عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- زاڵبوون ل سەر ئەزمانی
- 1
- بلا گەلەك ژ هەوە نەبنە مامۆستا، خویشك و برایێن من، چنكو هوین دزانن ئەم مامۆستا دێ دادكرنەكا مەزنتر وەرگرین.
- 2
- ئەم هەمی د گەلەك تشتان دا شاشیان دكەین. ئەگەر ئێك د ئاخفتنا خۆ دا شاش نەبیت، ئەو مرۆڤەكێ كاملە، دشێت لەشێ خۆ هەمیێ ژی لغاڤ بكەت[a] .
- 3
- ئەگەر ئەم دەڤێ هەسپان لغاڤ كەین دا ب حەزا مە بكەن، ئەم دشێین بەرێ هەمی لەشێ وان ژی بدەینە وی لایێ مە بڤێت.
- 4
- هەروەسا ل گەمیان ژی بنێڕن: سەرەڕای كو ئەو هند د مەزنن و ب بایێن ب هێز دهێنە هاژوتن، لێ گەمیڤان ب دەستكەكێ بچویك یێ ئاراستەكرنێ بەرێ وان ددەتە وی لایێ وی بڤێت.
- 5
- ب ڤی شێوەی ئەزمان ژی ئەندامەكێ بچویكە، لێ شانازیێ ب كارتێكرنا خۆ یا مەزن دبەت. بنێڕن ئاگرەكێ بچویك، دارستانەكا چەندا مەزن دسوژیت!
- 6
- ئەزمان ژی ئاگرە. ئەزمان د ناڤ ئەندامێن لەشێ مە دا وەكو جیهانەكا خرابیێ هاتیە دانان، هەمی لەشی دهەڕمینیت و ئاگری بەرددەتە هەمی ژیانا مرۆڤی و ئاگرێ وی ب خۆ ژی ژ دۆزەخێ بەردبیتێ.
- 7
- هەر جۆرەكێ گیانەوەرێن چوار پێ و باڵندە و خشۆك و یێن ئاڤی ژ لایێ مرۆڤی ڤە زاڵبوون ل سەر دهێتە كرن و هاتیە كرن.
- 8
- لێ چ مرۆڤ نەشێن ل سەر ئەزمانی زاڵ ببن. ئەزمان خرابیەكا هارە، یێ پڕە ژ ژەهرا كوژەك.
- 9
- ب وی ئەم پەسنا[b] خودانێ[c] باب دكەین و ب وی ژی ئەم نفرینان ل مرۆڤان دكەین، ئەوێن ل سەر وێنەیێ خودێ هاتینە چێكرن.
- 10
- ژ هەمان دەڤ پەسن و نفرین دەردكەڤن. خویشك و برایێن من، دڤێت ئەڤ چەندە ژی یا هۆسا نەبیت.
- 11
- ما ژ هەمان كانی ئاڤا شرین و ئاڤا تەحل دزێت؟
- 12
- خویشك و برایێن من، ما دارهژیر دشێت زەیتوونان بدەت، یان ژی مێو دشێت هژیران بدەت؟ وەسا ژی ژ كانیا ئاڤا سویر ئاڤا شرین نازێت.
- ئاقلمەندیا راستەقینە
- 13
- د ناڤ هەوە دا كی یێ ئاقلمەند و تێگەهشتیە؟ بلا ب رەفتارا باش نیشان بدەت كو كریارێن وی ل دویڤ دەروونبچویكیا ئاقلمەندیێ دهێنە كرن.
- 14
- لێ ئەگەر زكڕەشیەكا تەحل و خۆپەرێسی د دلێ هەوە دا هەبیت، شانازیێ ب خۆ نەبەن و هۆسا درەوان ل راستیێ بكەن.
- 15
- ئاقلمەندیەكا هۆسا ژ ئەسمانی ناهێت، لێ یا ئەردكانیە[d] ، یا مرۆڤكانیە و یا ئبلیسكانیە.
- 16
- چنكو ل كیرێ زكڕەشی و خۆپەرێسی هەبن، ل وێرێ تێكدان و هەمی خرابكاری یێن هەین.
- 17
- لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.
- 18
- چێكەرێن ئاشتیێ تۆڤێ ئاشتیێ دچینن و راستداریێ ژێ دهەلینن.
- a. 3:2
q لغاڤكرن: ئانكو زاڵبوون - b. 3:9
q پەسن: مەدح و سەنا - c. 3:9 مەبەست پێ خودێیە
- d. 3:15
q ئەردكانی: ئانكو یا دنیایی
