عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
بۆچی نه‌ته‌وه‌كان ده‌وروژێن و
گه‌لان پیلان له‌ شتی پووچ ده‌گێڕن؟
2
پاشایانی زه‌وی خۆیان ڕێك ده‌خه‌ن،
سه‌رۆكه‌كانیان پێكه‌وه‌ كۆده‌بنه‌وه‌
له‌ دژی یه‌زدان و مه‌سیحه‌كه‌ی[a] و ده‌ڵێن:
3
«با كۆته‌كانیان بشكێنین و
زنجیره‌كانیان له‌ خۆمان بكه‌ینه‌وه‌.»
4
ئه‌وه‌ی له‌ ئاسمان دانیشتووه‌ پێده‌كه‌نێت،
په‌روه‌ردگار گاڵته‌یان پێ ده‌كات.
5
ئینجا به‌ تووڕه‌یی خۆی قسه‌یان بۆ ده‌كات،
به‌ هه‌ڵچوونی خۆی ده‌یانتۆقێنێت:
6
«من پاشای خۆمم له‌سه‌ر سییۆن[b] داناوه‌،
له‌سه‌ر كێوی پیرۆزی خۆم.»
7
من فه‌رمانی یه‌زدانتان پێ ڕاده‌گه‌یه‌نم:
پێی فه‌رمووم: «تۆ كوڕی منی،
من ئه‌مڕۆ بوومه‌ باوكت.
8
داوام لێ بكه‌، نه‌ته‌وه‌كان ده‌كه‌م به‌ میراتت،
ئه‌وپه‌ڕی زه‌وی ده‌كه‌م به‌ موڵكی تۆ.
9
به‌ گۆچانێكی ئاسنین ده‌یانشكێنیت و
وه‌ك گۆزه‌یه‌كی گڵین وردوخاشیان ده‌كه‌یت.»
10
بۆیه‌، ئه‌ی پاشایان، وریابن،
سه‌رۆكه‌كانی زه‌وی، ئاگاداربن.
11
به‌ ترسه‌وه‌ یه‌زدان بپه‌رستن،
به‌ له‌رزه‌وه‌ دڵخۆش بن.
12
كوڕه‌كه‌ ماچ[c] بكه‌ن، نه‌وه‌ك تووڕه‌ ببێت و
له‌ ڕێگای خۆتان بفه‌وتێن،
چونكه‌ تووڕه‌یی ئه‌و زوو دێته‌ جۆش.
خۆزگه‌ ده‌خوازرێ به‌ هه‌موو ئه‌وانه‌ی په‌نا ده‌به‌نه‌ به‌ر ئه‌و.
  1. a. 2‏:2 به‌ زمانی عیبری پێی ده‌گوترێ \+tl مه‌شیخ \+tl*یان \+tl مه‌شیح\+tl*، واته‌ هه‌ڵبژێردراو به‌ ده‌ستی پێغه‌مبه‌ر و به‌ چه‌وركردن به‌ ڕۆن بۆ پاشایه‌تی، بڕوانه‌\+xt ده‌رچوون 30‏:22‏-31‏ و یه‌كه‌م ساموئێل 9‏:16؛ 10‏:1.‏\+xt*‏
  2. b. 2‏:6 سییۆن یان زایۆن، چیاكه‌ له‌ ئۆرشه‌لیم، وه‌ك نازناو بۆ ئۆرشه‌لیم به‌كاردێت.
  3. c. 2‏:12 ماچكردنی پێی كوڕی پاشا وه‌ك ملكه‌چبوونی.