عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- بەرێ زیندی و گەلێ هەلبژارتی
- 1
- ئەڤجا هەر كینێ، هەر فێلبازیێ، دووڕویاتیێ، زكڕەشیێ و هەر جۆرەكێ بوهتانێ[a] ژ دلێ خۆ بهاڤێژن.
- 2
- -3 مادەم هەوە تام كریە كو خودان یێ باشە،[b] ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.
- 4
- هوین خۆ نێزیكی وی دكەن، یێ كو بەرەكێ زیندی یێ رەتكریە ژ لایێ مرۆڤان ڤە، لێ یێ هەلبژارتی و بهاگرانە ژ لایێ خودێ ڤە،
- 5
- ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.
- 6
- چنكو د نڤیسارێن پیرۆز دا دبێژیت:
«ئەڤە ئەز یێ ل سییۆنێ بەرەكێ بنیاتی، یێ هەلبژارتی و بهاگران، ددانم.
ئەوێ باوەریێ پێ بینیت، ئێكجار شەرمزار نابیت.»[c] - 7
- ئەڤجا ژ بۆ هەوە باوەرداران، ئەو یێ بهاگرانە، لێ ژ بۆ یێن نەباوەردار،
«ئەو بەرێ هۆستایان رەتكری،
یێ بوویە بەرێ بنیاتی،»[d] - 8
- و
«بەرێ هەلنگفتنێ
و كەڤرێ ئەگەرێ كەفتنا وان.»[e]
ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن. - 9
- لێ هوین دویندەهەكا[f] هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.[g]
- 10
- دەمەكی هوین نە گەل بوون،
لێ نوكە هوین گەلێ خودێنە.
دەمەكی دلۆڤانی ب هەوە نەدهاتە برن،
لێ نوكە دلۆڤانی ب هەوە هاتیە برن.[h] - وەكو بەنیێن خودێ بژین
- 11
- گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.
- 12
- بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.
- 13
- ژ بەر خاترا خودانی، خۆ ملكەچی هەر دەستهەلاتەكا مرۆڤكانی بكەن: چ بۆ پاشای، وەكو سەروەرێ ژ هەمیان بلندتر،
- 14
- یان بۆ والیان، وەكو هنارتیێن وی دا خرابكاران سزا بدەن و پەسنا بكەرێن كارێ باش بكەن.
- 15
- چنكو حەزا خودێ ئەڤەیە: ب كرنا باشیێ دەنگێ نەزانینا كەسێن دەبەنگ مت كەن.
- 16
- وەكو مرۆڤێن ئازاد بژین، لێ ئازادیێ نەكەنە پەردەیا ڤەشارتنا خرابكاریێ، بەلكو وەكو بەنیێن خودێ بژین.
- 17
- رێزێ ل هەمی مرۆڤان بگرن، حەز ژ برایەتیا باوەرداران بكەن، ژ خودێ بترسن، رێزێ ل پاشای بگرن.
- نموونەیا ئازاركێشانا مەسیحی
- 18
- گەلی بەنیان، ب هەمی رێزگرتن ملكەچی خودانێن خۆ بن، نە ب تنێ بۆ یێن باش و دلنەرم، لێ بۆ یێن دلڕەق ژی.
- 19
- چنكو جهێ رازیبوونێیە ئەگەر كەسەك ژ بەر وژدانا خۆ ل بەرامبەر خودێ، خۆ ل بەر ژانا ئازاردانەكا بێداد بگریت.
- 20
- ما ئەگەر هوین خرابیەكێ بكەن و ژ بەر وێ قوتانێ بخۆن و خۆ راگرن، چ شانازی تێدا هەیە؟ لێ ئەگەر هوین ل سەر كرنا باشیێ بهێنە ئازاردان و خۆ راگرن، ئەو تشت جهێ رازیبوونا خودێیە.
- 21
- بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب جهـ هێلا، دا ل دویڤ شووپا وی بچن،
- 22
- «ئەوێ چ گونەهـ نەكرین
و چ فێلبازی د دەڤی دا نەبوون.»[i] - 23
- دەمێ ئاخفتنێن كرێت دهاتنێ، وی ئاخفتنێن كرێت ل وان ڤەنەدگەڕاندن. دەمێ دهاتە ئازاردان، وی گەف نەدكرن، لێ خۆ رادەستی وی[j] دكر یێ دادوەرانە حوكمی ددەت.[k]
- 24
- وی ب خۆ ل سەر خاچێ[l] گونەهێن مە د لەشێ خۆ دا هەلگرتن، دا ئەم دەربارەی گونەهان بمرین و بۆ راستیێ بژین. ب برینێن وی هوین ساخ بوون.[m]
- 25
- چنكو هوین وەكو پەزێ بەرزەبووی بوون، لێ نوكە هوین ل شڤان و چاڤدێرێ گیانێ خۆ زڤڕین.
- a. 2:1
q بوهتان: تاوانباركرنا بێ بنیات - b. 2:2-3 زەبوور 34:8
- c. 2:6 ئیشایا 28:16
- d. 2:7 زەبوور 118:22
- e. 2:8 ئیشایا 8:14-15
- f. 2:9
q دویندەه: نەسل یان زوڕیەت، ل ڤێرێ مەبەست پێ ‹گەلێ خودێ› - g. 2:9 ئیشایا 43:20-21؛ دەركەفتن 19:5-6
- h. 2:10 هۆشێیەع 2:23
- i. 2:22 ئیشایا 53:9
- j. 2:23 مەبەست پێ خودێیە
- k. 2:23 ئیشایا 53:7
- l. 2:24
q ل سەر خاچێ: دەق و دەق: ‹ل سەر داری›. - m. 2:24 ئیشایا 53:5-6
