عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- مامۆستایێن درەوین
- 1
- گیان ب ئاشكرایی دبێژیت، كو د دەمێن دویماهیێ دا، هندەك دێ ژ باوەریێ پاشگەز[a] بن، دێ ب دویڤ گیانێن خاپینۆك و فێركرنێن ئەجنەیان كەڤن،
- 2
- ب رێكا دووڕویاتیا درەوینان، ئەوێن وژدانا وان هاتیە داخكرن[b] .
- 3
- ئەو هەڤژینیێ قەدەغە[c] دكەن و فەرمانا خۆ دویرئێخستنێ ژ هندەك خوارنان ددەن كو خودێ یێن ئافراندین، دا ب سوپاسیكرن ڤە ژ لایێ باوەردار و راستی نیاسان ڤە بهێنە خوارن.
- 4
- چنكو هەر تشتێ خودێ ئافراندی یێ باشە. پێدڤیە چ تشت نەهێتە رەتكرن، ئەگەر ب سوپاسیكرن ڤە بهێتە وەرگرتن،
- 5
- ژ بەر كو پەیڤا خودێ و نڤێژ وی تشتی پیرۆز دكەن.
- خزمەتكارێ باش یێ مەسیحی
- 6
- ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.
- 7
- خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.
- 8
- چنكو وەرزشا لەشی مفایێ هەی بۆ هندەك تشتان، لێ ژ خودێترسیێ مفایێ هەی بۆ هەمی تشتان، ژ بەر كو خودێترسیێ سۆز بۆ ژیانا ڤێ جیهانێ و جیهانا دی[d] هەیە.
- 9
- ئەڤ گۆتنە جهێ پشتڕاستیێیە و هەژیە ب تەمامی بهێتە قەبیلكرن.
- 10
- ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.
- 11
- ڤان تشتان راسپێرە و فێری وان بكە.
- 12
- بلا كەس سڤكاتیێ ب گەنجاتیا[e] تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.
- 13
- تا كو ئەز دهێم، خۆ بۆ خواندن[f] و هاندان و فێركرنێ تەرخان بكە.
- 14
- خەمساریێ نەكە د وێ بەهرەیا روحانی[g] یا د تە دا، ئەوا ب سرۆشێ خودێ بۆ تە هاتیە دان، دەمێ جڤاتا ریهسپیان دەستێن خۆ داناینە سەر تە.
- 15
- خەمێ ژ وان تشتان بخۆ و ل سەر بمینە، دا پێشكەفتنا تە بۆ هەمی كەسان یا دیار بیت.
- 16
- چاڤێ تە ل تە و فێركرنا تە بیت و ل سەر بەردەوام ببە، چنكو ئەگەر تۆ وە بكەی، دێ خۆ و ئەوێن تە دبهیسن ژی قورتال كەی.
- a. 4:1
q پاشگەز: ئەوێ ژ ئایینێ خۆ لێڤە دبیت، ب عەرەبی ‹مرتد›. - b. 4:2 ئانكو وژدانا وان یا بێ هەست و مریە.
- c. 4:3 فەلسەفەیەكا یونانیە دبێژیت هەمی تشتێن ماددی ب خرابیێ ڤە د گرێداینە، لەوما پەیوەندی ل گەل ژنێ ژی خرابیە.
- d. 4:8 دەق و دەق: ‹ژیانا نوكە و داهاتی›.
- e. 4:12 ل دویڤ دیتنا جوهیان، مرۆڤ تا نێزیكی 40 ساڵیێ هەر یێ گەنجە.
- f. 4:13 ئانكو پەرتووكا پیرۆز بۆ باوەرداران بخوینە.
- g. 4:14
q بەهرەیێن روحانی: شیانێن تایبەتن خودێ ددەتە باوەرداران. ل فەرهەنگۆكێ بنێڕە.
