دێ خۆ و مە قورتال بكە.»
40
لێ یێ دی ئەو پاشڤە بر و گۆتێ: «ما تۆ ژ خودێ ناترسی، نێ تۆ ژی یێ ل ژێر هەمان سزای؟
41
سزایێ مە یێ دادپەروەرانەیە، چنكو ئەم یێ سزایێ كریارێن خۆ وەردگرین، لێ ڤی مرۆڤی چ خرابی نەكریە.»
42
پاشی گۆت: «عیسا، من بینە بیرا خۆ دەمێ تۆ بهێیە د پاشایەتیا خۆ دا.»
43
عیسای گۆتێ: «راستیێ دبێژمە تە، تۆ دێ ئەڤرۆ د گەل من دا ل بەهەشتێ بی.»
45
چنكو چاڤێ رۆژێ تاری بوو. پەردەیا پەرستگەهێ ژی د نیڤێ را شەق بوو و بوو دوو پارچە.
46
عیسای ب دەنگەكێ بلند كرە گازی و گۆت: «بابۆ، ئەز گیانێ خۆ ددەمە دەستێن تە.»[c] پشتی ئەڤە گۆتی، گیانێ خۆ ژ دەست دا.
47
دەمێ سەرلەشكەری ئەڤ تشتێ چێبووی دیتی، پەسنا[d] خودێ كر و گۆت: «ب راستی، ئەڤ مرۆڤە یێ راستدار بوو.»
48
هەمی ئەوێن بۆ دیتنا ڤی دیمەنی خڕڤەبووین، دەمێ ئەو تشتێن چێبووین دیتین، ڤەگەڕیان و ل سینگێ خۆ ددا.
49
لێ هەمی نیاسێن وی و ئەو ژنێن ژ جەلیلێ ل دویڤ هاتین، ژ دویر ڤە راوەستیابوون و بەرێ خۆ ددانە وی سەروبەری.
ڤەشارتنا عیسای 
50
زەڵامەك ب ناڤێ یوسڤ هەبوو، ئەندامەكێ جڤاتا ریهسپیێن مللەتی و مرۆڤەكێ باش و یێ راستدار بوو.
51
ئەو ل گەل بڕیارا جڤاتێ و كریارا وان نەبوو. ئەو ژ باژێڕێ ئاریمەتیایێ[e] بوو، كو ئەو ژی ئێك ژ باژێڕێن جوهیانە. ئەوی ژی چاڤەڕێیا پاشایەتیا خودێ دكر.
52
ئەڤ مرۆڤە چوو نك پیلاتۆسی و داخوازا تەرمێ عیسای ژێ كر.
53
پاشی ژ خاچێ ئینا خوارێ و ب كتانی كفن كر و دانا د گۆڕەكێ[f] د كەڤری كۆلای دا، بەری هنگی كەسەك تێدا نەهاتبوو ڤەشارتن.
54
ئەو رۆژا ئامادەكرنێ[g] بوو و شەمبیێ دەست پێ دكر[h] .
55
ئەو ژنێن ژ جەلیلێ ل گەل عیسای هاتین، ب دویڤ یوسڤی كەفتن و گۆڕ دیت كا تەرمێ وی چەوا دانایە.
56
پاشی ڤەگەڕیانەڤە و دەرمانك و موڕ[i] ئامادە كرن و ل شەمبیێ، ل دویڤ فەرمانا دەستووری، بێهنا خۆ ڤەدان.
  1. a. 23‏:30 هۆشێیەع 10‏:8
  2. b. 23‏:34 زەبوور 22‏:18
  3. c. 23‏:46 زەبوور 31‏:5
  4. d. 23‏:47 q پەسن مەدح و سەنا
  5. e. 23‏:51 ئاریمەتیا ناڤێ كەڤنە یێ باژێڕێ ‹رامە›
  6. f. 23‏:53 ل فەرهەنگۆكێ بنێڕە.
  7. g. 23‏:54 خۆ ئامادەكرن بۆ رۆژا شەمبیێ. ل فەرهەنگۆكێ بنێڕە \k رۆژا ئامادەكرنێ\k*
  8. h. 23‏:54 ل نك جوهیان، رۆژ ژ ئاڤابوونا رۆژێ تا ئاڤابوونا رۆژا پاشتر دهاتە هژمارتن.
  9. i. 23‏:56 q موڕ روینەكێ بێهنخۆشە. ل فەرهەنگۆكێ بنێڕە.