عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
هەلبژارتنا حەفت كەسان بۆ هاریكاریا هنارتیان 
1
ل وان رۆژان، دەمێ شاگرد مشە دبوون، جوهیێن یونانی[a] نەرازیبوونا خۆ ل سەر عیبرانیان دیار كر، چنكو بیژنێن وان د هاریكاریێن رۆژانە دا دهاتنە پشت گوهـ ئێخستن.
2
ئینا هەر دوازدە هنارتیان گازی كۆما شاگردان كر و گۆتنێ: «یا باش نینە، ئەم پەیڤا خودێ بهێلین داكو هاریكاریان بەڵاڤ بكەین.
3
ئەڤجا گەلی برا، د ناڤ خۆ دا حەفت زەڵامان هەلبژێرن كو ناڤودەنگێن وان یێ باش بیت و دپڕ بن ژ گیانێ پیرۆز و ئاقلمەندیێ، دا وان دانینە سەر ڤی كاری.
4
لێ ئەم دێ ل سەر نڤێژان و خزمەتا پەیڤێ د بەردەوام بین.»
5
ئەڤ پێشنیارە ب دلێ هەمی جەماوەری بوو، وان ژی: ستیڤانۆس، زەڵامەكێ پڕی باوەریێ و گیانێ پیرۆز، هەروەسا فیلیپوس، پروخورس، نیكانور، تیمون، پەرمیناس و نیقولاوسێ ئەنتاكیایی ئەوێ بوویە جوهی هەلبژارتن.
6
جەماوەری ئەڤ هەر حەفتە ل بەرامبەر هنارتیان راوەستاندن، هنارتیان ژی نڤێژ كرن و دەستێن خۆ دانانە سەر وان.
7
ئینا پەیڤا خودێ پتر بەڵاڤ دبوو و ژمارەیا شاگردان ل ئورشەلیمێ گەلەك زێدە دبوو، هەروەسا گەلەك ژ كاهنان ملكەچی باوەریێ بوون.
گرتنا ستیڤانۆسی 
8
ستیڤانۆسێ پڕ ژ كەرەم و هێزێ، مەندەهۆشی و نیشانێن مەزن ل ناڤ مللەتی دكرن،
9
لێ هندەك جوهیێن «كنیشتەیا ئازادكریان» ژ قەیرەوانێ و ئەسكەندەریێ، ل گەل هندەكێن دی ژ هەرێمێن كیلیكیا و ئاسیا رابوون و گەنگەشە ل گەل ستیڤانۆسی كر.
10
لێ ئەو نەشیان ل بەر ئاقلمەندیا وی و ئەو گیانێ پێ دئاخفت راوەستن.
11
ئەڤجا وان هندەك زەڵام بەرتیل كرن دا بێژن: «مە گوهـ ل ستیڤانۆسی بوو دەربارەی مووسای و خودێ كوفری دكرن.»
12
هۆسا وان مللەت، ریهسپی و مامۆستایێن دەستووری ل ستیڤانۆسی ئاراندن. ئەڤجا گرت و ئینا جڤاتێ
13
و هندەك شاهدێن درەوین ئینان و گۆتن: «ئەڤە بەردەوام ئاخفتنا دژی پەرستگەهێ و دەستوورێ مووسای دبێژیت،
14
چنكو مە گوهـ لێ بوو یێ دبێژیت، كو عیسایێ ناسیرەیی دێ ڤێ پەرستگەهێ هەڕفینیت و ئەو داب و نەریتێن مە ژ مووسای وەرگرتین دێ گوهۆڕیت.»
15
دەمێ ئەوێن ل جڤاتێ روینشتی بەرێ خۆ دایە دێمێ وی، دیتن هەروەكو دێمێ فریشتەیە.
  1. a. 6‏:1 q جوهیێن یونانی: ئەون یێن ژ دەرڤەی ئەردێ ئیسرائیلێ دژیان و ب زمانێ یونانی دئاخفتن.