عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
بینین و پەیامێن پاولۆسی 
1
یا فەرە شانازیێ ب خۆ ببەم. هەر چەندە یا بێ مفایە، لێ ئەز دێ هێمە سەر بینین و پەیامێن خودانی بۆ من ئاشكرا كرین.
2
ئەز مرۆڤەكی دنیاسم، باوەردارە ب مەسیحی، بەری چواردە ساڵان ئەو تا ئەسمانێ سێیێ[a] هاتە رەڤاندن. ئایا ب لەش ڤە بوو یان ژ دەرڤەی لەشی بوو، ئەز نزانم، خودێ دزانیت.
3
‏-4 ئەز دزانم ئەڤ مرۆڤە بۆ بەهەشتێ هاتە رەڤاندن، ئایا ب لەش ڤە بوو یان ژ دەرڤەی لەشی بوو، ئەز نزانم، خودێ دزانیت. ئەوی تشتێن وەسا بهیستن كو مرۆڤ نەشێت دەربڕینێ ژێ بكەت و نابیت بەحس بكەت.
5
ئەز دێ شانازیێ ب ئێكێ هۆسا بەم، لێ ژ لاوازیا خۆ پێڤە، ئەز شانازیێ ب خۆ نابەم.
6
ئەگەر من بڤێت شانازیێ ببەم ژی، ئەز یێ بێئاقل نابم، چنكو ئەز راستیێ دبێژم. لێ ئەز خۆ ددەمە پاش دا كەس چ هزرێن باشتر بۆ من نەكەت، پتر ژ ئەو تشتێ وی ژ من دیتی یان ژ من بهیستی.
7
داكو ئەز ژ بەر مەزنیا تشتێن بۆ من هاتینە ئاشكراكرن دفنبلند نەبم، د لەشێ من دا ستریەك بۆ من هاتە دان[b] ، هنارتیەكێ ئبلیسیە من ئازار ددەت، دا دفنبلند نەبم.
8
بۆ ڤێ چەندێ ژی من سێ جاران هیڤی ژ خودانی كر كو ژ من دویر بئێخیت،
9
لێ وی گۆتە من: «كەرەما من تێرا تە هەیە. چنكو هێزا من د لاوازیێ دا كامل دبیت[c] .» ئەڤجا ب هەمی دلخۆشی ئەز دێ شانازیێ ب لاوازیێن خۆ بەم، دا هێزا مەسیحی د من دا ئاكنجی ببیت.
10
لەوما ئەز ب لاوازیان، كرێتكرنان، نەخۆشیان، تەپەسەركرنان و تەنگاڤیان ژ پێخەمەت مەسیحی كەیفخۆش دبم، چنكو دەمێ ئەز یێ لاواز، هنگی ئەز یێ ب هێزم.
خەما پاولۆسی ل سەر كورنتۆسیان 
11
من خۆ بێئاقل كر، لێ هەوە ئەز نەچار كرم. پێدڤی بوو ئەز ژ لایێ هەوە ڤە بهێمە پەسەندكرن، چنكو ئەز چ ژ ‹هنارتیێن زەبەلاح› كێمتر نینم، هەر چەندە ئەز چ نینم.
12
نیشانێن هنارتیەكێ راستەقینە، نیشان و مەندەهۆشی و حنێر ب هەمی خۆڕاگرتن د ناڤ هەوە دا هاتنە ئەنجامدان.
13
ما هوین چ ژ كەنیسەیێن دی كێمتر بوون، ژبلی كو من بارێ هەوە گران نەكر؟ ل سەر ڤێ شاشیێ ل من ببورن!
14
ئەڤە ئەز یێ ئامادەمە بۆ جارا سێیێ بهێمە نك هەوە و ئەز بارێ هەوە گران ناكەم. چنكو من مالێ هەوە نەڤێت، لێ من هوین دڤێن. نە یا فەرە زاڕۆك بۆ دایك و بابان مالی كۆم بكەن، لێ دایك و باب بۆ زاڕۆكان.
15
ئەز دێ ب هەمی دلخۆشی مالێ خۆ و گیانێ خۆ ژی بۆ هەوە مەزێخم. ئەگەر ئەز زێدەتر حەز ژ هەوە بكەم، ما هوین دێ كێمتر حەز ژ من كەن؟
16
ئەڤجا مگرتی ئەز بۆ هەوە بارگرانی نەبووم. لێ ئەز فێلبازم، من ب خاپاندنێ هوین یێن ب دەست خۆ ئێخستین![d]
17
ئایا ب رێكا ئەوێن من هنارتینە نك هەوە، من مالێ هەوە خواریە؟
18
من هیڤی ژ تیتۆسی كر و ئەو برا ل گەل هنارت. ما تیتۆسی مالێ هەوە خوار؟ ما مە ب هەمان گیانی كار نەكر؟ هەمان پێنگاڤ نەهاڤێتن؟
19
ما هوین هزر دكەن، ب درێژیا ڤێ نامەیێ، ئەم هەوڵ ددەین روویێن خۆ ل نك هەوە سپی بكەین؟ نەخێر، ل بەرامبەری خودێ ئەم ل دویڤ حەزا مەسیحی بۆ هەوە دئاخڤین، هەر تشتێ ئەم بكەین ژی، گەلی خۆشتڤیان، بۆ ئاڤاكرنا هەوەیە.
20
ئەز دترسم دەمێ بهێم، ئەز هەوە وەسا نەبینم هەروەكو من دڤێت و هوین من وەسا نەبینن هەروەكو هەوە دڤێت. دترسم هەڤڕكی، دەخەسی، تۆڕەیی، دەستەگەری، بوهتان، نەكامی، خۆمەزنكرن و تێكڤەدان د ناڤ هەوە دا هەبن.
21
ئەز دترسم دەمێ جارەكا دی بهێمە نك هەوە، خودایێ من ل نك هەوە من بشكێنیت و بۆ گەلەكان شینیێ بكەم، ئەوێن پێشتر گونەهـ كرین و ژ پویچاتی، دەهمەنپیسی و بێدەلنگیا وان كری ل خۆ نەزڤڕین.
  1. a. 12‏:2 q ئەسمانێ سێیێ: ئەسمانێ هەری بلندە. ل فەرهەنگۆكێ بنێڕە \k ئەسمان\k*.
  2. b. 12‏:7 دبیت نەساخیەكە خودێ ئەو تووش كریێ، دا دفنبلند نەبیت
  3. c. 12‏:9 ئانكو: هێزا من د لاوازیا مرۆڤی دا ب كاملی كار دكەت.
  4. d. 12‏:16 ل ڤێرێ پاولۆس ڤێ گۆتنێ بۆ مەبەستەكێ وەكو تڕانە دبێژیت.