عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
كاتێك ڕه‌حه‌ڤه‌عام گه‌یشته‌ ئۆرشه‌لیم، بنه‌ماڵه‌ی یه‌هودا و بنیامینی كۆكرده‌وه‌، سه‌د و هه‌شتا هه‌زار جه‌نگاوه‌ری هه‌ڵبژارد، هه‌تا له‌ دژی ئیسرائیل بجه‌نگن و پاشایه‌تییه‌كه‌ بۆ ڕه‌حه‌ڤه‌عام بگه‌ڕێننه‌وه‌.
2
به‌ڵام په‌یامی یه‌زدان بۆ شه‌مه‌عیای پیاوی خودا هات:
3
«به‌ ڕه‌حه‌ڤه‌عامی كوڕی سلێمان، پاشای یه‌هودا و به‌ هه‌موو نه‌وه‌ی ئیسرائیل له‌ یه‌هودا و بنیامین بڵێ،
4
”یه‌زدان ئه‌مه‌ ده‌فه‌رموێت: مه‌چن و له‌ دژی براكانتان مه‌جه‌نگن. هه‌ریه‌كه‌ و بۆ ماڵه‌كه‌ی خۆی بگه‌ڕێته‌وه‌، چونكه‌ ئه‌مه‌ له‌لایه‌ن منه‌وه‌یه‌.“» ئه‌وانیش گوێڕایه‌ڵی فه‌رمایشتی یه‌زدان بوون و هێرشیان نه‌كرده‌ سه‌ر یارۆڤعام و كشانه‌وه‌.
قه‌ڵابه‌ند كردنه‌وه‌ی شارۆچكه‌كانی یه‌هودا 
5
ڕه‌حه‌ڤه‌عام له‌ ئۆرشه‌لیم نیشته‌جێ بوو و له‌ یه‌هودا چه‌ند شارێكی قه‌ڵابه‌ندی بنیاد نایه‌وه‌،
6
وه‌ك بێت‌له‌حم، عێتام، ته‌قۆعه‌،
7
بێت‌چوور، سۆخۆ، عه‌دولام،
8
گه‌ت، مارێشا، زیف،
9
ئه‌دۆره‌یم، لاخیش، عه‌زێقا،
10
چۆرعا، ئه‌یالۆن و حه‌برۆن. ئه‌م شاره‌ قه‌ڵابه‌ندانه‌ له‌ناو خاكی یه‌هودا و بنیامین بوون.
11
جا قه‌ڵاكانی به‌هێز كرد و فه‌رمانده‌كان و ئه‌مباره‌كانی خواردن و زه‌یت و شه‌رابی تێیاندا دانا.
12
له‌ هه‌موو شارێكیش قه‌ڵغان و ڕمی دانا و زۆر به‌هێزی كردن، یه‌هودا و بنیامینی له‌ژێر ده‌سه‌ڵاتی خۆی هێشته‌وه‌.
13
كاهین و لێڤییه‌كانیش له‌ هه‌موو سنووره‌كانی خۆیانه‌وه‌ له‌ سه‌رتاسه‌ری ئیسرائیلدا هاتن و لایه‌نگری ئه‌میان كرد.
14
هه‌روه‌ها لێڤییه‌كان له‌وه‌ڕگاكانیان و موڵكه‌كانیان به‌جێهێشت و چوون بۆ یه‌هودا و بۆ ئۆرشه‌لیم، له‌به‌ر ئه‌وه‌ی یارۆڤعام و كوڕه‌كانی ڕه‌تیان كردنه‌وه‌ كه‌ كاهینیێتی بۆ یه‌زدان بكه‌ن.
15
جا یارۆڤعام بۆ خۆی چه‌ند كاهینێكی دانا بۆ نزرگه‌كانی سه‌ر به‌رزاییه‌كان[a] و بۆ ئه‌و بتانه‌ی كه‌ له‌ شێوه‌ی ته‌گه‌[b] و گوێره‌كه‌ دروستی كردن.
16
ئه‌وانه‌ی له‌ هه‌موو هۆزه‌كانی ئیسرائیل كه‌ به‌ هه‌موو دڵ ڕوویان له‌ یه‌زدانی په‌روه‌ردگاری ئیسرائیل ده‌كرد، دوای لێڤییه‌كان كه‌وتن و چوونه‌ ئۆرشه‌لیم هه‌تا قوربانی بۆ یه‌زدانی په‌روه‌ردگاری باوباپیرانیان بكه‌ن.
17
جا پاشایه‌تییه‌كه‌ی یه‌هودایان به‌هێز كرد و سێ ساڵ پاڵپشتی ڕه‌حه‌ڤه‌عامی كوڕی سلێمانیان كرد، چونكه‌ سێ ساڵ ڕێگای داود و سلێمانیان گرته‌به‌ر.
خێزانی ڕه‌حه‌ڤه‌عام 
18
ڕه‌حه‌ڤه‌عام ماحه‌له‌تی كچی یه‌ریمۆتی كوڕی داودی هێنا، كه‌ دایكی ئه‌بیهه‌یلی كچی ئه‌لیابی كوڕی یه‌سا بوو.
19
ماحه‌له‌تیش ئه‌م كوڕانه‌ی بۆ خسته‌وه‌: یه‌عوش، شه‌مه‌ریاهو و زه‌هه‌م.
20
پاشان ڕه‌حه‌ڤه‌عام مه‌عكای كچی ئه‌بشالۆمی هێنا، ئه‌ویش ئه‌بیا و عه‌ته‌ی و زیزا و شه‌لۆمیتی بۆ خسته‌وه‌.
21
ڕه‌حه‌ڤه‌عام مه‌عكای كچی ئه‌بشالۆمی له‌ هه‌موو ژن و كه‌نیزه‌كانی دیكه‌ی خۆی زیاتر خۆشده‌ویست، چونكه‌ هه‌ژده‌ ژن و شه‌ست كه‌نیزه‌ی هه‌بوو، بیست و هه‌شت كوڕ و شه‌ست كچیشی بوو.
22
ڕه‌حه‌ڤه‌عام ئه‌بیای كوڕی كه‌ له‌ مه‌عكای بوو، له‌نێو براكانی كرد به‌ میر هه‌تا له‌ جێی خۆی بیكات به‌ پاشا.
23
جا ڕه‌حڤه‌عام به‌ داناییه‌وه‌ كوڕه‌كانی به‌ناو هه‌موو ناوچه‌كانی یه‌هودا و بنیامیندا له‌ هه‌موو شاره‌ قه‌ڵابه‌نده‌كان بڵاو كرده‌وه‌ و خواردنی زۆری پێدان و ژنی زۆریشی بۆ هێنان.
  1. a. 11‏:15 مه‌به‌ست له‌ هه‌موو ئه‌و شوێنه‌ به‌رزانه‌یه‌ كه‌ گه‌ل قوربانی لێ ده‌كرد، هه‌رچه‌نده‌ ئه‌و شوێنه‌ له‌لایه‌ن یه‌زدانه‌وه‌ هه‌ڵنه‌بژێردرابوو. بڕوانه‌ \+xt دواوتار 12‏:5‏\+xt*.
  2. b. 11‏:15 نێری، سابرێن.