عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
ل خۆ بزڤڕن دا ژ ناڤ نەچن 
1
وێ گاڤێ هندەك ل وێرێ بوون بۆ عیسای بەحسێ وان جەلیلیان دكر، ئەوێن پیلاتۆسی خوینا وان ل گەل خوینا قوربانێن وان تێكهەلكری.
2
عیسای بەرسڤا وان دا و گۆت: «ئەرێ هوین هزر دكەن، كو گونەهێن وان جەلیلیان ژ جەلیلیێن دی پتر بوون، لەوما ئەڤە ب سەرێ وان هات؟
3
ئەز دبێژمە هەوە: نەخێر، لێ ئەگەر هوین ل خۆ نەزڤڕن، هوین هەمی ژی دێ وەسا ژ ناڤ چن.
4
یان ژی ئەو هەژدە كەسێن ل سیلوامێ بورج ب سەردا هەڕفتی و كوشتین، ما هوین هزر دكەن ئەو ژ هەمی ئاكنجیێن ئورشەلیمێ گونەهبارتر بوون؟
5
ئەز دبێژمە هەوە: نەخێر، لێ ئەگەر هوین هەمی ل خۆ نەزڤڕن، هوین ژی دێ وەسا ژ ناڤ چن.»
نموونەیا دارهژیرێ 
6
پاشی ئەڤ نموونەیە بۆ ئینا: «مرۆڤەكی دارهژیرەك ل ناڤ رەزێ خۆ چاندبوو. هات دا بەرهەمێ وێ ببینیت، لێ چ پێڤە نەدیت.
7
گۆتە رەزڤانی: ‹ئەڤە سێ ساڵە ئەز دهێمە ڤێرێ دا بەرهەمێ ڤێ هژیرێ ببینم، لێ ئەز چ بەرهەمێ وێ نابینم. ئەڤجا ببڕە! ما دێ بۆچی ئەردێ مە گریت؟›
8
لێ رەزڤانی بەرسڤا وی دا و گۆت: ‹ئەزبەنی، ئەڤ ساڵە ژی بهێلە، تاكو ئەز ئاخا دەوروبەرێن وێ بكۆلم و زبلی بهاڤێژمێ.
9
بەلكو ساڵا بهێت بەرهەمی بدەت. ئەگەر نە، پاشی ببڕە.›»
ساخكرنا ژنەكا پشت كۆڤل ل شەمبیێ 
10
د رۆژەكا شەمبی دا، عیسای ل كنیشتەیەكێ فێركرن دكر.
11
ل وێرێ ژنەك هەبوو ئەو هەژدە ساڵ بوو ژ بەر گیانەكێ نەخۆشیێ[a] ، پشتكۆڤل ببوو و نەدشیا خۆ راست كەت.
12
دەمێ عیسای دیتی، گازی كرێ و گۆتێ: «خانم، تۆ ژ نەخۆشیا خۆ ئازاد بووی.»
13
دەستێن خۆ دانانە سەر پشتا وێ، هەر د جهـ دا راست بوو و وێ پەسنا[b] خودێ كر،
14
لێ سەرۆكێ كنیشتەیێ گەلەك تۆڕە بوو، چنكو عیسای ئەو ژن ل رۆژا شەمبیێ ساخكر، ئینا گۆتە كۆمبوویان: «شەش رۆژ هەنە پێدڤیە مرۆڤ تێدا كار بكەت، د ڤان رۆژان دا وەرن بۆ ساخكرنێ، نەكو ل رۆژا شەمبیێ.»
15
خودانی بەرسڤا وی دا و گۆت: گەلی دووڕویان، ئەرێ ما هەر ئێك ژ هەوە رۆژا شەمبیێ هەفسارێ گای یان كەرێ خۆ ڤەناكەت و ژ گۆڤێ دەربئێخیت و ئاڤ بدەت؟
16
لێ ئەڤا هەنێ كچەكا ئیبراهیمیە و ئەڤە هەژدە ساڵ بوو ئبلیسی ئەو گرێ دابوو، ئەرێ ما یا پێدڤی نەبوو ل رۆژا شەمبیێ ژ وێ گرێدانێ بهێتە ڤەكرن؟
17
دەمێ ئەڤ ئاخفتنە گۆتیێ، هەمی هەڤڕكێن وی شەرمزار بوون. لێ هەمی كۆمبوویێن دی ژ بەر كارێن گراڤی یێن وی دكرن، كەیفخۆش بوون.
نموونەیا دندكا خەردەلێ و یا هەڤیرترشی 
18
ئەڤجا عیسای گۆت: «پاشایەتیا خودێ وەكو چیە؟ ب چ هەڤبەر بكەم؟
19
ئەو وەكو دندكەكا خەردەلێیە[c] ، مرۆڤەكی بر و هاڤێتە باغچەیێ خۆ و شین بوو و بوو دار و باڵندەیێن ئەسمانی ل سەر چەقێن وێ چوونە لیسی.»
20
دیسان گۆت: «ئەز پاشایەتیا خودێ ب چ هەڤبەر بكەم؟
21
ئەو وەكو هەڤیرترشییە، كو ژنەكێ ئینای و كریە د ناڤ سێ لەگەنێن[d] ئاری دا، هەتا هەمی ترش بووی.»
دەرگەهێ تەنگ 
22
عیسا د گوند و باژێڕان دا دەرباز دبوو و فێركرن دكر و بەرەڤ ئورشەلیمێ دچوو.
23
ئێكی گۆتێ: «خودان، ئەرێ ئەوێن قورتال دبن دكێمن؟» ئینا عیسای گۆتە وان:
24
«خەباتێ بكەن دا د دەرگەهێ تەنگ را بچنە ژۆر. ئەز دبێژمە هەوە: گەلەك دێ بزاڤێ كەن بچنە ژۆر، لێ ئەو نەشێن.
25
پشتی خودانێ مالێ رادبیت و دەرگەهی دگریت، هوین دێ ژ دەرڤە راوەستیای مینن و دەرگەهی قوتن و بێژن: ‹خودان، دەرگەهی ل مە ڤەكە،› دێ بەرسڤا هەوە دەت و بێژیت: ‹ئەز نزانم هوین ژ كینە.›
26
وێ گاڤێ هوین دێ بێژن: ‹ئەم ئەوین یێن ل گەل تە خواری و ڤەخواری و تە ل كۆلانێن مە فێركرن كری.›
27
دێ بێژیتە هەوە: ‹ئەز نزانم هوین ژ كینە. هوین هەمی ئەوێن خرابیێ دكەن، ژ من دویر كەڤن.›
28
ل وێرێ گری و گڤاشتنا ددانانە[e] ، دەمێ هوین ئیبراهیم، ئیسحاق، یەعقوب و هەمی پێغەمبەران د پاشایەتیا خودێ دا ببینن و هوین بۆ ژ دەرڤە یێن هاتینە دەرئێخستن.
29
مرۆڤ دێ ژ رۆژهەلات و رۆژئاڤا و ژ باكوور و باشووری هێن و دێ د پاشایەتیا خودێ دا ل سەر سفرێ روینن.
30
باوەر بكە، هندەكێن پاشیێ دێ بنە یێن پێشیێ و هندەكێن پێشیێ دێ بنە یێن پاشیێ.»
ڤەلووراندنا عیسای ل سەر ئورشەلیمێ 
31
د وی دەمی دا هندەك فەریسی هاتنە نك عیسای و گۆتنێ: «ڤێرێ ب جهـ بهێلە و هەڕە، چنكو هێرودێسی دڤێت تە بكوژیت.»
32
ئینا گۆتە وان: «هەڕن و بێژنە وی رویڤی: ‹ئەڤە ئەز ئەڤرۆ و سوبەهی ئەجنەیان دەردئێخم و نەساخان ساخ دكەم و ل رۆژا سێیێ دێ گەهمە مەرەما خۆ.›
33
لێ پێدڤیە ئەڤرۆ و سوبەهی و دووسبە ل سەر رێیا خۆ یێ بەردەوام بم، چنكو نابیت پێغەمبەرەك ژ دەرڤەی ئورشەلیمێ بهێتە كوشتن.
34
ئورشەلیم، ئورشەلیم، هەی كوژەكا پێغەمبەران و بەربارانكەرا ئەوێن بۆ تە هاتینە هنارتن. چەند جاران من حەز دكر زاڕۆكێن تە خڕڤە بكەم، كا چەوا مریشك چیچەلوكێن خۆ د بن چەنگێن خۆ ڤە خڕڤە دكەت، لێ هەوە نەڤیا.
35
ئەڤە مالا هەوە ما ب هیڤیا هەوە ڤە. ئەز دبێژمە هەوە: ئێدی هوین من نابینن، تاكو ئەو دەم بهێت یێ هوین بێژن: ‹ئەوێ ب ناڤێ خودانی دهێت یێ بەرەكەتدارە.›[f] »
  1. a. 13‏:11 جۆرەكێ گیانێن پیسە
  2. b. 13‏:13 q پەسن مەدح و سەنا
  3. c. 13‏:19 جۆرەكێ شینكاتیە، ژیێ وێ ساڵەكە، د وێ ساڵێ دا بلنداهیا وێ دگەهیتە 3 مەتران.
  4. d. 13‏:21 هەر لەگەنەك نێزیكی هەشت كیلۆگرامێن ئاری بوو.
  5. e. 13‏:28 گڤاشتنا ددانان نیشانە كو ژانا وان كەسان گەلەك یا مەزنە
  6. f. 13‏:35 زەبوور 118‏:26