عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- دەربارەی نڤێژ و كۆمبوونێ
- 1
- ئەڤجا بەری هەمی تشتان، ئەز هیڤی دكەم كو داخوازی و نڤێژ و مەهدەری[a] و سوپاسیكرن ژ پێخەمەت هەمی مرۆڤان بهێنە كرن،
- 2
- بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.
- 3
- ئەڤ چەندە یا باشە و جهێ دلخۆشیێیە ل نك قورتالكەرێ مە خودێ.
- 4
- ئەوی دڤێت هەمی مرۆڤ قورتال ببن و بگەهنە زانینا راستیێ.[b]
- 5
- چنكو ئێك خودێ هەیە و ئێك ناڤبەینكار[c] د ناڤبەرا خودێ و مرۆڤان دا هەیە، ئەو ژی مەسیح عیسایێ مرۆڤە.
- 6
- ئەوی خۆ وەكو نرخێ ئازادیا هەمی مرۆڤان بەخش كر. ئەڤەیە شاهدەییا د دەمێ وێ یێ گونجای دا هاتیە دان.
- 7
- بۆ وێ شاهدەییێ ئەز یێ كریمە راگەهێنەرێ پەیامێ و هنارتی و مامۆستایێ مللەتان یێ باوەری و راستیێ، دەربارەی ڤێ چەندێ ئەز راستیێ دبێژم و درەوان ناكەم.
- 8
- ئەڤجا من دڤێت ل هەر جهەكێ هوین كۆم دبن، زەڵام نڤێژان بكەن. بلا دەستێن خۆ، بێی تۆڕەبوون و گەنگەشە، ب پیرۆزی بلند بكەن.
- 9
- هەروەسا من دڤێت ژنك ب جلكێن بكێرهاتی، ب تۆرە[d] و بەرئاقلی خۆ بخەملینن، نە ب ڤەهاندنا پرچا خۆ، یان زێڕ، یان مراری[e] ، یان ژی جلكێن بهاگران،[f]
- 10
- لێ ب كریارێن باش، كو بكێر وان ژنكان بهێن یێن ب ئاشكرایی دبێژن ئەم خودێترسین.
- 11
- بلا ژنك ب بێدەنگی و هەمی ملكەچی فێركرنێ وەربگرن.
- 12
- ئەز دەستویریێ نادەم كو ژنك فێركرنێ[g] بدەتە زەڵامی و ل سەر زاڵ ببیت، لێ بلا یا بێدەنگ بیت،
- 13
- چنكو ل بەراهیێ ئادەم هاتە چێكرن پاشی حەوا
- 14
- و ئادەم نەهاتە خاپاندن، لێ ژن هاتە خاپاندن و سەرپێچی كر.[h]
- 15
- لێ ب زاڕۆكئینانێ دێ قورتال بیت، ئەگەر ئەو ب خۆڕاگری د باوەری و حەزژێكرن و پیرۆزی دا بمینن.
- a. 2:1
q مەهدەری: ب عەرەبی ‹شفاعة› - b. 2:4 حزقیێل 18:23
- c. 2:5
q ناڤبەینكار: ب عەرەبی ‹وسيط› - d. 2:9
q ب تۆرە: ئانكو ب ئەدەب. - e. 2:9
q مراری: ئانكو ‹لولو›. - f. 2:9 1 پەترۆس 3:3
- g. 2:12 مەبەست پێ فێركرن و دەستهەلاتا جڤاكا باوەردارانە كو فەرە د دەستێ زەڵامان دا بیت.
- h. 2:13-14 دەستپێكرن 2:7؛ 2:21-22؛ 3:1-6
