عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- 1
- هەر سەرۆككاهنەك ژ ناڤ مرۆڤان دهێتە هەلبژارتن و دهێتە دانان كو ل شوینا مرۆڤان ب كاروبارێن خودێ راببیت، دا پێشكێشی و قوربانیێن گونەهان پێشكێش بكەت.
- 2
- ئەو دشێت ب نەرمی سەرەدەریێ ل گەل نەزان و ڤاڕێبوویان بكەت، چنكو ئەو ب خۆ ژی بندەستێ لاوازیێیە.
- 3
- ژ بەر وێ چەندێ فەرە ل سەر وی، كا چەوا قوربانیێ پاقژبوونێ ژ گونەهێ ژ پێخەمەت خەلكی پێشكێش دكەت، وەسا ژ پێخەمەت خۆ ژی.
- 4
- كەس ژی ڤێ شەرەفمەندیێ بۆ خۆ ناستینیت، ب تنێ ئەو كەس وەردگریت یێ خودێ گازی كریێ، وەكو هارونی.[a]
- 5
- هەروەسا مەسیحی ژی خۆ بۆ وێ پلەیا مەزناهیێ بلند نەكریە، كو ببیتە سەرۆككاهن، لێ وی بلند كریە یێ گۆتیێ:
«تۆ كوڕێ منی،
ئەڤرۆ من تۆ بووی.»[b] - 6
- هەروەكو ل جهەكێ دی ژی دبێژیت:
«تۆ هەتا هەتایێ كاهنی
ژ جۆرێ مەلكیسادقی.»[c] - 7
- مەسیحی د رۆژێن ژیانا خۆ یا لەشكانی دا، داخواز و هیڤی ب قێڕی و رۆندكان پێشكێشی وی كرن، یێ شیان هەین كو وی ژ مرنێ رزگار بكەت و ژ بەر خودێترسیا وی، داخوازا وی هاتە قەبیلكرن.
- 8
- هەر چەندە ئەو كوڕێ خودێ بوو، لێ ب رێكا ئازارێن وی كێشاین، فێری گوهداریێ بوو.
- 9
- دەمێ ب ڤێ رێكێ هاتیە كاملكرن، بۆ هەمی یێن گوهداریا وی دكەن بوو ژێدەرێ قورتالبوونا هەتا هەتایی
- 10
- و ژ لایێ خودێ ڤە ب سەرۆككاهن ژ جۆرێ مەلكیسادقی هاتە بناڤكرن.
- هشیاركرن ژ پاشگەزبوونێ
- 11
- ل دۆر ڤێ چەندێ[d] ، گەلەك ئاخفتن یا هەی مە دڤێت بێژین، لێ شڕۆڤەكرنا وێ یا گرانە، چنكو گوهێن هەوە یێن گران بووین.
- 12
- پێدڤی بوو هەتا نوكە هوین ببانە مامۆستا، لێ هوین د پێدڤینە كو ئێك دووبارە بنەمایێن دەستپێكی یێن پەیڤا خودێ نیشا هەوە بدەت. هوین ڤەگەڕیان هەوجەیی شیری ببن، نە خوارنەكا گران.
- 13
- هەر كەسێ شیرخۆر بیت، ئەو د فێركرنا دەربارەی راستداریێ دا یێ نەشارەزایە، چنكو ئەو یێ ساڤایە.
- 14
- لێ خوارنا گران بۆ وانە یێن پێگەهشتی، ئەوێن هەستێن وان ژ ئەگەرێ راهێنانێ ل سەر ژ ئێكڤاڤارتنا باشی و خرابیێ راهاتین.
