عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- هەلبژارتنا حەفت كەسان بۆ هاریكاریا هنارتیان
- 1
- ل وان رۆژان، دەمێ شاگرد مشە دبوون، جوهیێن یونانی[a] نەرازیبوونا خۆ ل سەر عیبرانیان دیار كر، چنكو بیژنێن وان د هاریكاریێن رۆژانە دا دهاتنە پشت گوهـ ڤە ئێخستن.
- 2
- ئینا هەر دوازدە هنارتیان گازی كۆما شاگردان كر و گۆتنێ: «یا باش نینە، ئەم پەیڤا خودێ بهێلین داكو هاریكاریان بەڵاڤ بكەین.
- 3
- ئەڤجا گەلی برایان، د ناڤ خۆ دا حەفت زەڵامان هەلبژێرن كو ناڤودەنگێن وان یێ باش بیت و دپڕ بن ژ گیانێ پیرۆز و ئاقلمەندیێ، دا وان دانینە سەر ڤی كاری.
- 4
- لێ ئەم دێ ل سەر نڤێژان و خزمەتا پەیڤێ د بەردەوام بین.»
- 5
- ئەڤ پێشنیارە ب دلێ هەمی جەماوەری بوو، وان ژی: ستیڤانۆس، زەڵامەكێ پڕی باوەریێ و گیانێ پیرۆز، هەروەسا فیلیپۆس، پروخورس، نیكانور، تیمون، پەرمیناس و نیقولاوسێ ئەنتاكیایی ئەوێ بوویە جوهی، هەلبژارتن.
- 6
- جەماوەری ئەڤ هەر حەفتە ل بەرامبەر هنارتیان راوەستاندن، هنارتیان ژی نڤێژ كرن و دەستێن خۆ دانانە سەر وان.
- 7
- ئینا پەیڤا خودێ پتر بەڵاڤ دبوو و ژمارەیا شاگردان ل ئورشەلیمێ گەلەك زێدە دبوو، هەروەسا گەلەك ژ كاهنان ملكەچی باوەریێ بوون.
- گرتنا ستیڤانۆسی
- 8
- ستیڤانۆسێ پڕ ژ كەرەم و هێزێ، مەندەهۆشی و نیشانێن مەزن ل ناڤ مللەتی دكرن،
- 9
- لێ هندەك جوهیێن ‹كنیشتەیا[b] ئازادكریان› ژ قەیرەوانێ و ئەسكەندەریێ، ل گەل هندەكێن دی ژ هەرێمێن كیلیكیا و ئاسیا رابوون و گەنگەشە ل گەل ستیڤانۆسی كر.
- 10
- لێ ئەو نەشیان ل بەر ئاقلمەندیا وی و ئەو گیانێ پێ دئاخفت راوەستن.
- 11
- ئەڤجا وان هندەك زەڵام بەرتیل كرن دا ببێژن: «مە گوهـ ل ستیڤانۆسی بوو دەربارەی مووسای و خودێ كوفری دكرن.»
- 12
- هۆسا وان مللەت، ریهسپی و مامۆستایێن دەستووری ل ستیڤانۆسی ئاراندن. ئەڤجا گرت و ئینا جڤاتێ
- 13
- و هندەك شاهدێن درەوین ئینان و گۆتن: «ئەڤە بەردەوام ئاخفتنا دژی پەرستگەهێ و دەستوورێ مووسای دبێژیت،
- 14
- چنكو مە گوهـ لێ بوو یێ دبێژیت، كو عیسایێ ناسیرەیی دێ ڤێ پەرستگەهێ هەڕفینیت و ئەو داب و نەریتێن مە ژ مووسای وەرگرتین دێ گوهۆڕیت.»
- 15
- دەمێ ئەوێن ل جڤاتێ روینشتی بەرێ خۆ دایە دێمێ وی، دیتن هەروەكو دێمێ فریشتەیانە.
- a. 6:1
q جوهیێن یونانی: ئەون یێن ژ دەرڤەی ئەردێ ئیسرائیلێ دژیان و ب زمانێ یونانی دئاخفتن. - b. 6:9
q كنیشتە: جهێ پەرستنێ یێ جوهیان. ل فەرهەنگۆكێ بنێڕە.
