عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
پاولۆس و هنارتیێن سەختە 
1
خوزی هەوە بێهنا خۆ ل سەر من فرەهـ كربا كو ئەز پیچەك بێئاقلانە بئاخڤم! بەلێ، بێهنا خۆ ل من فرەهـ بكەن!
2
ئەز ب ئیرەییەكا[a] خودایانە ئیرەییێ ب هەوە دبەم، چنكو من بۆ ئێك زەڵام نیشان ب هەوە ڤەكریە، ئەو ژی مەسیحە، دا هەوە وەكو كچەكا دەهمەنپاك پێشكێشی وی بكەم.
3
لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.[b]
4
چنكو ئەگەر ئێك بهێتە نك هەوە و عیسایەكێ دی رابگەهینیت، ژبلی وی یێ مە راگەهاندی، یان گیانەكێ دی وەرگرن، ژبلی وی یێ هەوە وەرگرتی، یان مزگینیەكا دی قەبیل بكەن، ژبلی وێ یا هەوە قەبیل كری، هوین باش بێهنا خۆ ل وی فرەهـ دكەن!
5
لێ ب هزرا من، ئەز چ ژ وان ‹هنارتیێن زەبەلاح› كێمتر نینم.
6
ئەگەر د ئاخفتنێ دا ئەز نە یێ شارەزا بم، د زانینێ دا ئەز یێ شارەزامە. ب راستی ژی ئەڤ چەندە مە بۆ هەوە ژ هەمی لایان ڤە و د هەمی تشتان دا ئاشكرا كر.
7
من بێ بەرامبەر مزگینیا خودێ بۆ هەوە راگەهاند. ما من گونەهـ كر دەمێ من هۆسا خۆ شكاندی، دا هوین بلند ببن؟
8
من كەنیسەیێن دی شەلاندن، دەمێ من پارە ژ وان وەرگرتین، دا خزمەتا هەوە بكەم
9
و دەمێ ئەز د ناڤ هەوە دا و ئەز هەوجە بوویم، من بارێ كەسێ ژ هەوە گران نەكر، چنكو ئەو برایێن ژ مەقدۆنیایێ هاتین هەوجەییا من قەتاند. وەسا من د هەر تشتەكی دا خۆ راگرت كو بۆ هەوە نەبمە بارگرانی و دێ خۆ راگرم ژی.[c]
10
ب وێ راستیا مەسیحی یا د من دا، كەس ل دەڤەرێن ئەخایایێ نەشێت من ل سەر شانازی ب خۆ برنێ مت بكەت.
11
بۆچی؟ چنكو ئەز حەز ژ هەوە ناكەم؟ خودێ دزانیت كو ئەز حەز ژ هەوە دكەم.
12
ئەو تشتێ ئەز دكەم، ل سەر وی دێ یێ بەردەوام بم، دا دەرفەتێ ل وان ببڕم یێن ل دەرفەتەكێ دگەڕیێن، دا شانازیێ ببەن كو كارێ وان یەكسانە ل گەل كارێ مە.
13
چنكو كەسێن وەسا هنارتیێن سەختەنە، پالەیێن خاپینۆكن، وێنەیێ خۆ دگوهۆڕن كو وەكو هنارتیێن مەسیحی لێ بهێن.
14
ئەڤە ژی نە تشتەكێ سەیرە، چنكو ئبلیس ب خۆ ژی وێنەیێ خۆ دگوهۆڕیت كو وەكو فریشتەیێ رۆناهیێ لێ بهێت.
15
ئەڤجا نە تشتەكێ مەزنە كو خزمەتكارێن وی ژی وێنەیێ خۆ بگوهۆڕن كو وەكو خزمەتكارێن راستداریێ لێ بهێن. دویماهیا وان دێ ل دویڤ كریارێن وان بیت.
پاولۆس شانازیێ ب تەنگاڤیێن خۆ دبەت 
16
ئەز دیسان دبێژم: بلا كەس من بێئاقل نەهژمێریت. لێ ئەگەر هوین من وەسا بدانن ژی، من وەكو بێئاقل قەبیل بكەن، دا ئەز ژی پیچەكێ شانازیێ ببەم.
17
ئەڤ تشتێ ئەز دبێژم، راستە نە ب دلێ خودانیە، لێ ئەز وەكو بێئاقلەك دبێژم كو ب پشتڕاستی شانازیێ ب خۆ دبەت.
18
مادەم گەلەك ل دویڤ پیڤەرێن مرۆڤان شانازیێ دبەن، ئەز ژی دێ شانازیێ بەم.
19
هوین د ئاقلمەندن! لەوما هوین ب دلخۆشی بێهنا خۆ ل بێئاقلان فرەهـ دكەن.
20
بەلێ، ئەگەر ئێك هەوە بكەتە بەنی، یان ئەگەر ئێك كەیسێ خۆ د هەوە را ببینیت، یان ئەگەر ئێك هەوە دیل بكەت، یان ئەگەر ئێك دفنا خۆ ل هەوە بلند بكەت، یان ئەگەر ئێك زللەهەكێ ل هەوە بدەت، هوین بێهنا خۆ ل وی فرەهـ دكەن.
21
ئەز ب شەرمی ڤە دانپێدانێ دكەم كو بۆ كرنا ڤان تشتان ئەم د لاواز بووین!
لێ ئەگەر ئێك بوێریت د تشتەكی دا شانازیێ ب خۆ ببەت (ئەز ب بێئاقلی دبێژم): ئەز ژی دوێرم شانازیێ ب خۆ ببەم.
22
ئەگەر ئەو عیبرانینە، ئەز ژی عیبرانیمە. ئەگەر ئەو ئیسرائیلینە، ئەز ژی ئیسرائیلیمە. ئەگەر ئەو ژ دویندەها ئیبراهیمینە، ئەز ژی ژ دویندەها ئیبراهیمیمە.
23
ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.
24
من ژ دەستێ جوهیان پێنج جاران چل كێم ئێك قامچی خوارینە.[d]
25
ئەز سێ جاران هاتیمە داردان؛ جارەكێ هاتیمە بەربارانكرن؛ سێ جاران گەمیا ئەز تێدا تێكشكەستیە؛ ئەز شەڤەك و رۆژەكان د نیڤا دەریایێ دا مایمە.
26
من گەلەك رێڤنگی كرن و ئەز تووشی مەترسیێن رویباران بوویمە، مەترسیێن رێگران، مەترسیێن ژ مللەتێ من چێبووین، مەترسیێن ژ مللەتێن دی چێبووین، مەترسیێن د باژێڕان دا، مەترسیێن د چۆلی دا، مەترسیێن د دەریایێ دا، مەترسیێن ژ برایێن سەختە چێبووین.[e]
27
من رەنج و وەستیان كێشان، ئەز گەلەك مایمە بێ خەو، برسی و تێهنی بوویمە، گەلەك مایمە بێ خوارن، سەرما و رویساتی ب سەرێ من هاتینە.
28
ژبلی تشتێن دی، هەر رۆژ بارێ خەمخۆریێ ژ هەمی كەنیسەیان دكەڤیتە سەر ملێ من.
29
كی بێهێز دبیت و بۆ من نابیتە بێهێزی؟ كی دهێتە هەلنگافتن و ژ بەر وی ئاگر ناكەڤیتە دلێ من؟
30
ئەگەر یا پێدڤی بیت ئەز شانازیێ ب خۆ ببەم، ئەز دێ شانازیێ ب وان تشتان بەم، یێن لاوازیا من دیار دكەن.
31
خودێ، بابێ خودان عیسای، ئەوێ هەروهەر هەژی پەسنكرنێ[f] ، دزانیت كو ئەز درەوان ناكەم.
32
ل دیمەشقێ، والیێ ئارێتاس پاشای دامەزراندی، ژ پێخەمەت گرتنا من زێرەڤان دانابوونە بەر دەرگەهێن باژێڕێ دیمەشقێ،[g]
33
ئینا ئەز د پەنجەرەكا شویرهێ دا ب سەڤیەكێ هاتمە داهێلان و ژ دەستێن وی رزگار بووم.
  1. a. 11‏:2 q ئیرە: ئانكو ‹غیرە›. ل فەرهەنگۆكێ بنێڕە \k ئیرەییا خودێ \k*.
  2. b. 11‏:3 دەستپێكرن 3‏:1‏-6، 13
  3. c. 11‏:9 فیلیپی 4‏:15‏-18
  4. d. 11‏:24 گۆتارا مووسای 25‏:3
  5. e. 11‏:26 كارێن هنارتیان 9‏:23‏-25؛ 14‏:5
  6. f. 11‏:31 پەسن: مەدح و سەنا
  7. g. 11‏:32 كارێن هنارتیان 9‏:23‏-25