عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- حەفت ترارێن تۆڕەبوونا خودێ
- 1
- پشتی هنگی من دەنگەكێ بلند ژ پەرستگەهێ بهیست دگۆتە هەر حەفت فریشتەیان: «هەڕن هەر حەفت ترارێن تۆڕەبوونا خودێ ب سەر ئەردی دا بڕێژن.»
- 2
- ئەڤجا یێ ئێكێ چوو و ترارێ خۆ ب سەر ئەردی دا رشت و كولكێن پیس و ژاندار ل وی خەلكی هاتن یێن نیشانا دڕندەی ل سەر وان و سوجدێ بۆ وێنەیێ وی دبەن.[a]
- 3
- پاشی فریشتەیێ دوویێ ترارێ خۆ ب سەر دەریایێ دا رشت و دەریا بوونە خوین، وەكو خوینا مریان. ئینا هەمی گیانەوەرێن د دەریایێ دا مرن.
- 4
- فریشتەیێ سێیێ ترارێ خۆ ب سەر رویباران و سەرەكانیێن ئاڤێ دا رشت و ئەو بوونە خوین.[b]
- 5
- هنگی من بهیست فریشتەیێ ئاڤان دگۆت:
«تۆ یێ دادپەروەری،
ئەی ئەوێ هەی و ئەوێ هەبوو، ئەوێ پیرۆز،
چنكو تە وەسا حوكم دایە. - 6
- ژ بەر كو وان خوینا پیرۆزكریان و پێغەمبەران یا رشتی،
تە ژی خوین بۆ ڤەخوارنێ دایە وان. ئەو د هەژینە.»[c] - 7
- ئینا من دەنگێ قوربانگەهێ بهیست دگۆت:
«بەلێ، هەی خودان خودێ، هێزدارێ هەر تشتی،
حوكمێن تە د راست و دادپەروەرن.»[d] - 8
- پاشی فریشتەیێ چوارێ ترارێ خۆ ب سەر رۆژێ دا رشت و دەستهەلات بۆ وێ هاتە دان كو مرۆڤان ب ئاگری بسوژیت.
- 9
- ئینا مرۆڤ ب گەرمەكا مەزن سۆتن و جڤین دانە ناڤێ خودێ ئەوێ دەستهەلات ل سەر ڤان دربان هەی. لێ ئەو ل خۆ نەزڤڕین كو پەسنا خودێ بكەن.
- 10
- فریشتەیێ پێنجێ ترارێ خۆ ب سەر تەختێ دڕندەی دا رشت و پاشایەتیا وی تاری بوو و ژ بەر ئێشانێ مرۆڤان لەق ل ئەزمانێ خۆ ددان[e]
- 11
- و ژ بەر ئێشان و كولكێن خۆ، جڤین دانە خودایێ ئەسمانی. لێ ژ كارێن خۆ ل خۆ نەزڤڕین.
- 12
- پاشی فریشتەیێ شەشێ ترارێ خۆ ب سەر رویبارێ مەزن فوراتی دا رشت و ئاڤا وی هشك بوو، دا رێك بۆ پاشایێن ژ رۆژهەلاتێ ئامادە ببیت.[f]
- 13
- هنگی من سێ گیانێن پیس یێن وەكو بەقان دیتن، ژ دەڤێ ئەژدەهای و ژ دەڤێ دڕندەی و ژ دەڤێ پێغەمبەرێ درەوین دەردكەفتن.
- 14
- ئەو گیانێن ئەجنان بوون یێن نیشانێن حنێرانە[g] دكەن و دچنە نك پاشایێن هەمی جیهانێ، دا وان بۆ جەنگا ل رۆژا خودێ، هێزدارێ هەر تشتی، كۆم بكەن.
- 15
- «ئەڤە ئەز وەكو دزەكی دهێم! خوزیكێن وی یێ هشیار دمینیت و جلكێن خۆ دپارێزیت، دا رویس نەگەڕیێت و شەرمەجهێن وی نەهێنە دیتن.»[h]
- 16
- ئینا وان ئەو ل وی جهی كۆم كرن یێ ب عیبرانی دبێژنێ هارمەگەدۆن[i] .
- 17
- فریشتەیێ حەفتێ ترارێ خۆ ب سەر بای دا رشت و دەنگەكێ بلند ژ پەرستگەها ئەسمانی ژ تەختی هات دگۆت: «ب جهـ هات!»
- 18
- هنگی برویسی و دەنگەدەنگ و گڕگڕا عەوران چێبوون و بیڤەلەرزەكا مەزن روی دا. چ بیڤەلەرزێن وەكو وێ روی نەدابوون هەر ژ دەمێ مرۆڤ كەفتیە سەر رویێ ئەردی، بیڤەلەرزەكا هند یا مەزن بوو!
- 19
- باژێڕێ مەزن، بابل، بوو سێ پارچە و باژێڕێن مللەتان كەفتن. ئەڤجا خودێ بابلا مەزن ئینا بیرا خۆ، دا پەرداغا شەرابا تۆڕەبوونا خۆ یا دژوار بدەتێ.
- 20
- هەمی گزیرتە رەڤین و چیا نەهاتنە دیتن
- 21
- و تەرگەكا مەزن، گرانیا هەر دندكەكێ تالانتەك[j] بوو، ژ ئەسمانی ب سەر مرۆڤان دا باری. ئینا مرۆڤان ژ بەر دربێ تەرگێ جڤین دانە خودێ، چنكو دربێ وێ گەلەك یێ مەزن بوو.[k]
- a. 16:2 دەركەفتن 9:10
- b. 16:4 دەركەفتن 7:17-21
- c. 16:6 زەبوور 79:3؛ ئیشایا 49:26
- d. 16:7 زەبوور 19:9؛ 119:137
- e. 16:10 دەركەفتن 10:21
- f. 16:12 ئیشایا 11:15
- g. 16:14
q حنێر: ب عەرەبی ‹معجزة› - h. 16:15 ئەڤە پەیڤێن عیسایێ مەسیحن.
- i. 16:16
q هارمەگەدۆن: ب عیبرانی: چیایێ مەگەدۆ. ل سەردەمێن كەڤن گەلەك شەڕ ل دەشتا بەر ڤی چیای هاتینە كرن. رێبەر 5:19؛ 2 پاشا 23:29؛ زەكەریا 12:11 - j. 16:21
q تالانت: نێزیكی سیهـ و چوار كیلۆگرامانە. - k. 16:21 دەركەفتن 9:23
