عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- مرنا عیسای
- 44 دەمژمێر نێزیكی دوازدەی نیڤرۆ بوو، ژ وی دەمی تا دەمژمێر سێ، تاریاتیێ هەمی ئەرد گرت،
- عیسا ل بەرامبەری پیلاتۆسی
- 1
- پاشی هەمی جڤات رابوو و عیسا برە نك پیلاتۆسی
- 2
- و دەست پێ كر سكالا ل وی كرن و گۆتن: «مە دیت ئەڤە یێ مللەتێ مە د سەردا دبەت و ناهێلیت باج بۆ قەیسەری بهێتە دان و دبێژیت كو ئەو مەسیحە، ئانكو پاشایە.»
- 3
- ئینا پیلاتۆسی پرسیار ژێ كر: «ئەرێ تۆ پاشایێ جوهیانی؟» عیسای بەرسڤا وی دا: «تە ب خۆ گۆت.»
- 4
- ئینا پیلاتۆسی گۆتە سەرۆكێن كاهنان و جەماوەری: «ئەز چ تاوانەكێ ل نك ڤی مرۆڤی نابینم.»
- 5
- لێ ئەو ل سەر ئاخفتنا خۆ رژد بوون و گۆتن: «ئەو ب فێركرنا خۆ ل هەمی یەهودیایێ، هەر ژ جەلیل و تا ڤێرێ، مللەتی دئازرینیت.»
- عیسا ل بەرامبەری هێرودێسی
- 6
- دەمێ پیلاتۆسی ئەڤە گوهـ لێ بووی، پرسیاركر: «ئەرێ ئەڤ زەڵامە جەلیلییە؟»
- 7
- دەمێ زانی عیسا ل ژێر دەستهەلاتا هێرودێسییە، هنارتە نك هێرودێسی، كو ئەو ژی د وان رۆژان دا ل ئورشەلیمێ بوو.
- 8
- دەمێ هێرودێسی عیسا دیتی، گەلەك كەیفخۆش بوو. ئەو دەمەكێ درێژ بوو دڤیا ببینیت، چنكو وی گەلەك تشت دەربارەی عیسای گوهـ لێ ببوون و هزرەتا وی بوو نیشانەكێ ل سەر دەستێ وی ببینیت.
- 9
- هێرودێسی گەلەك پرسیار ل بەر وی دانان، لێ عیسای چ بەرسڤ نەدان.
- 10
- ئەڤجا سەرۆكێن كاهنان و مامۆستایێن دەستووری هاتنە پێش و ئەو ب توندی تاوانبار كر.
- 11
- پاشی هێرودێسی ل گەل سەربازێن خۆ سڤكاتی و تڕانە پێ كرن و كراسەكێ جوان كرە بەر و ڤەگەڕاندە نك پیلاتۆسی.
- 12
- ل وێ رۆژێ پیلاتۆس و هێرودێس بوونە هەڤالێن ئێك، چنكو ژ بەری هنگی دوژمناتی د ناڤبەرا وان دا هەبوو.
- دادكرنا عیسای ب مرنێ
- 13
- پیلاتۆسی سەرۆكێن كاهنان و رێبەرێن مللەتی و خەلك داخواز كرن
- 14
- و گۆتە وان: «هەوە ئەڤ مرۆڤە ئینایە نك من وەكو كەسەكێ مللەتی د سەردا دبەت. ئەڤە من بەرامبەری هەوە لێپرسین كر و من هیچ تاوانەك ل نك ڤی مرۆڤی نەدیت ژ وان تاوانێن هوین سكالایێ لێ دكەن.
- 15
- هێرودێسی ژی چ ژێ نەدیتیە، لەوما ڤەگەڕاندە نك مە. ئەڤی چ تشتێ وەسا نەكریە كو هەژی مرنێ بیت.
- 16
- ئەڤجا ئەز دێ وی قامچی دەم و بەردەم.»
- 17
- ل سەر وی یا فەربوو، ل هەر جەژنەكێ ئێكی بۆ وان بەردەت.
- 18
- لێ هەمیان پێكڤە كرە گازی: «ئەڤی ببە و بۆ مە باراباسی بەردە.»
- 19
- باراباس ژ ئەگەرێ تێكدانا د باژێڕی دا چێبووی و كوشتنێ هاتبوو زیندان كرن.
- 20
- جارەكا دی پیلاتۆس بۆ وان ئاخفت، چنكو دڤیا عیسای بەردەت.
- 21
- ئەوان پێكڤە كرە گازی: «ل خاچێ بدە! ل خاچێ بدە!»
- 22
- ئینا جارا سێیێ گۆتە وان: «ما ئەڤی چ خرابی كریە؟ من چ تاوان ل نك وی نەدیتن كو سزایێ وی مرن بیت، ئەڤجا ئەز دێ وی قامچی دەم و بەردەم.»
- 23
- لێ ئەو ل سەر ركا خۆ مان و ب دەنگەكێ بلند كرە گازی و داخواز كر بهێتە خاچدان و دەنگێ وان ب سەر دەنگێ وی كەفت.
- 24
- ئینا پیلاتۆسی بڕیار دا داخوازا وان ب جهـ بهێت.
- 25
- ئەڤجا ئەو بەردا یێ ژ ئەگەرێ تێكدانێ و كوشتنێ هاتیە گرتن، ئەوێ وان داخواز كری. عیسا ژی رادەستی حەزا وان كر.
- خاچدانا عیسای
- 26
- دەمێ وان عیسا دبر، وان زەڵامەكێ قەیرەوانی گرت، ژ ئاقاری دهات، ناڤێ وی شەمعون بوو، خاچ دانا سەر ملێن وی داكو ل دویڤ عیسای ببەت.
- 27
- جەماوەرەكێ مەزن ژ خەلكی ب دویڤ كەفتبوون و د ناڤ وان دا ژنك ژی هەبوون سینگێ خۆ ڤەدقوتا و بۆ دگریان.
- 28
- ئینا عیسا ل وان زڤڕی و گۆت: «كچێن ئورشەلیمێ، بۆ من نەگریێن، لێ هوین بۆ خۆ و بۆ زاڕۆكێن خۆ بگریێن.
- 29
- چنكو ئەڤە هندەك رۆژ دێ هێن، مرۆڤ دێ بێژن: ‹خوزیكێن ژنێن خرش و زكێن زاڕۆك نەبووین و سنگێن شیر نەدای.›
- 30
- هنگی دێ مرۆڤ دەست پێ كەن و بێژنە چیایان ‹ب سەر مە دا وەرن› و بێژنە گركان ‹مە بنخێڤن.›[a]
- 31
- چنكو ئەگەر ڤێ ب سەرێ دارا تەڕ بینن، پا دێ رەوشا یا هشك چ بیت؟»
- 32
- دوو كەسێن دی یێن گونەهبار ژی برن دا د گەل وی دا بهێنە كوشتن.
- 33
- دەمێ گەهشتینە وی جهێ دبێژنێ كلۆخ، ئەو ل وێرێ ل گەل گونەهباران خاچ دا، ئێك ل لایێ وی یێ راستێ و یێ دی ل لایێ وی یێ چەپێ.
- 34
- ئینا عیسای گۆت: «بابۆ، ل وان ببورە، چنكو ئەو نزانن چ دكەن.» پاشی ب هاڤێتنا پشكێ جلكێن وی ل سەر خۆ لێكڤەكرن.[b]
- 35
- خەلك ل وێرێ یێ راوەستیای بوو بەرێ خۆ ددایێ. سەرۆكان ژی تڕانە پێ دكرن و دگۆتن: «وی هندەكێن دی قورتال كرن، ئەڤجا ئەگەر ئەوە مەسیح، هەلبژارتیێ خودێ، بلا خۆ قورتال بكەت!»
- 36
- سەربازان ژی تڕانە پێ كرن و خۆ نێزیكی وی كر و سهك[c] بۆ پێشكێش كر
- 37
- و گۆتن: «ئەگەر تۆ پاشایێ جوهیانی، خۆ قورتال بكە!»
- 38
- دەپەك ژی ل هنداڤ سەرێ وی یێ هەلاویستی بوو و ئەڤ چەندە ل سەر نڤیسی بوو: «ئەڤە پاشایێ جوهیانە.»
- 39
- ئێك ژ وان گونەهبارێن هەلاویستی جڤین ددانێ و دگۆت: «ما تۆ مەسیح نینی؟ دێ خۆ و مە قورتال بكە.»
- 40
- لێ یێ دی ئەو پاشڤە بر و گۆتێ: «ما تۆ ژ خودێ ناترسی، نێ تۆ ژی یێ ل ژێر هەمان سزای؟
- 41
- سزایێ مە یێ دادپەروەرانەیە، چنكو ئەم یێ سزایێ كریارێن خۆ وەردگرین، لێ ڤی مرۆڤی چ خرابی نەكریە.»
- 42
- پاشی گۆت: «عیسا، من بینە بیرا خۆ دەمێ تۆ بهێیە د پاشایەتیا خۆ دا.»
- 43
- عیسای گۆتێ: «راستیێ دبێژمە تە، تۆ دێ ئەڤرۆ د گەل من دا ل بەهەشتێ بی.»
- 45
- چنكو چاڤێ رۆژێ تاری بوو. پەردەیا پەرستگەهێ ژی د نیڤێ را شەق بوو و بوو دوو پارچە.
- 46
- عیسای ب دەنگەكێ بلند كرە گازی و گۆت: «بابۆ، ئەز گیانێ خۆ ددەمە دەستێن تە.»[d] پشتی ئەڤە گۆتی، گیانێ خۆ ژ دەست دا.
- 47
- دەمێ سەرلەشكەری ئەڤ تشتێ چێبووی دیتی، پەسنا[e] خودێ كر و گۆت: «ب راستی، ئەڤ مرۆڤە یێ راستدار بوو.»
- 48
- هەمی ئەوێن بۆ دیتنا ڤی دیمەنی خڕڤەبووین، دەمێ ئەو تشتێن چێبووین دیتین، ڤەگەڕیان و ل سینگێ خۆ ددا.
- 49
- لێ هەمی نیاسێن وی و ئەو ژنكێن ژ جەلیلێ ل دویڤ هاتین، ژ دویر ڤە راوەستیابوون و بەرێ خۆ ددانە وی سەروبەری.
- ڤەشارتنا عیسای
- 50
- زەڵامەك ب ناڤێ یوسڤ هەبوو، ئەندامەكێ جڤاتا ریهسپیێن مللەتی و مرۆڤەكێ باش و یێ راستدار بوو.
- 51
- ئەو ل گەل بڕیارا جڤاتێ و كریارا وان نەبوو. ئەو ژ باژێڕێ ئاریمەتیایێ[f] بوو، كو ئەو ژی ئێك ژ باژێڕێن جوهیانە. ئەوی ژی چاڤەڕێیا پاشایەتیا خودێ دكر.
- 52
- ئەڤ مرۆڤە چوو نك پیلاتۆسی و داخوازا تەرمێ عیسای ژێ كر.
- 53
- پاشی ژ خاچێ ئینا خوارێ و ب كتانی كفن كر و دانا د گۆڕەكێ[g] د كەڤری كۆلای دا، بەری هنگی كەسەك تێدا نەهاتبوو ڤەشارتن.
- 54
- ئەو رۆژا ئامادەكرنێ[h] بوو و شەمبیێ دەست پێ دكر[i] .
- 55
- ئەو ژنكێن ژ جەلیلێ ل گەل عیسای هاتین، ب دویڤ یوسڤی كەفتن و گۆڕ دیت كا تەرمێ وی چەوا دانایە.
- 56
- پاشی ڤەگەڕیانەڤە و دەرمانك و موڕ[j] ئامادە كرن و ل شەمبیێ، ل دویڤ فەرمانا دەستووری، بێهنا خۆ ڤەدان.
- a. 23:30 هۆشێیەع 10:8
- b. 23:34 زەبوور 22:18
- c. 23:36
q سهك: ب عەرەبی ‹خەل› - d. 23:46 زەبوور 31:5
- e. 23:47
q پەسن: مەدح و سەنا - f. 23:51
q ئاریمەتیا: ناڤێ كەڤنێ باژێڕێ ‹رامە›یە. - g. 23:53 ل فەرهەنگۆكێ بنێڕە گۆڕ*.
- h. 23:54 خۆ ئامادەكرن بۆ رۆژا شەمبیێ. ل فەرهەنگۆكێ بنێڕە رۆژا ئامادەكرنێ*.
- i. 23:54 ل نك جوهیان، رۆژ ژ ئاڤابوونا رۆژێ تا ئاڤابوونا رۆژا پاشتر دهاتە هژمارتن.
- j. 23:56
q موڕ: روینەكێ بێهنخۆشە. ل فەرهەنگۆكێ بنێڕە.
