عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
1
ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:
2
پەیڤێ رابگەهینە، ل دەمێ گونجای و نە گونجای یێ ئامادە بە. ل گەل فێركرنێ ب هەمی بێهنفرەهی پاشڤە ببە، لێ بحەیتینە و هاندانێ بكە.
3
چنكو دەمەك دێ هێت، خۆ ل بەر فێركرنا ساخلەم ناگرن، لێ ل دویڤ ئارەزوویێن خۆ دێ مامۆستایان ل دۆرێن خۆ كۆم كەن كو تشتێ خۆش بۆ گوهێ وان بێژن
4
و دێ ژ گوهدانا راستیێ لادەن و قەستا ئەفسانەیان كەن.
5
لێ تۆ د هەمی تشتان دا یێ هشیار بە، خۆ ل بەر ئازاران بگرە، ب كارێ مزگینیدەری راببە، خزمەتا خۆ تەمام بكە.
6
چنكو ئەڤە ئەز وەكو پێشكێشیەكێ رژاندنێ[a] دهێمە رشتن، دەمێ وەغەركرنا من یێ هاتی.
7
من خەباتا باش كر، بەریكانا خۆ تەمام كر، باوەریا خۆ پاراست.
8
ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.
راسپاردەیێن دویماهیێ 
9
بزاڤێ بكە ب لەز بهێیە نك من،
10
چنكو دیماسی ژ بەر حەزژێكرنا خۆ بۆ ڤێ جیهانێ ئەز هێلام و چوو سالونیكیێ. كرەسكیس ژی چوو گالاتیایێ و تیتۆس چوو دالمەتیایێ.
11
ب تنێ لوقا ل نك منە. هەڕە ب دویڤ مەرقۆسی را و ل گەل خۆ بینە، چنكو د ڤێ خزمەتێ دا ئەو ب كێر من دهێت.
12
من تیخیكۆس یێ هنارتیە ئەفەسۆسێ.
13
دەمێ تۆ دهێی، ئەو كوركێ من هێلایە ل ترویاسێ ل نك كارپۆسی، ل گەل خۆ بینە، پەرتووكان ژی و ب تایبەت یێن ل سەر كەڤلی هاتینە نڤیسین.
14
ئەسكەندەرێ سفرگر[b] گەلەك خرابی ل من كر. خودان دێ ل دویڤ كریارێن وی دەتێ.
15
تۆ ژی خۆ ژێ ب پارێزە، چنكو ب توندی بەرهنگاریا پەیاما مە كر.
16
د بەرگریكرنا خۆ یا ئێكێ دا ل بەرامبەر دادگەهێ، كەس نەهات پشتەڤانیا من بكەت، لێ هەمیان ئەز هێلام. خودێ ل سەر وان نەهژمێریت.
17
لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.
18
خودان دێ من ژ هەمی كریارێن خراب رزگار كەت و ب سلامەتی گەهینیتە پاشایەتیا خۆ یا ئەسمانی. هەتا هەتایێ مەزناهی بۆ وی بیت. ئامین.
سڵاڤێن دویماهیێ 
19
سڵاڤان ل پرسكیلایێ و ئەكیلای بكە و ل مالا ئۆنیسیفوروسی ژی.
20
ئەراستوس ما ل كورنتۆسێ و من تروفیموس ب نەساخی هێلا ل میلیتوسێ.
21
بزاڤێ بكە بەری زڤستانێ بهێی. ئەوبولوس، پودێس، لینوس، كلاودیا و هەمی خویشك و برا سڵاڤان ل تە دكەن.
22
خودان ل گەل گیانێ تە بیت. كەرەم ل سەر هەوە بیت.
  1. a. ‏4‏:6 ل فەرهەنگۆكێ بنێڕە \k پێشكێشیێ رژاندنێ\k*.
  2. b. ‏4‏:14 ئەوێ كارێ سفری دكەت