عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
قه‌هاتییه‌كان 
1
یه‌زدان به‌ موسا و هارونی فه‌رموو:
2
«سه‌رژمێری نه‌وه‌ی قه‌هات له‌نێو نه‌وه‌ی لێڤییه‌كان بكه‌ن، به‌گوێره‌ی خێڵه‌كانیان و بنه‌ماڵه‌كانیان،
3
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ، هه‌موو ئه‌وانه‌ی ده‌توانن بچن بۆ خزمه‌ت هه‌تا له‌ چادری چاوپێكه‌وتن كار بكه‌ن.
4
«نه‌وه‌ی قه‌هات خزمه‌تی شته‌ هه‌ره‌پیرۆزه‌كانی ناو چادری چاوپێكه‌وتن ده‌كه‌ن.
5
هارون و كوڕه‌كانی له‌ كاتی كۆچكردنی ئۆردوگا دێن و په‌رده‌كه‌ی شوێنی هه‌ره‌پیرۆز هه‌ڵده‌گرنه‌وه‌ و سندوقی شایه‌تی پێ داده‌پۆشن.
6
ئینجا پۆشه‌ره‌كه‌ی له‌ پێستی مانگای ده‌ریا به‌سه‌ردا ده‌ده‌ن و له‌سه‌ر ئه‌وه‌شه‌وه‌ قوماشێك هه‌مووی ڕیسی مۆر بێت ڕایده‌خه‌ن و داره‌كانیشی ده‌خه‌نه‌ شوێنی خۆی.
7
«له‌سه‌ر مێزی نانی ته‌رخانكراو بۆ خودا قوماشێكی له‌ ڕیسی مۆر ڕاده‌خه‌ن و له‌گه‌ن و قاپ و تاس و دۆلكه‌كانی شه‌رابی پێشكه‌شكراوی له‌سه‌ری داده‌نێن و به‌رده‌وام نانه‌كه‌ی له‌سه‌ر ده‌بێت.
8
قوماشێكی سووری ئاڵیشی له‌سه‌ر ڕاده‌خه‌ن و به‌ پۆشه‌رێك له‌ پێستی مانگای ده‌ریا دای ده‌پۆشن و داره‌كانی ده‌خه‌نه‌ شوێنی خۆی.
9
«قوماشێك له‌ ڕیسی مۆر ده‌به‌ن و چرادانه‌كه‌ی ڕووناكی و چراكانی و مه‌قاش و مه‌قه‌ڵی و هه‌موو قاپوقاچاغه‌كانی زه‌یته‌كه‌ی كه‌ خزمه‌تی پێ ده‌كه‌ن داده‌پۆشن.
10
له‌گه‌ڵ هه‌موو قاپوقاچاغه‌كه‌ی ده‌یخه‌نه‌ ناو پۆشه‌رێك له‌ پێستی مانگای ده‌ریا و ده‌یخه‌نه‌ سه‌ر هه‌ڵگرێك.
11
«له‌سه‌ر قوربانگا زێڕینه‌كه‌ش قوماشێكی ڕیسی مۆر ڕاده‌خه‌ن و به‌ پۆشه‌رێك له‌ پێستی مانگای ده‌ریا دایده‌پۆشن و داره‌كانی ده‌خه‌نه‌ شوێنی خۆی.
12
«هه‌موو قاپوقاچاغه‌كانی خزمه‌تكردن كه‌ خزمه‌تی پێ ده‌كه‌ن له‌ پیرۆزگا ده‌یبه‌ن و له‌ناو قوماشێكی ڕیسی مۆر دایده‌نێن و به‌ پۆشه‌رێك له‌ پێستی مانگای ده‌ریا دای ده‌پۆشن و ده‌یخه‌نه‌ سه‌ر هه‌ڵگرێك.
13
«خۆڵه‌مێشی قوربانگا بڕۆنزییه‌كه‌ش هه‌ڵده‌گرن و قوماشێكی ئه‌رخه‌وانی له‌سه‌ر ڕاده‌خه‌ن.
14
هه‌موو قاپوقاچاغه‌كانی كه‌ له‌ قوربانگاكه‌ بۆ خزمه‌ت به‌كاریده‌هێنن ده‌یخه‌نه‌ سه‌ری، مه‌قه‌ڵییه‌كان، چه‌نگاڵه‌كان، خاكه‌نازه‌كان و تاسه‌كان[a] ، هه‌موو قاپوقاچاغی قوربانگاكه‌، پۆشه‌رێك له‌ پێستی مانگای ده‌ریاشی به‌سه‌ردا ڕاده‌خه‌ن و داره‌كانی ده‌خه‌نه‌ شوێنی خۆی.
15
«كاتێك هارون و كوڕه‌كانی له‌ پۆشینی پیرۆزگاكه‌ و هه‌موو قاپوقاچاغی پیرۆزگاكه‌ ده‌بنه‌وه‌، له‌ كاتی كۆچكردنی ئۆردوگاكه‌، ئینجا نه‌وه‌ی قه‌هات بۆ هه‌ڵگرتن دێن، به‌ڵام ده‌ست له‌ شته‌ پیرۆزكراوه‌كان ناده‌ن نه‌وه‌ك بمرن، ئه‌وه‌ بارهه‌ڵگرتنی نه‌وه‌ی قه‌هاته‌ له‌ چادری چاوپێكه‌وتن.
16
«ئه‌لعازاری كوڕی هارونی كاهینیش سه‌رپه‌رشتی زه‌یتی ڕووناكی، بخووره‌ بۆنخۆشه‌كه‌، پێشكه‌شكراوی دانه‌وێڵه‌ی به‌رده‌وام و زه‌یتی ده‌ستنیشانكردن ده‌كات. هه‌روه‌ها سه‌رپه‌رشتی هه‌موو چادره‌كه‌ی په‌رستن ده‌كات، هه‌موو ئه‌وه‌ی تێیدایه‌، به‌ شتومه‌كه‌ پیرۆزه‌كانی و قاپوقاچاغه‌كانییه‌وه‌.»
17
هه‌روه‌ها یه‌زدان به‌ موسا و هارونی فه‌رموو:
18
«خێڵه‌كانی قه‌هاتییه‌كان له‌نێو لێڤییه‌كان دامه‌بڕن،
19
به‌ڵكو ئه‌مه‌یان بۆ بكه‌ن، جا ده‌ژین و له‌ كاتی نزیككه‌وتنه‌وه‌یان له‌ شته‌ هه‌ره‌پیرۆزه‌كان نامرن، هارون و كوڕه‌كانی ده‌چنه‌ ژووره‌وه‌ی پیرۆزگاكه‌ و هه‌ركه‌سێك له‌سه‌ر خزمه‌ته‌كه‌ی و باره‌كه‌ی داده‌نێن.
20
به‌ڵام بۆ ساتێك قه‌هاتییه‌كان ناچنه‌ ژووره‌وه‌ بۆ ئه‌وه‌ی شته‌ پیرۆزكراوه‌كان ببینن نه‌وه‌ك بمرن.»
گێرشۆنییه‌كان 
21
یه‌زدان به‌ موسای فه‌رموو:
22
«سه‌رژمێری نه‌وه‌ی گێرشۆنیش بكه‌ به‌گوێره‌ی بنه‌ماڵه‌ و خێڵه‌كانیان،
23
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ تۆمار ده‌كه‌یت، هه‌موو ئه‌وانه‌ی بچنه‌ خزمه‌ت هه‌تا له‌ چادری چاوپێكه‌وتندا خزمه‌ت بكه‌ن.
24
«ئه‌مه‌ش خزمه‌تی خێڵه‌كانی گێرشۆنییه‌كانه‌ له‌ خزمه‌ت و له‌ بارهه‌ڵگرتن،
25
پڵاسه‌كانی چادره‌كه‌ی په‌رستن و چادری چاوپێكه‌وتن و پۆشه‌ره‌كه‌ی و پۆشه‌ره‌ پێست مانگای ده‌ریاكه‌ كه‌ له‌ سه‌ره‌وه‌ له‌سه‌ریه‌تی و په‌رده‌كه‌ی ده‌روازه‌ی چادری چاوپێكه‌وتن هه‌ڵده‌گرن.
26
هه‌روه‌ها په‌رده‌كانی حه‌وشه‌كه‌، ئه‌وانه‌ی له‌ ده‌وری چادری په‌رستن و له‌ ده‌وری قوربانگاكه‌ن به‌ چوارده‌وریدا، په‌رده‌ی ده‌روازه‌ی حه‌وشه‌كه‌، له‌گه‌ڵ گوریسه‌كانی و هه‌موو ئه‌وه‌ی له‌گه‌ڵیدا بۆ خزمه‌ت به‌كارده‌هێنرێت، هه‌موو ئه‌وه‌ی بۆیان دیاری ده‌كرێت، گێرشۆنییه‌كان ده‌یكه‌ن.
27
هه‌موو خزمه‌تی نه‌وه‌ی گێرشۆنییه‌كان چ له‌ بارهه‌ڵگرتن یان هه‌ر كارێكی دیكه‌ به‌ سه‌رپه‌رشتی هارون و كوڕه‌كانی ده‌بێت، تۆش دیاریكردنی به‌رپرسیاریێتی هه‌موو باره‌كانی خۆیان پێ ده‌سپێریت،
28
ئه‌مه‌ خزمه‌تی خێڵه‌كانی نه‌وه‌ی گێرشۆنییه‌كانه‌ له‌ چادری چاوپێكه‌وتن و ئیتاماری كوڕی هارونی كاهین سه‌رپه‌رشتییان ده‌كات.
مه‌رارییه‌كان 
29
«نه‌وه‌ی مه‌راری به‌گوێره‌ی خێڵه‌كانیان و بنه‌ماڵه‌كانیان تۆماریان ده‌كه‌یت.
30
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ تۆمار ده‌كه‌یت، هه‌موو ئه‌وانه‌ی ده‌چنه‌ خزمه‌ت هه‌تا خزمه‌ته‌كه‌ی چادری چاوپێكه‌وتن بكه‌ن.
31
ئه‌مه‌ش به‌رپرسیاریێتی خزمه‌ته‌كه‌یانه‌ له‌ چادری چاوپێكه‌وتن، چوارچێوه‌كانی چادره‌كه‌ی په‌رستن و كاریته‌كانی، كۆڵه‌كه‌كانی، بناغه‌كانی،
32
كۆڵه‌كه‌كانی حه‌وشه‌كه‌ به‌ چوارده‌وریدا، بناغه‌كانی، سنگه‌كانی و گوریسه‌كانی له‌گه‌ڵ هه‌موو قاپوقاچاغ و هه‌موو ئه‌وه‌ی له‌گه‌ڵیدا به‌كارده‌هێنرێت. به‌ ناویش هه‌ر پیاوێك دیاری ده‌كه‌یت بۆ ئه‌و شته‌ی پێویسته‌ هه‌ڵیبگرێت.
33
ئه‌مه‌ خزمه‌تی خێڵه‌كانی نه‌وه‌ی مه‌رارییه‌، هه‌موو خزمه‌ته‌كه‌یان له‌ چادری چاوپێكه‌وتن به‌ سه‌رپه‌رشتی ئیتامار كوڕی هارونی كاهینه‌.»
تۆماركردنی خێڵه‌كانی لێڤییه‌كان 
34
جا موسا و هارون و ڕابه‌ره‌كانی كۆمه‌ڵ نه‌وه‌ی قه‌هاتییه‌كانیان تۆمار كرد، به‌گوێره‌ی خێڵه‌كانیان و بنه‌ماڵه‌كانیان،
35
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ، هه‌موو ئه‌وانه‌ی ده‌چنه‌ خزمه‌ته‌وه‌ بۆ خزمه‌تكردن له‌ چادری چاوپێكه‌وتن.
36
جا تۆماركراوه‌كانیان به‌گوێره‌ی خێڵه‌كانیان دوو هه‌زار و حه‌وت سه‌د و په‌نجا كه‌س بوون.
37
ئه‌وانه‌ تۆماركراوه‌كانن له‌ خێڵه‌كانی قه‌هاتییه‌كان، هه‌موو ئه‌وانه‌ی له‌ چادری چاوپێكه‌وتندا خزمه‌ت ده‌كه‌ن، ئه‌وانه‌ی موسا و هارون به‌گوێره‌ی فه‌رمایشتی یه‌زدان له‌سه‌ر ده‌ستی موسا تۆماریان كردن.
38
تۆماركراوه‌كانی نه‌وه‌ی گێرشۆنیش به‌گوێره‌ی خێڵه‌كانیان و بنه‌ماڵه‌كانیان،
39
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ، هه‌موو ئه‌وانه‌ی ده‌چنه‌ خزمه‌ته‌وه‌ بۆ خزمه‌تكردن له‌ چادری چاوپێكه‌وتن،
40
تۆماركراوه‌كانیان به‌گوێره‌ی خێڵه‌كانیان و بنه‌ماڵه‌كانیان دوو هه‌زار و شه‌ش سه‌د و سی كه‌س بوون.
41
ئه‌وانه‌ تۆماركراوه‌كانن له‌ خێڵه‌كانی نه‌وه‌ی گێرشۆن، هه‌موو ئه‌وانه‌ی له‌ چادری چاوپێكه‌وتندا خزمه‌ت ده‌كه‌ن، ئه‌وانه‌ی موسا و هارون به‌گوێره‌ی فه‌رمایشتی یه‌زدان تۆماریان كردن.
42
تۆماركراوان له‌ خێڵه‌كانی نه‌وه‌ی مه‌راریش به‌گوێره‌ی خێڵه‌كانیان و بنه‌ماڵه‌كانیان
43
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ، هه‌موو ئه‌وانه‌ی ده‌چنه‌ خزمه‌ته‌وه‌ بۆ خزمه‌تكردن له‌ چادری چاوپێكه‌وتندا،
44
تۆماركراوه‌كانیان به‌گوێره‌ی خێڵه‌كانیان سێ هه‌زار و دوو سه‌د كه‌س بوون.
45
ئه‌وانه‌ تۆماركراوه‌كانن له‌ خێڵه‌كانی نه‌وه‌ی مه‌راری كه‌ موسا و هارون به‌گوێره‌ی فه‌رمایشتی یه‌زدان له‌سه‌ر ده‌ستی موسا تۆماریان كردن.
46
هه‌موو تۆماركراوه‌كانی لێڤییه‌كان كه‌ موسا و هارون و سه‌ركرده‌كانی ئیسرائیل تۆماریان كردن به‌گوێره‌ی خێڵه‌كانیان و بنه‌ماڵه‌كانیان،
47
له‌ پیاوی سی ساڵ به‌ره‌و سه‌ره‌وه‌ هه‌تا په‌نجا ساڵ، هه‌موو ئه‌وانه‌ی ده‌چنه‌ خزمه‌ته‌وه‌ بۆ كاری خزمه‌ت و كاری بارهه‌ڵگرتن له‌ چادری چاوپێكه‌وتندا،
48
تۆماركراوان لێیان هه‌شت هه‌زار و پێنج سه‌د و هه‌شتا كه‌س بوون.
49
به‌پێی فه‌رمایشتی یه‌زدان له‌سه‌ر ده‌ستی موسا، هه‌ركه‌سێك به‌گوێره‌ی خزمه‌ته‌كه‌ی و بارهه‌ڵگرتنه‌كه‌ی تۆماركرا.
به‌م شێوه‌یه‌ موسا تۆماری كردن وه‌ك چۆن یه‌زدان فه‌رمانی پێ كرد.
  1. a. 4‏:14 كاهین ئه‌م تاسانه‌ی بۆ پرژاندنی خوێنی قوربانی به‌كارده‌هێنا، وه‌ك هێمایه‌ك بۆ كه‌فاره‌تی گوناهه‌كانی خه‌ڵك. بڕوانه‌ \+xt ده‌رچوون 29‏:20 و زه‌كه‌ریا 9‏:15؛ 14‏:20 و عیبرانییه‌كان 9‏:13‏\+xt*‏.