عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- 1
- ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.
- شیرەتێن دویماهیێ
- 2
- ئەز هیڤی ژ ئەیۆدیایێ و ژ سنتیخایێ دكەم، كو د ئێكبوونا ل گەل خودانی دا هەڤهزر ببن.
- 3
- بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.
- 4
- هەرگاڤ ب خودانی دلخۆش ببن. دیسان ئەز دبێژمە هەوە: دلخۆش ببن!
- 5
- بلا سەرنەرمیا هەوە ل نك هەمی مرۆڤان یا بەرنیاس بیت. خودان یێ نێزیكە.
- 6
- ژ بەر چ تشتی نیگەران نەبن، لێ دەربارەی هەمی تشتان ب نڤێژ و هیڤیخوازیێ ل گەل سوپاسیكرنێ، داخوازێن خۆ ئاراستەی خودێ بكەن.
- 7
- هۆسا ئاشتیا خودێ ژی، ئەوا د سەر هەر تێگەهشتنەكێ را، دێ دلێ هەوە و زێهنێ هەوە د ئێكبوونا ل گەل مەسیح عیسای دا پارێزیت.
- 8
- ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ[a] بیت، هزرێ تێدا بكەن.
- 9
- ئەو تشتێن هوین ژ من فێر بووین، هەوە ژ من وەرگرتین، ژ من بهیستین و د ژیانا من دا دیتین، بكەن و خودایێ ئاشتیێ دێ ل گەل هەوە بیت.
- سوپاسیا پاولۆسی ژ بۆ هاریكاریێن فیلیپیان
- 10
- ئەز ب خودانی گەلەك دلخۆش بووم، كو نوكە بۆ جارەكا دی خەمخۆریا هەوە بۆ من بشكڤیڤە. ب راستی هەوە هەر خەما من د خوار، لێ هەوە دەلیڤە نەبوو كو هاریكاریا من بكەن.
- 11
- ئەز ڤێ گۆتنێ نابێژم كو ئەز یێ پێدڤی بووم، چنكو ئەز یێ فێر بوویم د هەر رەوشەكا ئەز تێدا بم، یێ رازی بم.
- 12
- ئەز دزانم هەژاری چیە، هەروەسا دزانم بەرفرەهی ژی چیە. ئەز یێ ب سەر وێ نهێنیێ هەلبوویم، كو د هەمی رەوش و كاودانان دا، چ یێ تێر بم یان یێ برسی، یێ هەیی بم یان یێ نەدار، ئەز هەر یێ رازی بم.
- 13
- ئەز دشێم هەمی تشتان بكەم، ب رێكا وی یێ من بهێز دئێخیت.
- 14
- سەرەڕای هندێ هەوە باش كر، كو هوین د تەنگاڤیا من دا پشكدار بوون.
- 15
- هوین ژی دزانن، گەلی فیلیپیان، كو د دەستپێكا دانا مزگینیێ دا، گاڤا ئەز ژ مەقدۆنیایێ دەركەفتیم، چ جڤاكێن باوەرداران ژ هەوە پێڤە، سەبارەت هاریكاریا دارایی، پشكداریا من نەكر.
- 16
- دەمێ ئەز ل سالونیكی ژی، هەوە پتر ژ جارەكێ تشتێن من پێدڤی پێ هەی، بۆ من هنارتن.[b]
- 17
- نەكو چاڤێ من ل دیاریانە، لێ من دڤێت قازانج ل سەر سەرمایێ هەوە ل نك خودێ زێدە ببیت.
- 18
- ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.
- 19
- خودایێ من ژی دێ ل دویڤ دەولەمەندیا خۆ یا مەزن، ب رێكا مەسیح عیسای، هەمی پێدڤیێن هەوە دابین كەت.
- 20
- هەتا هەتایێ مەزناهی بۆ بابێ مە خودێ بیت! ئامین.
- سڵاڤێن دویماهیێ
- 21
- سڵاڤان ل هەر پیرۆزكریەكێ مەسیح عیسای بكەن. ئەو برایێن ل گەل من، سڵاڤان ل هەوە دكەن.
- 22
- هەمی پیرۆزكری، ب تایبەت ئەوێن ژ كۆچكا قەیسەری، سڵاڤان ل هەوە دكەن.
- 23
- كەرەما خودان عیسایێ مەسیح ل گەل گیانێ هەوە بیت.
