عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- 1
- ل دویماهیێ گەلی خویشك و برایان، ب خودانی دلخۆش ببن. بۆ من بارگرانی نینە ئەز دووبارە ئەڤان تشتان بۆ هەوە بنڤیسم و بۆ هەوە ئێمناهیە.
- بهاگرانیا نیاسینا مەسیحی
- 2
- هشیاری سەیان بن، هشیاری بەدكاران بن و هشیاری وان بن یێن لەشی دبڕن[a] .
- 3
- چنكو سونەتكریێن دروست ئەمین، یێن ب گیانێ خودێ پەرستنێ دكەین و شانازیێ ب مەسیح عیسای دبەین و پشتا خۆ ب لەشی گەرم ناكەین،
- 4
- هەر چەندە من ئەگەر یا هەی كو پشتگەرمێ لەشی ژی بم. ئەگەر ئێكێ دی هزر بكەت كو وی ئەگەر یا هەی پشتگەرمێ لەشی بیت، من ژ وی پتر ئەگەر یا هەی:
- 5
- ئەز ل رۆژا هەشتێ هاتیمە سونەتكرن، ئەز ژ گەلێ ئیسرائیل و ژ هۆزا بنیامینیمە، ئەز عیبرانی كوڕێ عیبرانیمە. سەبارەت دەستووری، فەریسی بووم.
- 6
- سەبارەت دلگەرمیێ، تەپەسەركەرێ جڤاكا باوەردارێن مەسیح عیسای[b] بووم. سەبارەت راستداریا د دەستووری دا، ئەز یێ بێكێماسی بووم.
- 7
- لێ ئەو تشتێن ب چاڤێن من قازانج بوون، من ئەو ژ پێخەمەت مەسیحی ب زیان یێن دیتین.
- 8
- هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم
- 9
- و ل گەل وی ببمە ئێك و راستدار بهێمە دیتن، نە ب رێكا دەستووری، لێ ب رێكا باوەریێ ب مەسیحی، ل دویڤ وێ راستداریا خودێ ب رێكا باوەریێ ددەت.
- 10
- من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،
- 11
- داكو ب هەر رێكەكا هەبیت ئەز بگەهمە رابوونا ژ ناڤ مریان.
- بزاڤكرن بەرەڤ ئارمانجێ
- 12
- ئەز نابێژم كو ئەز گەهشتمە ئارمانجێ، یان كامل بووم، لێ ئەز بزاڤێ دكەم، دا وێ چەندێ ب دەست خۆ ڤە بینم، ئەوا ژ پێخەمەت وێ مەسیح عیسای ئەز ب دەست خۆ ڤە بریم.
- 13
- گەلی خویشك و برایان، ئەز وەسا ناهژمێرم كو من ئارمانج ب دەست خۆ ڤە ئینا، لێ ئەز تشتەكێ ب تنێ دكەم: تشتێن چووی ژ بیر دكەم و خەباتێ بۆ تشتێن ل پێشیا خۆ دكەم.
- 14
- ئەز بزاڤێ بۆ ئارمانجێ دكەم، دا خەلاتی قازانج بكەم، ئەوێ ب رێكا مەسیح عیسای، خودێ ئەز بۆ وی گازی كریمە سڵال.
- 15
- ئەڤجا پێدڤیە ئەم هەمیێن پێگەهشتی هۆسا هزر بكەین و ئەگەر هەوە هزرەكا دی هەبیت، خودێ دێ وێ ژی بۆ هەوە ئاشكرا كەت.
- 16
- ب تنێ، بلا ل دویڤ وی ئاستێ ئەم گەهشتینێ، بژین.
- 17
- پێكڤە چاڤ ل من بكەن، گەلی خویشك و برایان، هەروەسا بەرێ خۆ بدەنە وان یێن ب ڤی شێوەی ل دویڤ نموونەیا مە دژین.[c]
- 18
- چنكو هەروەكو من گەلەك جاران بۆ هەوە گۆتی و نوكە ژی ب گری ڤە دبێژم، كو گەلەك كەس هەنە ب شێوازێ ژیانا خۆ دوژمنێن خاچا مەسیحینە.
- 19
- دویماهیا ڤان كەسان وێرانبوونە، خودایێ وان زكێ وانە و شانازیێ ب تشتێن جهێ شەرمێ دبەن، هزرا وان ل سەر تشتێن ڤێ جیهانێیە.
- 20
- لێ ئەم هەڤوەڵاتیێن ئەسماناینە، كو ئەم د چاڤەڕێینە قورتالكەرەك ژ وێرێ بهێت، ئەو ژی خودان عیسایێ مەسیحە.
- 21
- ب هێزا خۆ یا دشێت هەر تشتەكی بندەستی خۆ بكەت، ئەو دێ لەشێ مە یێ لاواز و مربار[d] گوهۆڕیت و وەكو لەشێ خۆ یێ ب روومەت لێ كەت.
- a. 3:2
q یێن لەشی دبڕن: ئانكو یێن فێركرنێ دكەن كو پێدڤیە باوەردار بهێنە سونەتكرن. - b. 3:6
q جڤاكا باوەردارێن مەسیح عیسای: ئانكو كەنیسە. ل فەرهەنگۆكێ بنێڕە جڤاك*. - c. 3:17 1 كورنتۆس 4:16؛ 11:1
- d. 3:21
q مربار: ئانكو تۆڤێ مرنێ یێ دێ هەر مریت.
