عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
ڤەكرنا موهران 
1
پشتی هنگی من دیت بەرخی ئێك ژ هەر حەفت موهران ڤەكر و من بهیست ئێك ژ هەر چوار ئافراندیێن زیندی ب دەنگەكێ وەكو گڕگڕا عەوران دگۆت: «وەرە!»
2
من بەرێ خۆ دایێ، ئەڤە هەسپەكێ سپی یێ ل وێرێ! سیارێ وی كڤانەك ڤێ بوو، تانجەك بۆ وی هاتە دان، ئەو وەكو قەهرەمانەكی دەركەفت، دا سەركەفتنێ بینیت.
3
دەمێ بەرخی موهرا دوویێ ڤەكری، من بهیست ئافراندیێ زیندی یێ دوویێ گۆت: «وەرە!»
4
ئینا هەسپەكێ دی دەركەفت، یێ سۆر بوو. دەستهەلات بۆ سیارێ وی هاتە دان دا كو ئاشتیێ ژ جیهانێ راكەت، دا مرۆڤ ئێكودوو بكوژن. شیرەكێ مەزن ژی بۆ وی هاتە دان.
5
دەمێ بەرخی موهرا سێیێ ڤەكری، من بهیست ئافراندیێ زیندی یێ سێیێ گۆت: «وەرە!» ئینا من بەرێ خۆ دایێ، ئەڤە هەسپەكێ رەش یێ ل وێرێ! تەرازیەك د دەستێ سیارێ وی دا بوو.
6
من تشتەكێ وەكو دەنگی ژ ناڤەندا هەر چوار ئافراندیێن زیندی بهیست، دگۆت: «كوودەكێ[a] گەنمی ب دینارەكێ[b] و سێ كوودێن جەهی ب دینارەكێ. لێ زیانێ نەگەهینە زەیتێ و شەرابێ!»
7
دەمێ بەرخی موهرا چوارێ ڤەكری، من دەنگێ ئافراندیێ زیندی یێ چوارێ بهیست دگۆت: «وەرە!»
8
من بەرێ خۆ دایێ، ئەڤە هەسپەكێ رەنگ پێتی یێ ل وێرێ! ناڤێ سیارێ وی ‹مرن› بوو و وارێ مریان[c] ب دویڤ وی ڤە بوو. دەستهەلات ل سەر چوارێكا جیهانێ بۆ وان هاتە دان، كو ب شیری و ب برسێ و ب دەردی و ب دڕندەیێن ئەردی كوشتنێ بكەن.
9
دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.
10
ئەوان ب دەنگەكێ بلند گازی كر و گۆت: «هەی خودانێ باڵادەست یێ پیرۆز و راست! تا كەنگی تۆ ئاكنجیێن جیهانێ داد ناكەی و تۆلا خوینا مە ژ وان ڤەناكەی؟»
11
هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن[d] وان و خویشك و برایێن وان، ئەوێن دێ وەكو وان هێنە كوشتن، تەمام ببیت.
12
پشتی هنگی من دیت، دەمێ بەرخی موهرا شەشێ ڤەكری، بیڤەلەرزەكا مەزن روی دا و رۆژ وەكو خراری[e] رەش بوو و هەیڤ هەمی وەكو خوینێ لێ هات.[f]
13
ستێرێن ئەسمانی كەفتنە ئەردی، كا چەوا دارهژیر، دەمێ بایەكێ بهێز دهێت، بەرهەمێ خۆ یێ نەگەهشتی دوەرینیت.
14
ئەسمان وەكو پەرتووكەكا دهێتە پێچاندن دیار نەما، هەمی چیا و گزیرتە ژ جهێ خۆ چوون.[g]
15
هنگی پاشایێن ئەردی و مەزنێن وێ و فەرماندەیێن وێ و دەولەمەندێن وێ و هێزدارێن وێ و هەمی بەنی و ئازادان خۆ د شكەفتان ڤە و د ناڤ كەڤرێن چیایان دا ڤەشارت[h]
16
و دگۆتە چیا و كەڤران: «ب سەر مە دا بكەڤن و مە ژ رویێ وی یێ ل سەر تەختی روینشتی و ژ تۆڕەبوونا بەرخی ڤەشێرن،[i]
17
چنكو رۆژا مەزن یا تۆڕەبوونا وان هات و كی دشێت خۆ رابگریت؟» [j]
  1. a. 6‏:6 q كوود: ئامانەكە بۆ پیڤانێ كو نێزیكی لیترەكێ دچیتێ، ئەو ژی تێرا مرۆڤەكی هەیە بۆ رۆژەكێ.
  2. b. 6‏:6 ئێك q دینارq* ل وی دەمی كرێیا پالەیەكی بوو كو بۆ ماوێ ئێك رۆژ كار كربیت.
  3. c. 6‏:8 q وارێ مریان: ل فەرهەنگۆكێ بنێڕە
  4. d. 6‏:11 q هەڤبەنی: ئانكو ئەو پێكڤە بەنیێن مەسیحینە.
  5. e. 6‏:12 q خرار: جۆرەكێ گینیكایە ژ مویێ پەزێ رەش دهێتە چێكرن. ل فەرهەنگۆكێ بنێڕە.
  6. f. 6‏:12 ئیشایا 13‏:10؛ یۆئێل 2‏:10، 31؛ 3‏:5؛ مەتتا 24‏:29
  7. g. 6‏:13‏-14 ئیشایا 34‏:4
  8. h. 6‏:15 ئیشایا 2‏:19‏-21
  9. i. 6‏:16 هۆشێیەع 10‏:8
  10. j. 6‏:17 یۆئێل 2‏:11؛ مەلاخی 3‏:2