عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- سڵاڤ
- 1
- ژ پاولۆس، سیلاس[a] و تیمۆتاوسی،
بۆ جڤاكا باوەردارێن[b] سالونیكیێ، یا خودایێ باب و خودان عیسایێ مەسیح:
كەرەم و ئاشتی ل سەر هەوە بن. - سوپاسیكرن ژ پێخەمەت باوەریا سالونیكیان
- 2
- ئەم هەردەم ژ پێخەمەت هەوە هەمیان سوپاسیا خودێ دكەین و بەردەوام د نڤێژێن خۆ دا هەوە دئینینە بیرا خۆ.
- 3
- ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.
- 4
- ئەم دزانین، گەلی خویشك و برایان، خۆشتڤیێن خودێ، كو وی هوین یێن هەلبژارتین،
- 5
- چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.
- 6
- هەوە ژی چاڤ ل مە و خودانی كر، د ناڤ گەلەك تەنگاڤیان دا، ب دلخۆشیا ژ گیانێ پیرۆز، پەیڤ قەبیل كر،[c]
- 7
- تاكو هوین بۆ هەمی باوەردارێن ل مەقدۆنیایێ و ئەخایایێ بووینە نموونە.
- 8
- چنكو دەنگێ پەیڤا خودانی ژ نك هەوە بەڵاڤ بوویە، نە ب تنێ گەهشتیە مەقدۆنیایێ و ئەخایایێ، لێ دەنگوباسێ باوەریا هەوە ب خودێ ل هەمی جهان بەڵاڤ بوویە و ئێدی پێدڤی نینە كو ئەم ئاخفتنەكێ ل سەر بێژین.
- 9
- چنكو خەلكێ وان دەڤەران بەحس دكەن، كا سەرەدانا مە بۆ هەوە چ كارتێكرن هەبوو و كا چەوا هوین ژ پووتان[d] بۆ خودێ ڤەگەڕیان، دا خودایێ زیندی یێ راستەقینە بپەرێسن
- 10
- و چاڤەڕێی كوڕێ وی بن كو دێ ژ ئەسمانان هێت، ئەوێ وی ژ ناڤ مریان راكری، عیسا، ئەوێ مە ژ تۆڕەبوونا دێ هێت قورتال دكەت.
- a. 1:1
q سیلاس: ب یونانی نڤیسیە ‹سیلوانۆس› كو ئەو ژی شێوازەكێ ناڤێ ‹سیلاس›یە. - b. 1:1
q جڤاكا باوەرداران: ئانكو كەنیسە. ل فەرهەنگۆكێ بنێڕە جڤاك*. - c. 1:6 كارێن هنارتیان 17:1-9
- d. 1:9
q پووتان: صەنەمان
