عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ئاشتبوونه‌وه‌ی هۆشه‌ع له‌گه‌ڵ ژنه‌كه‌ی 
1
یه‌زدان پێی فه‌رمووم: «دیسان بڕۆ ژنه‌كه‌ت خۆشبوێته‌وه‌، هه‌رچه‌نده‌ خاوه‌نی دۆسته‌ و داوێنپیسه‌، وه‌ك خۆشه‌ویستی یه‌زدان بۆ نه‌وه‌ی ئیسرائیل، ئه‌وانیش ڕوویان له‌ خوداكانی دیكه‌ كردووه‌ و نانی كشمیشیان[a] خۆشده‌وێت.»
2
منیش دیسان به‌ پازده‌ شاقل زیو و بارێك و دوو قه‌زناخ[b] جۆ كڕیمه‌وه‌،
3
پێم گوت: «ماوه‌یه‌كی درێژ له‌گه‌ڵ من ده‌ژیت، بێ ئه‌وه‌ی داوێنپیسی بكه‌یت و بۆ هیچ پیاوێك بیت، هه‌روه‌ها منیش به‌ هه‌مان شێوه‌ ده‌بم بۆت.»
4
ئه‌مه‌ش له‌به‌ر ئه‌وه‌ی ماوه‌یه‌كی درێژ نه‌وه‌ی ئیسرائیل به‌بێ پاشا یان میر، به‌بێ قوربانی و به‌رده‌ ته‌رخانكراوه‌كان[c] ، به‌بێ ئێفۆد و ته‌رافیم[d] ده‌مێننه‌وه‌.
5
پاش ئه‌وه‌ نه‌وه‌ی ئیسرائیل ده‌گه‌ڕێنه‌وه‌ و ڕوو له‌ یه‌زدانی په‌روه‌ردگاریان و داودی پاشایان ده‌كه‌ن، له‌ ڕۆژانی كۆتاییدا به‌ له‌رزه‌وه‌ ڕوو له‌ یه‌زدان و چاكه‌كه‌ی ده‌كه‌ن.
  1. a. 3‏:1 نانی كشمیش بۆ به‌عل پێشكه‌ش ده‌كرا وه‌ك سوپاسگوزاری بۆ دروێنه‌ و خه‌رمان.
  2. b. 3‏:2 نزیكه‌ی 330 كیلۆگرام.
  3. c. 3‏:4 به‌ردی به‌ ستوونی دانراو بۆ په‌رستن. بڕوانه‌ دواوتار 16‏:21‏-22.
  4. d. 3‏:4 ئێفۆد، له‌\+xt ده‌رچوون 28‏:12‏\+xt*‏دا ئه‌م جلوبه‌رگه‌ هێمای نوێنه‌رایه‌تی كاهین بوو بۆ گه‌لی خودا، به‌ڵام \+tl ته‌رافیم\+tl* جۆرێك بت بووه‌ له‌ناو ماڵه‌وه‌، له‌ شێوه‌ی مرۆڤ بووه‌. ده‌شێت له‌و سه‌رده‌مه‌دا گه‌لی ئیسرائیل له‌ نه‌ریتی ئایینه‌كانی دیكه‌وه‌ وه‌ریانگرتبێ.