عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌رگه‌ پاكه‌كان بۆ سه‌رۆك كاهین 
1
ئینجا یه‌شوعی سه‌رۆك كاهینی پیشان دام كه‌ له‌به‌رده‌م فریشته‌ی یه‌زدان ڕاوه‌ستابوو، شه‌یتانیش له‌لای ده‌سته‌ ڕاستیه‌وه‌ ڕاوه‌ستا بوو تاكو تۆمه‌تباری بكات.
2
یه‌زدانیش به‌ شه‌یتانی فه‌رموو: «ئه‌ی شه‌یتان، یه‌زدان سه‌رزه‌نشتت بكات! ئه‌و یه‌زدانه‌ی كه‌ ئۆرشه‌لیمی هه‌ڵبژارد سه‌رزه‌نشتت بكات! ئایا ئه‌مه‌ مه‌شخه‌ڵێك نییه‌ له‌ ئاگره‌وه‌ ده‌ركێشرابێت؟»
3
یه‌شوع به‌ به‌رگێكی پیس له‌به‌رده‌م فریشته‌كه‌ ڕاوه‌ستابوو.
4
فریشته‌كه‌ به‌وانه‌ی فه‌رموو كه‌ له‌به‌رده‌می ڕاوه‌ستا بوون: «به‌رگه‌ پیسه‌كه‌ی له‌به‌ر داكه‌نن.»
ئینجا پێی فه‌رموو: «ته‌ماشا بكه‌، تاوانه‌كه‌تم له‌سه‌رت لابرد و به‌رگی گرانبه‌هام له‌به‌ركردوویت.»
5
منیش گوتم: «با مێزه‌رێكی پاك له‌سه‌ری بنێن.» ئینجا مێزه‌رێكی پاكیان له‌سه‌ری نا و به‌رگیان له‌به‌ركرد، فریشته‌كه‌ی یه‌زدانیش ڕاوه‌ستا بوو.
6
ئینجا فریشته‌كه‌ی یه‌زدان یه‌شوعی ڕاسپارد:
7
«یه‌زدانی سوپاسالار ئه‌مه‌ ده‌فه‌رموێت: ”ئه‌گه‌ر ڕێگاكانم بگریته‌به‌ر و كار به‌ فه‌رمانه‌كانی من بكه‌یت، ئه‌وا تۆش حوكم له‌سه‌ر ماڵه‌كه‌م ده‌كه‌یت و هه‌روه‌ها پارێزگاری له‌ په‌رستگاكه‌م ده‌كه‌یت و شوێنێكت ده‌ده‌مێ له‌نێو ئه‌مانه‌ی ڕاوه‌ستاون.
8
«”ئه‌ی یه‌شوعی سه‌رۆك كاهین، گوێ بگره‌، خۆت و كاهینه‌كانی هاوكارت كه‌ له‌به‌رده‌متدا دانیشتوون، ئێوه‌ نیشانه‌ی چاكه‌كانی داهاتوون، چونكه‌ من به‌نده‌كه‌ی خۆم ده‌هێنم، كه‌ ناوی لقه‌كه‌یه‌.
9
ته‌ماشا بكه‌ن، ئه‌و به‌رده‌ی كه‌ له‌به‌رده‌م یه‌شوع دامنا! حه‌وت چاو له‌سه‌ر ئه‌م به‌رده‌ هه‌یه‌ و من نه‌خشه‌كه‌ی له‌سه‌ر هه‌ڵده‌كۆڵم. له‌ یه‌ك ڕۆژ تاوانی ئه‌م زه‌وییه‌ ڕاده‌ماڵم.“ ئه‌وه‌ فه‌رمایشتی یه‌زدانی سوپاسالاره‌.»
10
«”له‌و ڕۆژه‌دا، هه‌ریه‌كه‌ بانگهێشتی هاوڕێكه‌ی ده‌كات بۆ ژێر دار مێو و ژێر دار هه‌نجیر.“ ئه‌وه‌ فه‌رمایشتی یه‌زدانی سوپاسالاره‌.»