عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- دەربازبوون ژ مرنێ بۆ ژیانێ
- 1
- هوین ژی ژ بەر سەرپێچی و گونەهێن خۆ د مری بوون،[a]
- 2
- دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای[b] ، ئەو گیانێ نوكە د ناڤ مرۆڤێن نەگوهدار دا كار دكەت.
- 3
- دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب جهـ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ[c] بووین.
- 4
- لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،
- 5
- دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.
- 6
- ژ بەر ئێكبوونا مە ل گەل مەسیح عیسای، خودێ ئەم ل گەل وی ژ مرنێ راكرین و ل گەل وی ل جهێن ئەسمانی روینشتاندین.
- 7
- خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.
- 8
- چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.
- 9
- ئەڤە نە ئەنجامێ كریارێن هەوەیە، دا چ كەس شانازیێ ب خۆ نەبەت.
- 10
- چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.
- هەمی باوەردار ئێكن ب رێكا مەسیحی
- 11
- -12 لەوما بیرا خۆ بینن كو دەمەكی هوین یێن ژ بنیاتێ خۆ نەجوهی د بێ مەسیح بوون. هوین ئەون یێن ب ‹سونەتنەكری[d] › دهێنە بناڤكرن ژ لایێ وان ڤە یێن ب ‹سونەتكری[e] › دهێنە بناڤكرن، ئەوێن ب كارێ دەستی د لەشی دا هاتینە سونەتكرن. وی دەمی هوین ژ هەڤوەڵاتینیا گەلێ ئیسرائیل د ڤەدەر بوون و ژ وان پەیمانێن[f] ل سەر سۆزا خودێ هاتینە دامەزراندن د بیانی بوون. هەوە هیڤی نەبوو و د جیهانێ دا د بێ خودێ بوون.
- 13
- لێ نوكە د ئێكبوونا ل گەل مەسیح عیسای دا، هوین یێن كو ل دەمەكی د دویر بوون، ب رێكا خوینا مەسیحی هاتنە نێزیك كرن.
- 14
- چنكو مەسیح ب خۆ ئەو ئاشتیە یا د ناڤبەرا مە دا. وی جوهی و نەجوهی كرنە ئێك و ب لەشێ خۆ دیوارێ ناڤبڕێ، ئانكو دوژمناتی، هەلوەشاند.
- 15
- وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا[g] ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێكەت[h]
- 16
- و ب خاچا خۆ هەردوویان د ئێك لەش دا ل گەل خودێ ئاشت بكەت، هۆسا وی دوژمناتی كوشت.[i]
- 17
- ئەو هات و مزگینیا ئاشتیێ بۆ هەوە یێن دویر و یێن نێزیك ژی ئینا.[j]
- 18
- چنكو ب رێكا مەسیحی، مە هەردوویان دەستویریا هەی، ب ئێك گیان[k] خۆ نێزیكی بابی بكەین.
- 19
- ئەڤجا ئێدی هوین نە خەلك و بیانینە، لێ هوین ل گەل پیرۆزكریان هەڤوەڵاتینە و ئەندامێن مالا خودێنە.
- 20
- هوین ل سەر بنیاتێ هنارتی و پێغەمبەران د ئاڤاكرینە و مەسیح عیسا ب خۆ بەرێ بنیاتیە.
- 21
- ب وی هەمی ئاڤاهی خۆ پێكڤە دگریت و مەزن دبیت، دا بۆ خودانی ببیتە پەرستگەهەكا پیرۆز.
- 22
- ب وی هوین ژی پێكڤە دهێنە ئاڤاكرن، دا ببنە خانیەك كو خودێ ب رێكا گیانێ خۆ تێدا ئاكنجی ببیت.
- a. 2:1 كۆلۆسی 2:13
- b. 2:2
q بەرگەبا: ئانكو ئەسمانێ نێزیكی ئەردی، ئەوێ با لێ هەی (الغلاف الجوي). مەبەست ژ سەروەرێ دەستهەلاتا وێ ئبلیسە. - c. 2:3 دەق و دەق: ‹زاڕۆكێن تۆڕەبوونێ بووین›.
- d. 2:11-12
q سونەتنەكری: مەبەست پێ نەجوهینە. - e. 2:11-12
q سونەتكری: مەبەست پێ جوهینە. - f. 2:11-12 ئەو پەیمانن یێن خودێ ل گەل ئیبراهیم و پاشی ل گەل مللەتێ ئیسرائیل گرێ داین. ل فەرهەنگۆكێ بنێڕە ئیبراهیم* و پەیمان*.
- g. 2:15 ئانكو ئێكبوونا جوهیان و نەجوهیان ل گەل وی.
- h. 2:15 كۆلۆسی 2:14
- i. 2:16 كۆلۆسی 1:20
- j. 2:17 ئیشایا 57:19
- k. 2:18 مەبەست پێ گیانێ پیرۆزە.
