عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
تووڕه‌بوونی یونس به‌هۆی به‌زه‌یی یه‌زدان 
1
به‌ڵام ئه‌مه‌ یونسی زۆر په‌ست كرد و ڕقی هه‌ستا.
2
نزای بۆ یه‌زدان كرد و گوتی: «ئای ئه‌ی یه‌زدان، ئایا ئه‌مه‌ قسه‌ی من نه‌بوو كه‌ هێشتا له‌ خاكی خۆمدا بووم؟ له‌به‌ر ئه‌وه‌ هه‌وڵی هه‌ڵاتنم دا بۆ ته‌رشیش، چونكه‌ زانیم تۆ خودایه‌كی میهره‌بانیت و به‌ به‌زه‌ییت، پشوودرێژیت و خۆشه‌ویستییه‌ نه‌گۆڕه‌كه‌ت زۆره‌، له‌ خراپه‌هێنان به‌سه‌ر خه‌ڵكی پاشگه‌ز ده‌بیته‌وه‌.
3
ئێستاش ئه‌ی یه‌زدان، گیانم لێ بستێنه‌، چونكه‌ مردنم باشتره‌ له‌ ژیانم.»
4
یه‌زدانیش فه‌رمووی: «ئایا كارێكی باشه‌ تووڕه‌ بیت؟»
5
ئینجا یونس له‌ شاره‌كه‌ چووه‌ ده‌ره‌وه‌ و له‌ ڕۆژهه‌ڵاتی شاره‌كه‌ دانیشت، له‌وێ كه‌پرێكی بۆ خۆی دروستكرد و له‌ژێر سێبه‌ره‌كه‌یدا دانیشت، بۆ ئه‌وه‌ی ببینێت چی له‌ شاره‌كه‌دا ڕووده‌دات.
6
یه‌زدانی په‌روه‌ردگاریش ڕووه‌كێكی ئاماده‌ كرد و له‌سه‌ر یونس به‌رزی كرده‌وه‌، هه‌تا ببێته‌ سێبه‌ر له‌ سه‌ری، بۆ ئه‌وه‌ی له‌ خه‌مه‌كه‌ی ده‌ربازی بكات. یونسیش زۆر دڵی به‌ ڕووه‌كه‌كه‌ خۆش بوو.
7
به‌ڵام خودا له‌ به‌ره‌به‌یاندا كرمێكی ئاماده‌ كرد، كرمه‌كه‌ له‌ ڕووه‌كه‌كه‌ی دا و وشكی كرد.
8
له‌ كاتی خۆر هه‌ڵاتندا خودا بایه‌كی ڕۆژهه‌ڵاتی گه‌رمی ئاماده‌ كرد، هه‌تاو له‌سه‌ری یونسی دا و گێژی كرد، ئه‌ویش داوای مردنی بۆ خۆی كرد و گوتی: «مردنم باشتره‌ له‌ ژیانم.»
9
خوداش به‌ یونسی فه‌رموو: «ئایا كارێكی باشه‌ له‌به‌ر ڕووه‌كه‌كه‌ تووڕه‌ بیت؟»
ئه‌ویش گوتی: «به‌ڵێ، هه‌تا بڵێی كارێكی باشه‌.»
10
یه‌زدانیش فه‌رمووی: «تۆ دڵت به‌ ڕووه‌كه‌كه‌ سووتا كه‌ پێوه‌ی ماندوو نه‌بوویت و به‌خێوت نه‌كردووه‌، به‌ یه‌ك شه‌و بوو، هه‌ر به‌ یه‌ك شه‌ویش له‌ناوچوو.
11
ئه‌ی باشه‌ نه‌ینه‌وا، ئه‌و شاره‌ مه‌زنه‌ كه‌ زیاد له‌ سه‌د و بیست هه‌زار كه‌سی تێدایه‌، ڕاستیان له‌ چه‌پیان جیا ناكه‌نه‌وه‌، هه‌روه‌ها ئه‌و هه‌موو ئاژه‌ڵه‌ زۆره‌ش كه‌ تێیدایه‌، دڵم پێیان نه‌سووتێت؟»