عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پێشوازی له‌ یه‌كتری بكه‌ن 
1
ئه‌وه‌ی له‌ باوه‌ڕدا لاوازه‌ پێشوازیی لێ بكه‌ن، به‌بێ حوكمدانی بیروڕاكان.
2
هه‌یه‌ باوه‌ڕی به‌وه‌یه‌ هه‌موو شتێك بخوات، به‌ڵام ئه‌وه‌ی باوه‌ڕی لاوازه‌ ته‌نها سه‌وزه‌ ده‌خوات.
3
با بخۆر سووكایه‌تی به‌ نه‌خۆر نه‌كات، نه‌خۆریش بخۆر تاوانبار نه‌كات، چونكه‌ خودا پێشوازی لێكردووه‌.
4
تۆ كێی تاكو خزمه‌تكاری كه‌سێكی دیكه‌ حوكم بده‌یت؟ سه‌ركه‌وتن یان سه‌رنه‌كه‌وتنی خزمه‌تكار له‌ خزمه‌ته‌كه‌یدا په‌یوه‌ندی به‌ گه‌وره‌كه‌یه‌وه‌ هه‌یه‌، به‌ڵام سه‌رده‌كه‌وێت چونكه‌ مه‌سیحی خاوه‌ن شكۆ ده‌توانێت سه‌ریبخات.
5
كه‌سێك ڕۆژێك له‌ ڕۆژێكی دیكه‌ به‌ پیرۆزتر داده‌نێت، كه‌سێكی دیكه‌ هه‌موو ڕۆژێك له‌به‌رچاو ده‌گرێت. با هه‌ریه‌كه‌ له‌ بیروڕای خۆی دڵنیابێت.
6
ئه‌وه‌ی بایه‌خ به‌ ڕۆژ ده‌دات بۆ یه‌زدان بایه‌خ ده‌دات. ئه‌وه‌ی گوشت ده‌خوات بۆ یه‌زدان ده‌یخوات، چونكه‌ سوپاسی خودا ده‌كات. ئه‌وه‌ش كه‌ ناخوات بۆ یه‌زدان ناخوات و سوپاسی خودا ده‌كات،
7
له‌به‌ر ئه‌وه‌ی كه‌سمان بۆ خۆی ناژیێت، كه‌سیش بۆ خۆی نامرێت.
8
له‌به‌ر ئه‌وه‌ی ئه‌گه‌ر بژین بۆ مه‌سیحی خاوه‌ن شكۆ ده‌ژین، ئه‌گه‌ر بشمرین له‌ پێناوی ئه‌و ده‌مرین. كه‌واته‌ بژین یان بمرین، ئێمه‌ هی مه‌سیحین.
9
هه‌ر له‌به‌ر ئه‌م هۆیه‌ مه‌سیح مرد و زیندووبووه‌وه‌ تاكو ببێته‌ گه‌وره‌ی زیندووان و مردووان.
10
ئیتر تۆ بۆچی خوشكت یان براكه‌ت تاوانبار ده‌كه‌یت؟ یان بۆچی سووكایه‌تییان پێ ده‌كه‌یت؟ چونكه‌ هه‌موومان له‌به‌رده‌م ته‌ختی دادگایی خودا ڕاده‌وه‌ستین،
11
چونكه‌ نووسراوه‌:
{یه‌زدان ده‌فه‌رموێ: به‌ گیانی خۆم،
هه‌موو ئه‌ژنۆیه‌ك بۆ من چۆك داده‌دات،
هه‌موو زمانێك دان به‌ خودا ده‌نێت.}[a]
12
كه‌واته‌، هه‌ریه‌ك له‌ ئێمه‌ ده‌بێت حیسابی خۆی بداته‌ خودا.
لێپرسراوین به‌رامبه‌ر به‌ یه‌كتری 
13
له‌به‌ر ئه‌وه‌ ئیتر با یه‌كتری تاوانبار نه‌كه‌ین، به‌ڵكو باشتره‌ ئه‌م بڕیاره‌ بده‌ن: كۆسپ و ته‌گه‌ره‌ له‌به‌رده‌م برا دانه‌نرێت.
14
به‌هۆی عیسای خاوه‌ن شكۆوه‌ ده‌زانم و دڵنیام كه‌ هیچ شتێك له‌ خۆیدا گڵاو نییه‌، مه‌گه‌ر یه‌كێك به‌ گڵاوی بزانێت، ئه‌وه‌ له‌ لای ئه‌و گڵاوه‌.
15
ئه‌گه‌ر به‌هۆی خۆراكت خوشكت یان براكه‌ت دڵته‌نگ بێت، ئیتر به‌گوێره‌ی خۆشه‌ویستی ناژیت. جا به‌ خۆراكت ئه‌و كه‌سه‌ له‌ناو مه‌به‌ كه‌ مه‌سیح له‌ پێناوی مردووه‌.
16
مه‌هێڵن خه‌ڵكی به‌ خراپه‌ باسی شتێك بكات كه‌ بۆ ئێوه‌ چاكه‌،
17
چونكه‌ پاشایه‌تی خودا خواردن و خواردنه‌وه‌ نییه‌، به‌ڵكو ڕاستودروستی و ئاشتی و خۆشییه‌ له‌ ڕۆحی پیرۆزدا.
18
هه‌ركه‌سێك به‌م شێوه‌یه‌ خزمه‌تی مه‌سیح بكات، جێگای ڕه‌زامه‌ندی خودا ده‌بێت و خه‌ڵكیش متمانه‌ی پێ ده‌كه‌ن.
19
كه‌واته‌ با تێبكۆشین له‌ پێناوی ئه‌وه‌ی به‌ره‌و ئاشتی و بنیادنانی یه‌كترمان ده‌بات.
20
له‌ پێناوی خۆراك كاری خودا وێران مه‌كه‌. هه‌موو شته‌كان پاكن، به‌ڵام بۆ مرۆڤ ئه‌گه‌ر ببێته‌ كۆسپ خراپه‌ بیخوات.
21
باشه‌ گۆشت نه‌خۆیت و شه‌راب نه‌خۆیته‌وه‌ و شتێك نه‌كه‌یت ببێته‌ هۆكاری كه‌وتنی خوشكه‌كه‌ت یان براكه‌ت.
22
ئه‌و باوه‌ڕه‌ی هه‌ته‌، با له‌به‌رده‌م خودا بۆ خۆت بێت. خۆزگه‌ ده‌خوازرێت به‌وه‌ی خۆی تاوانبار ناكات له‌و شته‌ی كه‌ په‌سه‌ندی ده‌كات.
23
به‌ڵام ئه‌وه‌ی گومان بكات، ئه‌گه‌ر بخوات تاوانبار ده‌كرێت، چونكه‌ له‌ باوه‌ڕه‌وه‌ نییه‌. هه‌رشتێك له‌ باوه‌ڕه‌وه‌ نه‌بێت گوناهه‌.
  1. a. 14‏:11 \+xt ئیشایا 45‏:23.‏\+xt*‏