عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- عیسا مرۆڤەكێ فاڵنجی ساخ دكەت
- 1
- عیسا ل بەلەمێ سیار بوو و ل دەریاكێ دەرباز بوو و ڤەگەڕیا باژێڕێ خۆ[a] .
- 2
- وەسا چێبوو هندەكان فاڵنجیەكێ ل ناڤ نڤینان درێژكری ئینا نك وی. دەمێ عیسای باوەریا وان دیتی، گۆتە یێ فاڵنجی: «پشتڕاست بە كوڕێ من، ل گونەهێن تە هاتە بورین.»
- 3
- هنگی هندەك مامۆستایێن دەستووری ل گەل خۆ گۆت: «ئەڤ مرۆڤە یێ كوفریێ دكەت.»
- 4
- هزرێن وان بۆ عیسای د ئاشكرا بوون و گۆت: «بۆچی هوین هزرێن خراب د دلێ خۆ دا دكەن؟
- 5
- ما كیژ ژ ڤان ب ساناهیترە مرۆڤ بێژیت: ‹ل گونەهێن تە هاتە بورین› یان بێژیت: ‹رابە و بڕێڤە هەڕە›؟
- 6
- لێ ئەز دێ بۆ هەوە سەلمینم كو كوڕێ مرۆڤ ل سەر ئەردی دەستهەلاتا هەی ل گونەهان ببوریت،» پاشی گۆتە یێ فاڵنجی: «رابە و نڤینێن خۆ هەلگرە و هەڕە مالا خۆ.»
- 7
- ئینا رابوو و چوو مالا خۆ.
- 8
- دەمێ خڕڤەبوویان ئەڤە دیتی، سەهمێ گرتن و پەسنا[b] خودێ كر، ئەوێ كو دەستهەلاتەكا هۆسا دایە مرۆڤان.
- عیسا گازی مەتتای دكەت
- 9
- دەمێ عیسا د وێرێ را دبوری، مرۆڤەك دیت ناڤێ وی مەتتا بوو، ل جهێ باج وەرگرتنێ یێ روینشتی بوو، عیسای گۆتێ: «ب دویڤ من بكەڤە.» ئەو رابوو و ب دویڤ وی كەفت.
- 10
- دەمێ عیسا ل سەر سفرێ ل مالا مەتتای، وەسا چێبوو گەلەك باجگر و گونەهكارێن دی هاتن و ل گەل وی و شاگردێن وی روینشتن.
- 11
- دەمێ فەریسیان ئەڤ چەندە دیتی، پرسیار ژ شاگردێن وی كر: «بۆچی مامۆستایێ هەوە ل گەل باجگر و گونەهكاران خوارنێ دخۆت؟»
- 12
- دەمێ عیسای گوهـ لێ بووی، بەرسڤ دا: «مرۆڤێن ساخلەم پێدڤی ب نۆژداری نینە، لێ مرۆڤێن نەساخ.
- 13
- ئەڤجا هەڕن و د ڤێ گۆتنێ بگەهن: ‹من دلۆڤانی دڤێت، نەكو قوربان.›[c] ئەز نەهاتیمە گازی مرۆڤێن راستدار بكەم، لێ یێن گونەهكار.»
- پرسیار دەربارەی رۆژیێ
- 14
- پاشی شاگردێن یوحەننای هاتنە نك عیسای و گۆتنێ: «بۆچی ئەم و فەریسی گەلەك جاران رۆژیان دگرین، لێ شاگردێن تە ناگرن؟»
- 15
- عیسای گۆتە وان: «ئەرێ ما داخوازكریێن داوەتێ دشێن شینیێ دانن، هێشتا زاڤا د ناڤ وان دا؟ لێ رۆژ دێ هێن، زاڤا دێ ژ ناڤ وان هێتە راكرن، هنگی ئەو دێ رۆژیان گرن.
- 16
- كەس جلكەكێ كەڤن ب پاتەكێ ل ئاڤێ نەدای[d] پنی ناكەت، چنكو پاتە ژ جلكی دكێشیت و كون خرابتر لێ دهێت.
- 17
- هەروەسا كەس شەرابا نوی ناكەتە مەشكێن كەڤن. ئەگەر وە كر، مەشك دێ پەقن و شەراب دێ رێژیت و مەشك دێ پویچ بن. لێ شەرابا نوی دكەنە مەشكێن نوی، ئەڤجا شەراب و مەشك پێكڤە دهێنە پاراستن.»
- ساخكرنا كچا یایرۆسی و ژنكا نەخۆش ب خوین ژبەرچوونێ
- 18
- دەمێ وی ئەڤە دگۆت، وەسا چێبوو بەرپرسەك هات و سوجدە بۆ بر و گۆت: «كچا من نوكە یا مری، لێ تۆ وەرە و دەستێ خۆ دانە سەر، ئەو دێ ژیتەڤە.»
- 19
- ئەڤجا عیسا رابوو و ل گەل شاگردێن خۆ ل دویڤ وی چوو.
- 20
- پاشی وەسا چێبوو ژنكەك، ئەو دوازدە ساڵ بوو خوین ژ بەر دچوو، هاتە نك و ژ پشتێ ڤە دەستێ خۆ كرە ریشالۆكەكا[e] كراسێ وی[f] ،
- 21
- چنكو وێ دگۆتە خۆ: «ئەگەر ب تنێ ئەز دەستێ خۆ بكەمە كراسێ وی ژی، دێ ساخ بم.»
- 22
- عیسا زڤڕی و دیت و گۆت: «پشتڕاست بە كچا من، باوەریا تە تۆ ساخ كری.» ئەو ژنك د وێ گاڤێ دا ساخ بوو.
- 23
- دەمێ عیسا گەهشتیە مالا بەرپرسی، دیت بلوورڤان و جەماوەرێ قێژقێژێ دكەن،
- 24
- گۆت: «دەركەڤن! كچك نەمریە، لێ یا نڤستیە!» ئینا ئەو پێ كەنین.
- 25
- پشتی خڕڤەبووی هاتینە دەرئێخستن، ئەو چوو ژۆر و دەستێ وێ گرت. ئینا كچك رابووڤە.
- 26
- ئەڤجا دەنگوباسێن ڤێ چەندێ ل هەمی دەڤەرێ بەڵاڤ بوون.
- عیسا دوو كۆرەیان ساخ دكەت
- 27
- دەمێ عیسا ژ وێرێ دچوو، دوو كەسێن كۆرە ب دویڤ كەفتن، گازی دكر و دگۆتێ: «كوڕێ داوودی[g] ، دلۆڤانیێ ب مە ببە!»
- 28
- دەمێ ئەو چوویە د خانی ڤە، هەردوویێن كۆرە ب پێشڤە هاتن و عیسای پرسیار ژ وان كر: «ئەرێ هوین باوەریێ دئینن، كو ئەز دشێم ڤێ بكەم؟» وان بەرسڤ دا: «بەلێ خودان.»
- 29
- ئینا دەستێ خۆ كرە چاڤێن وان و گۆت: «بلا بۆ هەوە ل دویڤ باوەریا هەوە بهێتە كرن.»
- 30
- ئەڤجا چاڤێن وان ڤەبوون و عیسای ئەو ب توندی ئاگەهدار كرن و گۆت: «هشیار بن، بلا كەس پێ نەزانیت!»
- 31
- لێ ئەو دەركەفتن و دەنگوباس دەربارەی وی ل سەرانسەری دەڤەرێ بەڵاڤ كرن.
- ساخكرنا لالەكی
- 32
- دەمێ ئەو دەركەفتین، وەسا چێبوو هندەكان مرۆڤەكێ لال یێ ئەجنەیەكی هنگافتی ئینا نك عیسای.
- 33
- دەمێ ئەجنە هاتیە دەرئێخستن، یێ لال ئاخفت و خڕڤەبووی حێبەتی بوون و گۆتن: «وەكو ڤی تشتی چ جاران ل ئیسرائیلێ نەهاتیە دیتن،»
- 34
- لێ فەریسیان گۆت: «ئەو ب دەستهەلاتا سەرۆكێ ئەجنەیان، ئەجنەیان دەردئێخیت.»
- دروین گەلەكە و پالە د كێمن
- 35
- عیسا ل ناڤ باژێڕ و گوندان دگەڕیا و ل كنیشتەیێن وان فێركرن دكر و مزگینیا پاشایەتیێ رادگەهاند و هەمی نەخۆشی و لاوازی ساخ دكرن.
- 36
- دەمێ وی خڕڤەبووی دیتین، دلێ وی ب وان سۆت، چنكو ئەو وەكو پەزێ بێ شڤان د شەپرزە و بژاڵە بوون.
- 37
- د وی دەمی دا گۆتە شاگردێن خۆ: «دروین گەلەكە، لێ پالە د كێمن،
- 38
- لەوما ژ خودانێ دروینێ بخوازن، دا پالەیان بۆ دروینا خۆ بهنێریت.»
- a. 9:1 ئانكو كەفەرناحوم. بنێڕە مەتتا 4:13
- b. 9:8
q پەسن: مەدح و سەنا - c. 9:13 هۆشێیەع 6:6
- d. 9:16 هنگی دەمێ پەڕوكێ نوی دهاتە شویشتن، بچویكتر لێ دهات و تێك دچوو، لەوما بەری بهێتە دروین، ل ئاڤێ ددا، دا ئێدی بچویك نەببا.
- e. 9:20
q ریشالۆك: ل فەرهەنگۆكێ بنێڕە. - f. 9:20 ل گۆر دەستوورێ مووسای، خوینژبەرچوونێ ئەو كەس دهەڕماند. ل فەرهەنگۆكێ بنێڕە خوینژبەرچوون*.
- g. 9:27
q كوڕێ داوودی: ناسناڤەكە بۆ مەسیحی كو پاشایێ جوهیانە. ل فەرهەنگۆكێ بنێڕە.
