عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
یه‌زدان پاشایه‌تی ده‌كات،
با گه‌لان بله‌رزن،
له‌نێوان كه‌ڕوبه‌كان له‌سه‌ر ته‌خت دانیشتووه‌،
با زه‌وی بهه‌ژێت.
2
یه‌زدان مه‌زنه‌ له‌ سییۆن،
به‌رزه‌ و به‌سه‌ر هه‌موو گه‌لانه‌وه‌یه‌.
3
با ستایشی ناوه‌ مه‌زن و سامناكه‌كه‌ت بكه‌ن،
ئه‌و پیرۆزه‌.
4
پاشا به‌هێزه‌، حه‌ز له‌ دادپه‌روه‌ری ده‌كات.
تۆ ڕاست و ڕێكیت چه‌سپاند،
تۆ دادپه‌روه‌ری و ڕاستودروستیت له‌ناو یاقوب دروستكردووه‌.
5
یه‌زدانی په‌روه‌ردگارمان به‌رز بكه‌نه‌وه‌،
له‌ ته‌خته‌پێی كڕنۆش ببه‌ن،
ئه‌و پیرۆزه‌.
6
موسا و هارون له‌ناو كاهینه‌كانی ئه‌ون،
ساموئێل له‌ناو ئه‌و كه‌سانه‌یه‌ به‌ ناوی ئه‌و ده‌پاڕێنه‌وه‌.
له‌ یه‌زدان پاڕانه‌وه‌،
ئه‌ویش وه‌ڵامی دانه‌وه‌،
7
به‌ ستوونی هه‌ور قسه‌ی له‌گه‌ڵ كردن،
یاساكه‌یان په‌یڕه‌و كرد، هه‌روه‌ها ئه‌و فه‌رزه‌ی پێیدان.
8
ئه‌ی یه‌زدانی په‌روه‌ردگارمان، تۆ وه‌ڵامت دانه‌وه‌،
خودایه‌كی لێبورده‌ بوویت و
تۆڵه‌سێنه‌ر بوویت له‌سه‌ر كرده‌وه‌كانیان.
9
یه‌زدانی په‌روه‌ردگارمان به‌رز بكه‌نه‌وه‌،
كڕنۆش بۆ چیای پیرۆزی ببه‌ن،
چونكه‌ یه‌زدانی په‌روه‌ردگارمان پیرۆزه‌.