عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- مەسیح بۆ جارەكێ و هەتا هەتایێ خۆ كرە قوربان
- 1
- دەستوور سیتافكا تشتێن باش یێن پاشەڕۆژێیە، لێ نە دەق و دەق وێنەیێ وان تشتان ب خۆیە. لەوما ئەو ب هەمان قوربانێن ساڵ ب ساڵ ب بەردەوامی دهێنە پێشكێشكرن، قەت نەشێت وان كەسان كامل بكەت یێن بۆ پەرستنێ دهێن.
- 2
- ئەگەر شیابا، ما ژ پێشكێشكرنێ نەرادوەستیان؟ چنكو دا پەرستڤان جارەكێ بۆ هەتا هەتایێ پاقژ بن و ئێدی هەستكرن ب گونەهێ نەدما.
- 3
- لێ ئەڤ قوربانە ساڵ ب ساڵ گونەهێن وان دئیننە بیرا وان.
- 4
- چنكو خوینا گا و نێریان مەحالە گونەهان راكەت.
- 5
- لەوما دەمێ مەسیح هاتیە د جیهانێ دا گۆت:
«تە قوربان و پێشكێشی نەڤیان،
لێ تە لەشەك بۆ من ئامادەكر. - 6
- تۆ ب قوربانیێن سۆتنێ و قوربانیێن پاقژبوونێ ژ گونەهێ دلخۆش نەبووی.
- 7
- هنگی من گۆت: ‹ئەڤە ئەز هاتم، هەی خودێ، دا حەزا تە ب جهـ بینم،
كا چەوا د پەرتووكێ دا دەربارەی من هاتیە نڤیسین.›»[a] - 8
- ئەوی ل سڵال گۆت: «تە قوربان و پێشكێشی و قوربانیێ سۆتنێ و قوربانیێن ژ بەر گونەهێ دهێنە دان نەڤیان، نە ژی پێ دلخۆش بووی،» (ئەوێن ل دویڤ دەستووری دهێنە پێشكێشكرن.)
- 9
- پاشی دبێژیت: «ئەڤە ئەز هاتم، دا حەزا تە ب جهـ بینم.» یا ئێكێ لاددەت، دا یا دوویێ بنەجهـ بكەت.
- 10
- هۆسا عیسایێ مەسیح حەزا خودێ ب جهـ ئینا، كو جارەكێ و بۆ هەروهەر لەشێ خۆ پێشكێش كر، ب ڤی چەندێ ئەم هاتینە پیرۆزكرن.
- 11
- هەر كاهنەك رۆژ ب رۆژ رادبیت خزمەتێ دكەت و ب دووبارەكرنا بەردەوام هەمان قوربانان پێشكێش دكەت، ئەوێن قەت نەشێن گونەهان راكەن.
- 12
- لێ دەمێ ڤی كاهنی[b] ب تنێ ئێك قوربانی ژ بەر گونەهان بۆ هەتا هەتایێ پێشكێش كری، ل دەستێ راستێ یێ خودێ روینشت.
- 13
- ژ هنگی وەرە ئەو یێ چاڤەڕێیە تاكو دوژمنێن وی وەكو تەختەپێ بۆ پێیێن وی بهێنە دانان.
- 14
- چنكو وی ب قوربانەكی هەتا هەتایێ ئەو كامل كرن یێن دهێنە پیرۆزكرن.
- 15
- گیانێ پیرۆز ژی بۆ مە شاهدەییێ ددەت. ل پێشیێ دبێژیت:
- 16
- «ئەڤەیە ئەو پەیمانا ئەز دێ پشتی وان رۆژان ل گەل وان گرێ دەم، خودان دبێژیت،
ئەز دێ دەستوورێ خۆ كەمە د دلێ وان دا
و دێ ل سەر زێهنێ وان نڤیسم.» - 17
- پاشی دبێژیت:
«ئەز ئێدی ب ئێكجاری گونەهـ و سەرپێچیێن وان نائینمە بیرا خۆ.»[c] - 18
- ل كیرێ لێبورینا وان تشتان هەبیت، ئێدی قوربانی ژ بەر گونەهێ نابیت.
- شیرەت بۆ خۆڕاگریێ و هشیاركرن ژ پاشگەزبوونێ
- 19
- لەوما گەلی خویشك و برایان، مادەم مە پشتڕاستی یا هەی كو ئەم ب خوینا مەسیحی دشێین بچینە د جهێ هەری پیرۆز ڤە،
- 20
- ب رێكەكا نوی و زیندی د پەردەی را، ئانكو د لەشێ خۆ را، وی بۆ مە یا ڤەكری،
- 21
- هەروەسا مادەم مە كاهنەكێ مەزن ل سەر مالا خودێ هەیە،
- 22
- بلا ئەم ل گەل دلەكێ راست ب باوەریەكا كامل، دلێن مە ب رەشاندنێ[d] د پاقژكری ژ وژدانەكا خراب و لەشێن مە د شویشتی ب ئاڤەكا پاقژ، نێزیكی خودێ ببین.
- 23
- بلا ئەم بێی دوودلی خۆ قاییم ب دانپێدانا هیڤیا خۆ ڤە بگرین، چنكو ئەوێ سۆز دای جهێ باوەریێیە.
- 24
- هەروەسا بلا هزرا خۆ د هندێ دا بكەین كا چەوا ئێكودوو هانبدەین بۆ حەزژێكرنێ و كارێن چاك.
- 25
- بلا دەست ژ كۆمبوونێ ل گەل ئێكودوو بەرنەدەین، هەروەكو بوویە نەریتێ هندەكان، لێ ئێكودوو هانبدەین و هندی هوین ببینن كو رۆژا خودانی یا نێزیك دبیت پتر وە بكەن .
- 26
- چنكو ئەگەر ئەم ب ئەنقەستی ل سەر گونەهكرنێ بەردەوام ببین، پشتی كو مە راستی نیاسی، ئێدی چ قوربانی نینن گونەهان راكەن،
- 27
- لێ ب تنێ چاڤەڕێكرنەكا ب ترس یا هەی ژ بەر دادكرنێ و ئاگرەكێ دژوار كو دێ دوژمنێن خودێ داعویریت.
- 28
- هەر كەسێ سەرپێچیا دەستوورێ مووسای كربا و دوو یان سێ كەسان شاهدەیی ل سەر دابا، ئەو بێی دلۆڤانی دهاتە كوشتن.[e]
- 29
- ئەڤجا ب دیتنا هەوە، ئەوێ كوڕێ خودێ بێڕێز كری و خوینا پەیمانێ یا ئەو پێ هاتیە پیرۆزكرن وەكو تشتەكێ هەڕمی دیتی و سڤكاتی ب گیانێ كەرەمێ كری، هەژی سزایەكێ چەند دژوارترە؟
- 30
- چنكو ئەم وی دنیاسین یێ گۆتی: «یا منە تۆلڤەكرن، ئەز دێ سزایێ دروست دەم.»[f] هەروەسا گۆتیە: «خودان دێ گەلێ خۆ داد كەت.»[g]
- 31
- تشتەكێ ب ترسە كو مرۆڤ بكەڤیتە دەستێ خودایێ زیندی.
- 32
- رۆژێن بەرێ بیننە بیرا خۆ، پشتی هوین هاتینە رۆناهیكرن، دەمێ هەوە خۆ ل بەر هەڤڕكیەكا دژوار یا پڕی ئازار گرتی.
- 33
- هوین ژ لایەكی ڤە ب ئاشكرایی تووشی ئاخفتنێن كرێت و تەنگاڤیان بوون و ژ لایەكێ دی ڤە بوونە هەڤپشكێن وان كەسان یێن هەمان تشت ب سەری هاتی.
- 34
- هوین بوونە هەڤپشكێن دەردێ وان یێن د زیندانێ دا و هەوە ب دلشادی قەبیل كر دەمێ مالێ هەوە هاتیە تالانكرن، چنكو هەوە دزانی كو مالەكێ باشتر یێ ژ ناڤ ناچیت، هەوە یێ ل ئەسمانان هەی.
- 35
- لەوما دەست ژ پشتڕاستیا خۆ بەرنەدەن، چنكو وێ خەلاتەكێ مەزن یێ هەی.
- 36
- هوین د پێدڤی خۆڕاگریێنە، داكو پشتی هوین حەزا خودێ ب جهـ دئینن، ئەوا سۆز پێ هاتیە دان وەرگرن.
- 37
- هەروەكو هاتیە نڤیسین:
«پشتی دەمەكێ گەلەك كورت،
ئەوێ دهێت، دێ هێت و گیرۆ نابیت. - 38
- لێ راستدارێ من، دێ ب باوەریێ ژیت
و ئەگەر خۆ پاشڤە كێشا، دلێ من ب وی خۆش نابیت.»[h] - 39
- لێ ئەم نە ژ وانین یێن خۆ پاشڤە دكێشن و د ئەنجام دا ژ ناڤ دچن، ئەم ژ وانین یێن باوەری هەی و د ئەنجام دا خۆ دپارێزن.
- a. 10:7 زەبوور 40:6-8
- b. 10:12 مەبەست پێ مەسیحە.
- c. 10:16-17 یەرمیا 31:33-34
- d. 10:22 مەبەست پێ رەشاندنا خوینا قوربانیە، كو گونەهان ژ سەر مرۆڤی رادكەت. بنێڕە عیبرانی 9:19-22
- e. 10:28 گۆتارا مووسای 17:6
- f. 10:30 گۆتارا مووسای 32:35
- g. 10:30 گۆتارا مووسای 32:36؛ زەبوور 135:14
- h. 10:38 حەبەقوق 2:3-4
